Filipenses 4:8 - Sinia' Jlamtis 1994

⁸ 'Niwak 'wanjli isiame, i'lijwas, jane'yi siupa ti ja ijiatak'i, siunie ti je jlam tonitie wek, siu'neje ti japoye naka ti tijnajyi, siu'neje ti lajk'ipa ka injlejni'ni, siu'neje ni ti wuj ti emina, siu'neje ni ti ajieyeje ti wuj ti 'es, 'niwak 'esiji ka ijiatayiji ka astankiujnieye ijnoyi. Kajeyepa ti jlam je jiniwonayi, 'yina ti 'yu'we ti jiwunitie 'niwaka.

Filipenses 4:8 ပူးပေါင်းရင်းမြစ်များ

Santiago 3:17

Jlampet siunapo ti ijiate ti tal Siniayi siunie iyo ti 'yije'en, napokaye pet ti kia'iyo ti siunie inia'an ti yiyi ti 'najleje'n ni jlosik; je ti'wena ka iwoyi jijliak'aliye puwa wask'i'nelaja, 'wenajliyi ti 'yakama; siupi ijia iyo kawoyi its'iuye. Takap'ijliuskijyi'n; je ti'wena paka jikeye ka je 'esie iyom wita'm papo 'namaja, jla'yi ti je yinjlajap naka nik'emijieye; isis napo i'nio'.

Tito 2:7

'Wenkina wikie'eyi siuniwa isis ti jiwoyi. Siuti jit'iyasanataja'n ká anijwekia'm ti i'nes jitieyi'i pi Sinia', jla'yi ti ijiate siunie jiwoyi.

2 Corintios 8:21

Tempi it'imina ti kasjwesieje'n pet k'iye ka iyoki siunie 'es jitieyi'i pa Saka'niona; je najata, jitieyi'i 'neje napo i'nio'.

Gálatas 5:22

Jlampet siuniwa tajle janak Sinia' jikimet naka ni inemijnaye ti ijiatk'i, inikanitiejeye, inkamankiye, siu'neje ti je inip'elisin'ni pa ti k'iejlitieje pa ti jiwet'ia iyo; siu'neje ti jlosik po' ni i'nio'; wuj ti takap'ijliuski; jla'yi ti intaj tiwomaja.

1 Pedro 2:12

'Esiji ka nilesanayiji, ti jleyejyi siunapo je itiant'ieje pa Sinia'. Jak je iyoyiji 'wanjliyi ka injwela ka je insisie, 'yina siuti jan'wena ti 'es ni jiwoyeyi ijiate sekjane'yi jajnonitis pa Sinia' ka netieje janak jloma ti Sinia' jan'ye'en wikie'eyi napo i'nio' ni jitis iyo.

Hebreos 13:18

'Esiji ka kasts'ajlan'ni, 'yina ti je k'iejliyi pa ka je 'esie ka iyoki ts'ajwejliye ka nejyi'ni ni sitienkiujnieye, alenjlipa ti ajwela ka ijiatayi ka 'esieyiji siu'nie aniwonaja.

1 Timoteo 4:12

Nilesaniji, 'nakayeyijna'a ti ja lajak'i paka injwel ka laja lajaye siunie jiwoye, ti a'm ti jwemik'ia'm. Siunapo Sinia' jilis ti jan'we'en siunie jiniwoneje, ti jlamtiyeta ape'e napo i'nio', siunie akijmaye ti 'es, siunie emijnaye, siunie atankiujnieye ti 'es, je 'es ka woyi paka k'iejliyeyi siunie je 'es, ka kiak iniwonisieyijinie'e pet.

Efesios 5:9

'Yina siuniwa jla' iyo jana kates jla'al naka ti jlosik po' ni i'nio', siu'neje ti tiwoki siunie ti tijnajyi, siu'neje ti ijiatk'i.

