Filipenses 4:5 - Sinia' Jlamtis 1994

⁵ Ni'wenkinajia'm napo i'nio' asa'am ti jikap'ijliuskiye. Je pa tojwa'a ti ja'nes pi Saka'niona.

Filipenses 4:5 ပူးပေါင်းရင်းမြစ်များ

Mateo 6:25

“'Nak ajwe'lase'm ti awo'ate, Ká awoye asjlak'aliye ti jawoye'ate, ¿Tent'ipa jats'esi? Ke injlak'aliyejyin'ni k'iye siupa jatowa', siu'neje ni ja'yayejyi'ni, siu'neje ni ja'wuyejyi. ¿Ma je t'i 'yaka'm ape'e ni laja iyo jana a'wasankiye siunie jitiujw? ¿Tepi iyo pet ni 'ajwes: jet'e 'yaka'm pet ape'e siuniwa jit'iuts'iji'n?

Tito 3:2

Ká ayeyiji'ni ni askiecha, kamaja. P'elisi'n napo as'lejwas; siuti jawayejiap papo, nikajanitieyi siunie jiwoyeyi ti je nitonitie.”

Hebreos 10:37

Kajeyepa siuniwa jlamtis ti iyo'ate: “Majleyeyi, majleyeyi, ja 'nes siunie t'ijieye'ni ilia'm. Ja 'nes, ja ke jwataja k'iye.

1 Pedro 4:7

Je pa tojwa'a ni jlaj jane'yi wikie'eyi siuniwa wask'i'nelaja. It'imina ti kiak awo'nase, nilesanayiji. 'Esiji ka asa'am ijiatayi ka woyeyi ni asts'ajlaye.

1 Corintios 6:7

Siuti kiak jiwoyeyi ti jinilanajyin'ni, nak 'yakajanit ti wuj ti je 'es siunie jiwoyeyi ti yi' aska kiowe'e. Awo'ate, 'esiji ka wujwa ka anilayitieyi siunie iyo'nase napo as'lejwas ti takajla'n askiajwe.

Hebreos 10:25

Ja ke kastasite siunie aniwonaja ti anitotiek'i wita'm, iyo napo ti iliyi ti kiak iniwone, 'wenajliyi ti janijlokk'ijin'ni. Wuj wata'a ti 'es ka iyoki kiaka, 'yina ti a'wena ti je tojwa'a siojona jloma ti Saka'niona janapimet.

Apocalipsis 22:7

Iyo'ate, “¡Ja ke paja its'ioye! ¡Ikap'ijliuskiye yiyi siunie ti its'iuye ni inka'niye ti yiji siu'nie imp'esinik!”

1 Corintios 8:13

Jak je iyoyiji, siuti naka ti it'imina ni isiecha ti k'iejli jijweye potie ti iyoyi niwa Sinia' jlamtis, ti ya'am ti a'wenkina ti iyoyi pit ni jike', ajwel'ni 'esiji ka iliyi ti atojw ni wakia t'isie'n, ni'ne ka sonta t'isiena pa, ja 'nakayeyi ti ja ke yama ka it'imina ni isiecha ti iyoyi ni jike'.

Mateo 6:34

“Ká awoye asjlak'aliye siunie ti jiwoye'ijyi 'ate, ¿Tent'ijyi ni ja'wi'in ka jlomata? ¿Jot'e ka je ak'iujwap'eje jiwekie'e ka jlomaye siunie injwesiejejyi'n k'iye ti jiwo ka woyi? ¡Jlam'ne je pini' siuniwa wask'i'nelaja je 'najane pa ka wone!

Apocalipsis 22:20

Siu'nie 'yakajanit'i ape'e 'niwaka iyo'ate: —Ijiate, ja ke paja its'ioye ti jayapimet. Amén. Kets'ijyi'n, Ika'niona Jesús.

1 Pedro 1:11

'Yina Sijwajieti jikimet ti 'es ti yiyits'i papoka, japak 'yakajanitiamk'i siupi jawo jla'am pi Sijwajieti ti janilayiti, siu'neje pa jawoyi ti wuj ti ja 'esie ti jawunitie, ijnonitieye ja tena'a ji'wecha siupi iyo ti inilayiti. Wuj ti ijialasis ape'e ti iyo ka 'najanisi paka iwonisiji pak i'nio' t'ipi, siu'neje japak jloma ti Sinia' jikimet ti 'es 'yakajanitia'm.

1 Corintios 9:25

Iyo'ate siuniwa ijia inlakijie, siunapo janlaki jlomas ti initejlitis'ni ti iniwakajlanitis ta'a, sekyi'i wuj ti i'yena ni t'ajwes, je isime paka k'iejliyeyi. Tepa jawo ka je kiak iwo ti iyo pet ka je titieyeje, ti iyo ka i'yaka'n siunie a'lak'as ti tijweniejek'i ti tena jletik'i ni i'nio' ti t'an pijia'm, jlam'ne je t'on wata'a. Sa'am jeyetaja siu'nie awoki, ti jlajma ja ke inilana'a jiwek, kajeyepa ti awokink'iye ka 'yakajlaja siojona tena ajnat'e sik'ioye ti ja ke paja jla'am ka inetia'n.

Lucas 21:34

“Ni'notatayiji, ká aninenayi 'ate siunie ajosik iyo ka woyi, ká a'yaye ni'ne ka wujwa ka woye asjlak'aliye niwak wask'i'nelaja jlalasajyink'iye ka'wena', 'nakayeyijna'a ka je inesi'lieta janak jloma ti ajwe'el,

1 Corintios 16:22

Siuti japoye siunie je 'namaja ni Saka'niona, 'esiji ka jiwet'ia ine'yi ape'e. ¡Saka'niona, jlam woni'na 'ate, kets'ijyi'n!

2 Corintios 10:1

Siuti ya'am ti Pablok'i'm wuj ti anip'elisi'niase, 'yina etijnape ki iyo ni Sijwajieti jikap'ijliuskiye ti je yi'n. Po' siunapo sijwe'el ti a'yi aska kiowe'e 'yotale je t'oni paka k'iejliyeyi, jlampet ti sitiojwatajk'i 'yotale t'onie'eje ti ajwe'el pi k'iejliyi.