Filipenses 3:1 - Sinia' Jlamtis 1994

¹ 'Nakayi japo i'lijwas, ké inkiwaliyeyi'ipe pi Saka'niona, 'esiji ka anikanitiets'i wita'm. Ya'am je sik'ijliayi ti ekiajle'e'ni ask'ioye siu'niwa yamtis ti ajlo'wase'ni, 'yina ti niwaka ti ja insisieyi, ti awo'ate:

Filipenses 3:1 ပူးပေါင်းရင်းမြစ်များ

Mateo 5:12

Nikanitiejyi'n inkaja'yi siunie as'wajieta siunie ti ja tekiajla'ase ts'iji poliyi. Kiakjin iyopi papo Sinia' jijwejlanawos t'ipi ti i'nio' tejeyits'i ilia'm.

Lucas 1:47

siunie ijiusik inka'a pet na Ijwiejieti ti Sinia'.

Romanos 5:11

Je nakata, siu'neje ni jikiecha, ti wuj ni sinikanitieyi yiji pet ti naka Saka'niona jla'm ti it'imijne'n ti kia'iyo, 'yina ti nak it'imina ti kasts'isisi wita'm pa Sinia'.

2 Corintios 13:11

Siunie jikiecha nak jayin jlaja, japo i'lijwas. Awojonk'iye pet ka akamaja. Jalasa pit ka ijiatayiji ka insisie, ni'netie pet. 'Esiji ka ijnol wita'm siunie jiwoyeyi ki iyo niwa asosikis, jla'yi ka ena'yasap ni askamankiye. 'Yina Sinia' ti jla'am ti tajle nak inkamankiye jla'am ti jane'yasap.

Efesios 6:10

I'lijwas, ti asa'am ti jleyejiap pi Saka'niona, janakaye ti asjweye ja atajlatayi, 'yina ti jla'am ti jit'iuni po'.

Filipenses 3:3

'Yina siunapo ijiate jla'am ti ijiatk'i ti kiak tiwonaja ti t'isie'n jiwa tejwak'i napoka ti sa'am, kajeyepa ti yijits'i niwa sikiojwa'l. Sa'am ti awunitie pa Sinia', ka lajak'i ki iyo 'neje japa jikimet ti 'es, jla'yi ti wuj ti kasts'ajka'a, ti je 'wena paka itiajlaja paka pi Sijwajieti Jesús. Ti je nak ka 'yena siunie 'yaka ti ijnonitieyi tena'a pi k'iejliyi ti po'.

Filipenses 4:4

'Esiji ka je aleyeyi siunie asnikanitieye ti tajle pi Saka'niona. Jayikiajle'eje: ¡Nikanitiejyi'n!

Filipenses 4:8

'Niwak 'wanjli isiame, i'lijwas, jane'yi siupa ti ja ijiatak'i, siunie ti je jlam tonitie wek, siu'neje ti japoye naka ti tijnajyi, siu'neje ti lajk'ipa ka injlejni'ni, siu'neje ni ti wuj ti emina, siu'neje ni ti ajieyeje ti wuj ti 'es, 'niwak 'esiji ka ijiatayiji ka astankiujnieye ijnoyi. Kajeyepa ti jlam je jiniwonayi, 'yina ti 'yu'we ti jiwunitie 'niwaka.

1 Tesalonicenses 4:1

'Nakayi japo i'lijwas, etijnape pa Saka'niona Jesús jle', ti sa'am wuj ti anip'elisina'ase ka je aleyeyi ni siunie iyo ni pajk'i ti 'eyasanayi, siunie ti Sinia' yimink'i. 'Ejie'nase'm ka je aleyeyi naka kawoyeyi.

1 Tesalonicenses 5:16

'Esiji ka je awoye jlaja siunie jiniwonayi ti inkasajyi'n.

Santiago 1:2

I'lijwas, siuti kia'iyo ti yiyeta'ase niwaka inkajejlasayejes ti a'tisk'iji'n ti inijle'en, ja ijiatayijpe pet ka nikanitiejyi'n.

1 Pedro 3:8

Jlaja, 'napo i'lijwas, 'esiji ka ijnojli wita'm siunie ja woyeyi, siunie askiowe kia'iyojliyi, 'yina ti injwanjliyek'i. Ninemina, akiowe nit'onitieyik'i wita'm, 'yina ká anitonitiejyi'n.

1 Pedro 4:13

'Wenajli wek ti ja anikanitiejyi'n, lapakawo ti yiye'ase pit naka inkajejlasaye ti inilayitt'iyijpe pi Sijwajieti ti kia'iyo, ja 'nakayeyi ti jampo'ase ni asnikanitieyi, ka 'nakajta ni siunie iyo ni jijweye.

2 Pedro 3:1

I'lijwas ti yimijna', 'nak timesieyiji ti ip'isinik atajiet'ase'ni. Siu'nie ip'isinik, siu'neje ki anajnat ti ajlo'ase, je k'iejliyi pi jikiechaye ka iyo'nase naka ti awokta pet asosikie' ka ijiatayi ti jajnajyi ni astankiujnieye.