Tito 1:8

Ja nakaye siunie ti t'oniye je ijwisi'ne ilia'm siunapo ijioyi'ni. Ja nakaye siunie ti janemi'n ni 'es. Ja ke nakaye siunie ti je i'yene siunie jawoyi; ja 'esieje'n ni i'nio'; janilesaniji jitieyi'i pi Sinia'; nakaye siunie itiant'ieje ti je 'esta ni iyoyi.

1 Jn 3:3

I'nio' ni je iliyi ti its'iujwink'iye siupi iyo pi Sijwajieti Jesús inilesanayiji pet k'iye niwa wask'i'nelaja'n je isis, iyoye'ate ti jla'am pi Sijwajieti Jesús ti 'es.

1 Pedro 1:22

'Nakayi siuti jik'iuyeyi niwa Sinia' jlamtis ti ijiatk'i, sekyi'i ti je k'emijieta napo as'lejwas ti i'namajayi kajeyepa ti jilija niwa asosikis. Jak je iyoyiji'ni siuti janikimayi siunie asemijnaye, pejlati'n ni asjweye siu'neje ni asosik nayi wita'm ti jawoyeyi.

Tito 3:14

Jlampet papo si'lijwas 'esiji ka ini'neyasane siunie 'es jikijmaye. 'Esiji ka pajlata ape'e, siupi k'iejliyi pi isitia'n, ni jikiecha ti je i'win pet paka k'iejliyeyi. Siuti kiak janiwonisi wuj ti 'es kajeyepa ti napoka ti ijia jitiej jawoma.

Romanos 13:13

'Esiji ka iyoki siunie ts'oniye ti 'es ti awaki ni jloma. 'Yina je awok'iate siunapo i'nio' yiji pet ni ajnaj, siunapo 'yatas, siunapo ti je i'ye'en siojona jiliakijnieye ti ilisanisi ti kijlamiyija'm, siunapo ti ijiate ti je 'es ni iyoyi ayijnies asejnia, siu'neje napo 'yakalk'i pi k'iejliyi ti iyoyi jikeye, siunapo ti iniewite'n, siu'neje napo ti t'elijyi'n.

Santiago 1:27

Siunie ijiat ti 'es ka woyi napo Sinia' jilis, 'najleje'n ni 'es ti iyoyi, lajk'ipa ka jit'iojliye jitieyi'i pa Sinia', niwaka: 'esiji ka noyeyeje napo kimpejnas, siu'neje napo ask'ilieki, ti jijliak'ali po' ape'e 'ni ajnat, jla'yi ka inilesaniji k'iye niwa wask'i'nelaja yi'i 'ni ajnat.

1 Jn 3:18

Ilis, 'esiji ka je si'lijak'i wekie'e siunie semijnaye. 'Esiji ka 'yakajanitie siupi jalisanaja.

Tito 2:2

Siuti a'lej jawejna'm napo kijilas, ka kiak awoyepi 'ate, “Niwonayi'ate iyo siunapo jikijmaye 'es, asts'oniye jansets'ik'i, ke inesi'lie'yi siunie jawoyeyi; astankiujnieye ja'wanjliyi wita'm, kia'iyojliyi ni asemijnaye jla'yi ti jatoma ilia'm siunie aswet'ia ti poyeta.”

2 Corintios 13:7

Sa'am 'ajlana'ase'ni pa Sinia', ka je awoyeyi ni siunie je 'es. Je ajwel ka sam ijiatayi ka 'esiet'iyi siukia awonajapi ti akimak'iji'n ti awak askiowe'e, 'wenajlitieje jla'am ti awoktajank'iye ka awoyeyi ni siunie 'es, ejlo'owek ti ijiate ti lajata ijwiyeja'.

Colosenses 4:5

'Ye'en, siu'neje ka anilesanayiji jitieyi'i napo i'nio' ti kakiujnietas. Ká akajyina japaka jlomaye.

