Filipenses 4:9 - Sinia' Jlamtis 1994

⁹ 'Yina siunie 'eyasanayijpe, siu'neje ni ajloye'asempe ka woyeyi, 'niwaka ti jawoyeyi askijmayeja'. Siunie ajwe'lase'm, siu'neje ni si'wenayi ti akima, kiak wonayipi pet. Sinia' ti tajle ni inkamankiye jane'yasap.

Filipenses 4:9 ပူးပေါင်းရင်းမြစ်များ

Mateo 1:23

“Siojona jlosie ti ayijnies t'ale' je yi'i, jankiu'ujnie'n, jlas japoye. Siunie kia'le jle' jawo'ate Emanuel.” (Ti awonaja 'ate, Sinia' yisajap.)

Mateo 28:20

'Eyasanayi pet siunie ajloye'ase'm ka woyeyi, ja 'nakayeyijna'a ti jani'neyasanisi. 'Yina ti ya'am ajwel pet ti ja ke pajna'a ka itiaj'lase'm, paj ka ineyeyinie'e ti ajnat jano'we.

Mateo 7:21

“Ja ke wikie'eyeyi siunapo iyo'ate, ti sijwelis, 'Yaka'niona, 'Yaka'niona, ka ijnoyisi ni Sinia' jika anechijiayas. Janapokataja jla'am siunapo iyo ni Inia' ti yi' poliyi iyo ka woyi.

Lucas 6:46

“¿Yot'iyi'ni ti jiwonak'i 'ate, “'Yaka'niona, 'Yaka'niona”, ti je k'iuyek'i'm siunie ti ajlotieja'ase'm?

Lucas 8:21

Jesús isiujlie'ne pet ti iyo'ate: —Siunapo its'iuye niwa Sinia' jlamtis, jla'yi ti isima, napoka jla'm ijiate ti tete, jla'yi ti napok 'yijnis.

Juan 13:17

Siuti ja 'najanayi, ka ajejlitayeyijna'a pet ka woyeyi, ja'wenayena'a ti wuj ti 'es, je jwe'el ka je inkasajyi'n.

Juan 15:14

Asa'am 'yijejnajwasts'ase'm siuti jawoyeyi siunie ajloye'ase'm.

Juan 2:5

Iyone'ne 'ate siojopo iniuyisieje'ni ja tijwa'yi: —K'iuyeyijna'a siupi janwo'nase.

Hechos 9:6

Neppijia'm, maj jojwa'm jana isi'. Sek ja a'yi ka tijwelajamna'a siunie jawoyi.

Romanos 15:33

'Esiji ka Sinia' siunie tajle ni inkamankiye jane'yasap apejlanit'i astepe'e. Amén.

Romanos 16:20

'Nakayi ti jla'm iwonayijna'a 'ate siunie, siunie Sinia' ti tajle ni inkamankiye, ka 'neti'nits'e ni sitiejiejwa imosik, sek jane'yi ka inenana'a assatis kiajwe. 'Esiji ka Saka'niona Jesús imp'elisinape.

1 Corintios 10:31

It'imina ti kiak awo'nase ti awo'ate, “Ja k'iejliyeyi siupa jawoyeyi, ni'ne ka 'yekiunie, ja k'iejliyeyi pi ja'yayejyi, wikie'eyi niwaka wunitieyi pi Sinia'.”

1 Corintios 14:33

kajeyepa ti Sinia' naka ni siunie inkamankiye, naka ni siunie ti je iyojonk'iye ka siunapo jilis jlam pak iwots'i'ni, ka je inka siunie iniwonisi. Siunie iniwone napo Sinia' jilis ti initotietak'i wita'm, nak janekisi pet,

1 Corintios 4:16

Nak it'imina ti anip'elisi'niase ka woyeyi siu'nie aniwone pit.

2 Corintios 13:11

Siunie jikiecha nak jayin jlaja, japo i'lijwas. Awojonk'iye pet ka akamaja. Jalasa pit ka ijiatayiji ka insisie, ni'netie pet. 'Esiji ka ijnol wita'm siunie jiwoyeyi ki iyo niwa asosikis, jla'yi ka ena'yasap ni askamankiye. 'Yina Sinia' ti jla'am ti tajle nak inkamankiye jla'am ti jane'yasap.

Filipenses 3:17

I'lijwas, mayeyi siu'nie aniwone pet. 'Yena siunie iniwone napoka siunapo ti ijiate ti iyoyisi jla'am siunie iyo ni ajlota'ase'm ka woyeyi.

Filipenses 4:7

Ja 'nakayeyijna'a siunie inkamankiye, ti lajk'ipa ka ijnojliji, ti 'yaka'm ape'e ni siunie iyo ni i'nio' ti 'yije'en, jane'yasap ti janoye'ase'm siunie jiwonayi ni asosik jla'yi ni jiwonayi ni astankiujnieye, kajeyepa ti jini'nopijietayiji pa Sijwajieti Jesús.

1 Tesalonicenses 1:6

Asa'am je wet'ianayi kajeyepa jiwoyeyi siunie aniwonaja pit, siu'neje ni iyo ni Saka'niona. 'Yina ti jikima'yi ilia'm niwa Saka'niona jlamtis, it'imina ti wuj ti jinilayitieyi siuniwa iyo'nase napo a'lejwas ti yi'nase'm, 'yina asjweye poye wek k'iye, kajeyepa siunie asnikanitieyi jitiajlayiji jana Sinia' jikimet ti 'es.

1 Tesalonicenses 2:14

I'lijwas, ti a'wetijwas kiak iyo'nase ti yi'nase'm ni wuj ti je 'es ti jinilayitieyi, jiwoye 'ateyeyi papo Sinia' jilis pet ti yi' Judéaja, ti ininop'ijiete wita'm pa Jesús, kajeyepa ti kia'iyo papo ji'wetijwas pet japo Judíojos wuj ti iliaki.

1 Tesalonicenses 5:23

'Esiji ka Sinia' siunie tajle ni jikamankiye, ka wujwa ka inlesana', ka insisie, kan'yena ni asosik jla'yi ki iyo niwa 'asjwes, jla'yi ki iyo ni astankiujnieye, ja 'nakayeyijna'a ka lajak'ipa paka astes iwo ka i'nesta pi Saka'niona Jesús ti Sijwajieti ti janapimet.

2 Tesalonicenses 3:4

Wuj ti sitiej awomaja pi Saka'niona, ti asa'am ka jlamana wek ti ja akajlajyi ti ja awoyeyi siuniwa ajwe'lase'm jla'yi ti ja akiniejliyi ti ja awoyeyi.

2 Timoteo 4:22

'Esiji ka Saka'niona inejiap ni ajosik, jla'yi ka wujwa ka imp'elisina.

Santiago 1:22

Kimayi niwa Sinia' jlamtis, kijmanayi'n ti iyo ka woyeyi. Je 'es ka jla'm ape'yaye jiwek, 'yina siuti kiak jiwoyeyi je jlewitayiji siunie ijiate ti 'es ka woyeyi.

2 Pedro 1:10

Ijiatjliyi 'napo i'lijwas, ti asa'am ti Sinia' ta'nase jla'yi ti isi'mase, 'esiji ka katatayi niwaka, lesanayiji. Siuti kiak jawoyeyi, je pajna'a ka leyeyi ti janoyik'i ni Sinia' ji'niayi.

1 Jn 3:22

Siupi jasitiana janwents'e'm siuti ja'yejlaja, lapawo ti awoki siunie ji'lij jla'yi ti awoki siunie itiliaja ka iyoki.