Filipenses 2:9 - Sinia' Jlamtis 1994

⁹ It'imina ti Sinia' yikiajle pet naka jle', ti iyo anechiyasa' ti 'yaka'm ape'e napo i'nio'. Yi'ni'ne siupi jle' ti 'yaka'm ape'e napo ijia anechiyasas jleyis iyo.

Filipenses 2:9 ပူးပေါင်းရင်းမြစ်များ

Mateo 11:27

Yiyik'i ti kia'iyo, sekyi'i iyo'ne 'ate: —Inia' yikialk'i wikie'eyi niwak wask'i'nelaja. Lajk'ipa ka nets'e ka ijiatayiji ka intant'ieje ni Jlas, ijwienjli jla'am ni Jinia' ti 'yijene pi iyone. Jla'yi ti lajk'ipa ka intant'ieje ni Jinia', najataja jla'am ni Jlas ti itiant'ieje, siu'neje napo iyo ni Jlas ka intant'iejeniti.

Mateo 28:18

Sekyi'i Jesús ijliasayi, iyo'ne 'ate: —Inia' yikialk'i ka iyo anechiyasa' ape'e wikie'eyi siuniwa yi' poliyi, siu'neje niwa yi' ajnat'e.

Lucas 10:22

Yiyik'i ti kiak iyoyi sekyi'i iyo'ne 'ate: —Inia' yikialk'i wikie'eyi niwa wask'i'nelaja. Lajk'ipa ka 'najane paka wone siunie jlas, ijwienjli jla'am siunie Jinia' ti 'yijene pi iyone. Siunie Jinia' kia'iyojliyi, lajk'ipa ka 'najane paka iwone, ijwienjli jla'am ni jlas ti 'yijene pi iyone, siu'neje napo iyo ni jlas ka intant'ieje.

Juan 17:11

“Ti ya'am jayapi'lia, 'nak ja ke yi'i 'ne ajnat'e, jlajma ijiatayi ti jlamis ja ke intajlis 'ne ajnat'e. Inia' ti i'nes, 'esiji ka 'yena, ki iyo ni ajweye siunie ti jiwenk'impe, 'nakayeyijna'a ka injwanjli ino'we, ka iwoyena'a 'ate awoki ti sa'am.

Juan 17:12

Ti je ataljlijiap kiu'ujwe, wuj ti a'yena jla'yi ti anoyeje, 'yina ka lajak'i ni ajweye ti tajle ni e'e, siunie ine'e ti jlekialk'i. 'Yina ti jlamis lajk'ipa ka injwanjli ka netiane ijwienjliye jla'm siunie ti pajk'i ta'a ni jawo ti janetia'n, iyo niwa inamtis t'ipi.

Juan 17:5

'Nakayi, 'ni Inia', ti jayapi'lia, wenk'i'm siunie ijwiye, ijwiye iyopi ti je ataj'lajap, ti 'nelanjie'e je wakaljli'ijyi 'ni ajnat.

Hechos 5:31

'Yina ti jla'am pa Sinia' ti isi'me, ti iyojwa'n anechiyasa' ti wuj, yijne'n jijweyeje, jla'yi ti iyojwa'n Injwajietiwoye, Israel jlele ja 'esieye siuti janwoyis jlosikis ink'iejyisa', sekjane'yi ka Sinia' inetiajnatana'a k'iye niwa jikeyis iyo.

Efesios 1:10

Siuka netiejenie'e janak jloma, Sinia' pajk'i ti yikiajle pi Sijwajieti ti ja nakaye ti janiojokiji wikie'eyi siuniwa yi' poliyi, jla'yi ti sa'am ti awak'i 'ni ajnat, kajeyepa ti ja jlama ti ja kas'ye'en.

Colosenses 1:18

Jla'am 'neje ti jletik siunapo Sinia' jilis. Paka pi jlas ti iniajnat, jla'am 'neje ti inia'an ti iniu kisie'e ti tajli ni a'no', ti iyo anechiyasa' siunie wuj.

2 Tesalonicenses 1:12

Siuti kiak jawo napo i'nio' jajnonitieyisna'a ni Saka'niona Jesús jle', sek jane'yi kiak iwona'asenie'e pet ti asa'am ti jajnonitie, 'yina ti kiak iyo ni jikap'ijliuskiye ti jla'am ti tajle pi Sinia', jla'yi pi Saka'niona Jesús ti Sijwajieti.

Hebreos 1:4

Sinia' jla'am ti 'yajnat ape'e napo jijliujwajnas poli jlele pa jlas ni jijweye iyo, jak je iyoyiji siunie iyone ni jle' ti yikiajle ti iyo anechiyasa' 'yaka'm ape'e siuniwa jleyis iyoyi pit.

Hebreos 1:9

Jlemi'n ni siunie ijiatk'i, 'yina jlam pet siunie je 'es ine'waja'm pet. It'imina ti aki'ma'm siuti ya'am ti Anak'i'm, siunie anikanitiejeye ti asa'yi atepe'e 'yaka'm ape'e ni iyo napo 'ajajnajwas.”