1 Pedro 4:8

'Yina siunie ti jla'm ijiateje ti laja po' naka ti janinemina, jlam'ne naka inemijnaye ti initiajnat niwa inkeyis.

Romanos 13:3

Siunapo i'nio' anechiyasas je napoka siunapo isis ka intaye, ka inkelitk'i'ni, 'wenajliyi jla'am siunapo iyoyi siunie je 'es. Jak je iyoyiji siuti jiwo ka akama, jla'yi ti je wo ka k'iejliyeyi paka iwo'naja napok anechiyasas, woyi ni siunie 'es, sek jane'yi ti jan'we'en.

Tito 2:14

Jlam ti ininekial ti ijioyi ni jiliaye, jakayi ti tiliana, lapakawo ti iyo ka kasjwajiete niwaka siuniwa je isis. Initiajnat wikie'eyi ki iyo niwa sakeyis, ja'nakayeyi ti ja sama siunapo jika kia'lis ti 'wena ijiut'e, ti awokink'iye ka iyoki siunie 'es.

Filipenses 3:1

'Nakayi japo i'lijwas, ké inkiwaliyeyi'ipe pi Saka'niona, 'esiji ka anikanitiets'i wita'm. Ya'am je sik'ijliayi ti ekiajle'e'ni ask'ioye siu'niwa yamtis ti ajlo'wase'ni, 'yina ti niwaka ti ja insisieyi, ti awo'ate:

Romanos 2:29

Jak je iyoyiji ni siunie ijiate ti Judío, ka iyot'e 'ate siunie ti kiak tiwonaja ti t'isie'n jiwa tejwak'i, 'esiji ka ijiatayi ka intajlaja'm ni jikiowe nak Sinia' jikimet jikijmaye pet, 'yina je tajle ni siuniwa inlesajna' t'ipi ti yi'i ni inka'neyasajnaye. Siunie i'nio' ti kia'iyo, Sinia' wuj ti inka'a pet, 'yina je napoka'ne napo i'nio'.

1 Timoteo 2:2

Nak ijiateje ti 'yu'weyi siuti ja'najlan'ni napoka anechiyasas wus, siu'neje napo yi' jitieyi'i pet. 'Nakayipe ti ja lajak'i paka k'iejliyeyi ka nets'e, ka ikajmakiepe, 'esiji ka ijiatayi pet ka je kasjweye ni Sinia', jayoki pet ni siunie 'es ti tijnajyi.

1 Timoteo 5:10

janakaye siojona i'nioki ti pajk'i ti titiant'ieki ti'wena ape'e pi jikijmaye ti 'es ti iyoyi; siojona wuj ti 'es ti i'yena papo jilis; t'oniye inka'a ti i'wi'n ilia'm papo i'nio' ti ijioyetaja; siojona ilij niwa jisietis papo Sinia' jilis; jla'yi ti wuj ti iniuyeje napoka siunapo ti po' pa jijliak'ali; siojona 'yakatate ti iyoyi siuniwa isis.

Efesios 6:14

Ekiajlayi'i ti kiak awo'nase, nit'onitie pijia'm. Woyeyi aska'wakie' siunie ijiatk'i, jlampet siunie tijnajyi nak woyeyi ast'ot jip'ota'.

1 Tesalonicenses 4:12

ja 'nakayeyi siunapo i'nio' Sinia' je jilis jank'iu'wase'm, jla'yi ti ja ke inetia'nase pi k'iejliyi.

Efesios 4:25

Leyets'i siunie ti jiwoye sintijyisa', jiwoye sintijyisaja'm ni askiecha pi k'iejliyi ti jiwoyeyi, jlam'ne ts'isie'n ijwienjlik'i, jijwalts'em'ne peyit siunie Sijwajieti t'ajwes.

