Gálatas 1:14 - Sinia' Jlamtis 1994

¹⁴ 'Yina ti je kaspini' siojopo ijniujliejwaspe ti ijiate ti akinieje siukia iyo pit napoka Judíojos, 'yina jwamjla'a ya'am ti 'an pijia'm ti ajyi japo ya'yispe, kajeyepa ti ya'm ijiate ya'am ti je sikiwaliyi'i kiwa jikeyis kiapo 'yaka kijilas mases.

Gálatas 1:14 ပူးပေါင်းရင်းမြစ်များ

Mateo 15:6

Nak it'iminayi ti je ijliene ni i'nio' siunie jota wo ka noyeje napo jiniewot, siuniwa askeyis ti jit'iyasanayi niwak iniuk'iye niwa Sinia' jlamtis.

Hechos 21:20

Jak je iyoyiji'ni ti ipi'yayisie, iyunitisie pa Sinia'. Sekyi'i iyonayisi 'ate ja Pablo: —'Na isiecha, ji'wen 'neje ti 'loj napo Judíojos ti je takakiunisi pa Jesús 'nakayi, ti je iyoyisink'iye ka je tiwoki siunie jike' iyonisi pet, siunie iyo ni Moisés jika'neyasajnaye.

Hechos 22:3

—Judíok'i'm, ajyijyi'n jana Tarso, yiji jana Cilicia, sikijliyeje siujlie'e Jerusalén, ti ani'neyasa'n. Gamaliel t'eyasanikk'i'm, atej'weje'n ti ani'neyasane ki iyo ki Moisés jika'neyasajnaye, siupapo sitise'l t'ipi isi'me naka. Wuj ti ajalas ka iyoyi naka siunie iyo pa Sinia', anipejlanit ki iyo ni ijiusik, iyoye'ateye jiwoyeyi siu'nie jloma.

Hechos 26:5

Siuniwa jlomas atalk'i'ni ti itiant'iejesk'i, kawo ka sijwelis, ka injwelisie'amna'a ti Fariseok'i'm. Anoyeje siunie saka'neyasajnaye iyo.

Hechos 26:9

“Ajwelp'ampe ka 'esie siukia awoyi ti ata'yi ilia'm siojopo je 'yakakiu pa Jesús Nazaret jlele, siu'neje ti iyoyis jleye.

Colosenses 2:8

Joskiyeyi, ká ak'iuyeyi siunapo ti ijwi'il ka 'najajne'n 'lojwinie'e ka inkajmanats'iji'n, kajeyepa siuniwa jitienkiujnieyejes laj lajaye, siu'neje ti jawo jikipijnasa'ase'm. 'Yina siuniwa iyo ti 'yijejne'n, je paka ka intajle pi Sijwajieti, 'wenajliyi jla'am siuniwa jiket'i iyopi papo i'nio' ti 'yotatis, siu'neje ti tajle niwaka injweyejes ti je ti'wena, ti iyo jikimita 'ni ajnat.

1 Pedro 1:8

Ijiate je 'wenayeta pi Sijwajieti Jesús t'ipi, 'yina je woyejliyi ti i'namajayi; siu'niwa jlomas kia'iyojliyi, je 'wena pi k'iejliyi, 'yina jikiniejliyi jiwekie'e ti jitienkiunieyi. It'iminayi ti wuj ti inkasajyi'n, lajk'ipa ka k'ieyeyi ni asnikanitieyi iyo, ti je ti'niejenaja paka tiwonaja ka tijwelajak'iji'n.