Hebreos 12:2

'Esiji ka sitiej 'yitie'e ni Jesús, 'yina ti jla'am ti atajlajaja siunie ti je akakiunie, 'yina ti jla'am 'neje ti ijniujliet wita'm janaka. Jesús wuj ti inilayiti siupa jiwet'ia ti tena'a japa cruz, je nesi'lieyi ka inojwat jiwa'm siupa jikalakijnieye papo i'nio', lapakawo ti je int'ayiji'n siunie jawo ti janek'iyi ni jiwet'ia iyo jank'iuyeja'ana'a pet siunie jinikanitieyeja'. 'Nakayi yiji'n 'niji jijweye pa Sinia' siupa ji'wet ti anechiyas.

Hebreos 2:9

Jlam pet pi Jesús a'wena ni siunie Sinia' iyone ti jwajla'a ti ijliasat isia'm, jak je iyoyiji siunapo injlojwajnas poli jlele t'ana wat ape'e. 'Yina ts'ijiye initojmat jla'm ape'e napo i'nio' ti ijioyi ni jiliaye. Ka lajk'i na jikap'ijliuskiye ti yints'e'm, nak it'imina ti 'ya'al pa Jesús. Jak je iyoyiji siuti kiak iyoyi ki inilayiti, sekyi'i Sinia' yin'ne ape'e siunie jiwunitieyi siu'neje ti iyojwa'n anechiyasa'.

1 Pedro 3:22

ti ijio poliyi, ti yiji'n 'nijiye jlepi pa Sinia' ti tome jijweyeje. Ti injlojwajnas poli jlele jika anechiyas, siu'neje puwa injweyejes ti yiji ni poli, siu'neje puwa inwunitieyejes wikie'eyi ti yi' kiajwe.

2 Pedro 1:17

Kajeyepa ti sampe ti awakiap ti ijio ape'e jlajak tikijnaki ti toj pijia'm, jlaja Sinia' 'yotat. A'wenajaja ti Sinia' yikiajlayi ni iyo ni jijweye, ape'yak 'neje pi Sinia' jla'lap ti tojma'm ni poli, ti je kia'iyo paka tipe'yak ti wuj ti 'es, ti iyo'ate, “'Nak yas ti ts'amaja. Wuj ti ajonit.”

3 JuanMary Thureson 1:7

Ti yamata'ni ti iyoyisi ni Saka'niona jikimet, je k'iejliyi paka intajleje napo i'nio' kakiujnietas ka 'esieyi.

Apocalipsis 1:5

'Yina tajle 'neje ni Sijwajieti Jesús siunie jika'niyewo ti 'es, jla'am ti inia'an ti yapi pijia'm ti tajli pi a'no', siu'neje ti wikie'eyi siunapo anechiyasas yi'ne ajnat'e ti jika anechiyasis. 'Namats'e pa Sijwajieti, isia'ni pa ji'woyis, siu'neje ti 'ya'al, 'yina lapakawo ti iyo ka kasjwajiete siuniwa sakeyis.

Apocalipsis 11:15

Sekyi'i siojo injlojwanik poli jlele ti tomayi jlaja, jlampa ijwienjliye 'ni sikio' itij'we times tom'niji japo yam'niji, ti ti'wosojyi'n, 'yina pesiejayi papo tom'niji poliyi, jla'lap ijiok'i'ni ti iyoyits'i 'ate: “¡Siunie ajnat wikie'eyi siuniwa isie pet ape'e 'nakayi yi kiajwe pet ni jijweye ni Saka'niona, siu'neje ni Injwajieti ti jijliujwanik. 'Yina napoka ti anechiyasas jajnok'i'ni ti kiak jawo!”

Apocalipsis 19:16

Po' niwa inamtis yi'i ja ji'wu', yi'neje ts'e jlekijna'a jawa ijia, ti iyo'ate, JIKA ANECHIYAS NAPO ANECHIYASAS SIU'NEJE JIKA'NIONA NAPO INKA'NIONAS.

Apocalipsis 3:21

Siunie i'nio' ti jantate isia'm ni jitiejiejwa, jawijna'm pet siunie ti janejyi'n ijiap siunie i'wit ti awo anechiyasa', iyo'ate awo ti atate isia'm siunie ata ilia'm, 'yina ayejen 'niji ti ajiap ni Inia' ti yi'iji'n jana ji'wet ti anechiyas.

Apocalipsis 5:12

jla'lap jwesiejayik'i'ni ti iyoyits'i 'ate: “¡Siu'nie 'wolepo 'woma ti titimaja ti tiliana, 'nak jla'm ijiate ti 'yu'we ka tiwunitie. 'Yina ti ijiate ti jijweye po', siu'neje ni ijios niwa jikijmatis, siu'neje ni t'ajankijnieye iyo, siu'neje ti je ijlie'en paka k'iejliyeyi pa. 'Esiet'itie ti kiak tiwonaja ti tiwok lajaye, siu'neje ti tiwunitie!”