2 Corintios 6:8

Yi'i ti ti'niejmakts'e, yi'i ti kaslakik. Yi'i ti kiak tiwonats'e ti kasjwela'ate, “Ijiate wat ti 'es siunie iyoyisi.” 'Yina yi'i ti kiak tiwonats'e 'ate, “Je 'es siunie iyoyisi.” Jlam'ne siunie ajwela 'esieta, 'yina tijwela ka je ijiatayi siupa ajwela.

Hechos 10:22

Isiujlisie ti iyo'ate: —Tokis jika anechiyas siojo jle' iyo'ate Cornelio, jikawosts'e'm. I'nio' ti 'es jitieyi'i pa Sinia', Judíojos ijiunitis, jla'yi ti 'namajasi. Sinia' jijliujwanik poli jlele ijwijla'm ka takajlunie ajak'i, ka ajo 'wete. Naj jlam jampe'ya siupa jajwejla'm.

Juan 7:18

Siunie i'nio' iyojonk'iye ka tonitie je k'iejliyi paka inwo, najata jla'am iyo siunie tajle. Jlam'ne pet siunie ti iyojonk'iye ka tonitie siunie i'nio' sijliu', nak ijiatk'i siunie iyo jlamtikie'; ka ne ts'ijiye ka jla'am iwo siunie taka'neyasane.

Lucas 2:25

Puwak siupuwa jlomas pojompe pa i'nio' jle' iyo'ate Simeón, ji'wet jlaja Jerusalén. I'nio' ti 'es, yamjliyi'iji ti its'iujwe'n k'iye ka Sinia' imp'elisi'n papo Israel jika kia'lis, jla'yi ti iyunit jlam jiwekie'e pa Sinia'. Siojopa Sinia' jikimet ti 'es pajk'i ti yijap ta'a pa Simeón,

Marcos 6:20

Kajeyepa ti Herodes i'wi'in ti tijnajyi paka Juan jla'yi ti 'es jitieyi'i pa Sinia', 'yina naka'ne ti je ijwi' ape'e, 'wenajliyi jla'm ti i'yenta. Ejlo'o wek pa iyo pa Herodes ti po' siupa iyo ti je 'es, 'yina its'iuye'ni jiwek.

Lucas 16:15

'Yina kiak t'ipa iyonayipi: —Asa'am ti jijwela' insisie jitieyi'i napo i'nio', 'yina mejla'ala ka Sinia' je 'najane paka wone niwa askiojwa'l. Kajeyepa siunie ijiunit napo i'nio', nak Sinia' iwit'iane.

1 Corintios 4:5

'Yina naka'ne siunie ti je 'es ka ananejen'ni k'iye pa Saka'niona, je ijiat ka je i'ye'en jla'am napo i'nio' siupi iyoyi siojona jloma ka 'nesta. Ja jlama ti jankajanit'i ape'e ti janejni na jla'al ni jloma wikie'eyi niwa wask'i'nelaja tijwekiek'iji'n yiji ni ajnaj. Sekjane'yi ti jankajanit'iji ape'e napo i'nio' siunie iyo ni yiji ni jlosik. Jiwekie'ejana'a ka Sinia' iwejna'm pa jane'yi siunie ti ja tonitieje, kajeyepa ti 'yakajli.

Hechos 22:12

“Sekyiye'epe siojo i'nio' jle' iyo'ate Ananías yi'i jlajak isi', ijiate jla'am ti iyoyi ki inamtik, jla'yi ti 'yotat ki Moisés jika'neyasajnaye. Wikie'eyi siojopo Judíojos yiji jlaja Damasco ijiunitis ti 'es.

1 Jn 4:1

I'lijwas ti yimijna', ká a'wenayeyijap'ni ka k'iuyeyi siunapo i'nio' ijwi'il ka nejyi siojona Sinia' jikimet. Janajnata ti ja'yena siuti ja ijiatayi ti jantajle pa Sinia' siojopa jikimet yiji. Je pini' napo injwejlanawos ti je ijiate ape'e 'ni ajnat ti t'iskiunk'iji'n, it'imina ni awo'nase.

1 Timoteo 5:2

Jlampet siunapo asejnia ti isijlijyi'n, kiak jawo wone pet 'ate jiwone jana et. Siunapo jlosie wone pet 'ate jiwone jana a'yijnia, 'nalkit siunie 'es atankiujnieye ti ja e'ne.

Lucas 23:50

Pojompe pa i'nio' jle' iyo'ate José, ji'wet japa Arimatea yiji jlaja ajnat Judea. Wuj ti jlosik po' pa i'nio', 'es jitieyi'i pa Sinia', jla'yi ti je iliyi inijijwijyink'iye pa jika anechijiayas pa Sinia'. 'Yina pakayeta siupapo ijnosikis jiwos, lapakawo ti je iniuyeje siupi iyoyi papo ijia siupa iyo kanwonisi pa Jesús, 'yaka je yimink'i.

1 Timoteo 3:4

Naka i'nio' ti 'yijene ti i'yena ni ji'wet, jilis its'iuye, kajeyepa ti iyo lajaye.

Hechos 6:3

Jak je iyoyiji'ni, 'napo i'lijwas, 'esiji ka ani'yenanie'e, 'yenayijyi'n papo ijwien sikio' itij'we times tom'niji ka akima'yi, ka jlosikis poye, jwajla'a janwoyits'i'ni, jla'yi ti ja Sinia' jikimet ti 'es jampoyijits'i. Papok ajotkinayijna'a ka jikijmayeja'.

Mateo 22:16

Sekyi'i ti ijliuye japo t'eyasajnas pet, siu'neje japo 'yuyisk'i pet japo Herodes, ti ijioyisi ja Jesús. Yiyisi ti kiak iyonayisi 'ate: —Inka'neyasajnawo, kasts'ajane ti a'am je niliak paka a'leja', jla'yi ti ijiatk'i siunie jiwo ti jika'neyasa'n ti jijwe'el pa Sinia' ji'niayi. Siunie iyo napo i'nio' je injlan'ni, kajeyepa ti je ji'yene paka ne'yi pa ka t'oniye iwo.

Hebreos 11:2

Siupapo sitise'l t'ipi, siuti Sinia' itime 'yina ti paka jla'am siupa jitienkiujnieye ti 'es ti je takakiu'n ti it'imina.

1 Timoteo 3:11

Kia'iyojliyi napo asejnia ti iniuyeje pi Sinia' ni jikijmaye ja ke jiwekie'eja jana i'nioki. Janapokaye napo ti je yimi'n siuniwa ye'laja jiniliaja, je nesi'li'yi pa k'iejliyi, 'wenajliyi ti i'ye'en. Je tak'emiyeje wek siupi k'iejliyi ti iyo ka woyi.

2 Corintios 8:18

'Yina po' ni sikiecha ajlok'i ni Tito ka 'nonink'i, siunie ti Sinia' jilis i'winis ti jla'm ijiate'ni jiwek jla'am ti 'es jitieyi'i pi Sinia' ti iniuyeje, siu'neje ti iyo jlamtikie' niwa Sinia' jlamtis.

2 Pedro 3:1

I'lijwas ti yimijna', 'nak timesieyiji ti ip'isinik atajiet'ase'ni. Siu'nie ip'isinik, siu'neje ki anajnat ti ajlo'ase, je k'iejliyi pi jikiechaye ka iyo'nase naka ti awokta pet asosikie' ka ijiatayi ti jajnajyi ni astankiujnieye.

Romanos 14:18

Jak je iyoyiji siunie i'nio' ti iyoyi niwaka, ti iniuyeje ni Sijwajieti, 'yina 'yakanit'ni ni Sinia', jak je iyoyiji pet siunapo i'nio' iyoyis pet 'ate, “Jla'm ijiate ti 'es.”