Filipenses 2:6 - Sinia' Jlamtis 1994

⁶ ti jla'am: 'Wanjliyi ijiatataja ti tajla'm pet siupi iyo pi Sinia', 'yina je kia'iyo ka ini'najnat pijia'm. Ka kia'iwo ka iwoyi jijliak'aliye naka, 'wenajliyi ti iliyi kiu wek seka'a.

Filipenses 2:6 ပူးပေါင်းရင်းမြစ်များ

Juan 5:18

Jak je iyoyiji'ni siojopo Judíojos ti kat'ajayi siukia iyo, ti yiminisk'i ti iyo kanlanis ti ipi'yayis ti je janakata ti je iyo lajaye siojona jloma ti i'nio 'wanjlijyi'n, siu'neje ti ijwilis ka iniwojwa'n 'ate pi Sinia', ti inijwe'el ti pak Jinia' pi Sinia'.

2 Corintios 4:4

'Yina 'yakakiuyis, siunie ajnat jinia' iyojwa'n talojoye siuniwa iyo niwa jlosikis, ti iyo ka je i'we'en ki iyo ni jla'al ti ijiate ti 'esi, naka inka'niye ti 'es, ti ijwi'il ni jijweye ni Sijwajieti ti jla'am ti Sinia' jipe'el.

Hebreos 1:3

Jla'am ti jla'al ti 'esi' pak Sinia', jla'yi ti nak jipe'el pa Sinia' siupa k'iejliyi. 'Yina jlam'neje ti 'yitk'i pijia'm wikie'eyi niwa wask'i'nelaja, ti isiene niwak jlamtis ti jijweye po'. Ti itimayi siukia iyo kia jikijmaye ti initiajnat sik'ioye kiwa soski'layis, sekyi'i yiyeje'n 'niji poliyi jijweyeje yi'i pa Sinia' ti iyo anechiyasa' ti wuj.

Juan 17:5

'Nakayi, 'ni Inia', ti jayapi'lia, wenk'i'm siunie ijwiye, ijwiye iyopi ti je ataj'lajap, ti 'nelanjie'e je wakaljli'ijyi 'ni ajnat.

Apocalipsis 21:6

Sekyi'i ti kiak iyonak'i'ijyi 'ate: —¡Wakal! Ya'am siunie iniant'ipi, 'yina yam'neje siunie yi jlaja. Ya'am siunie ti 'nelanjie'e, 'yina jajiok'i'ni. Siunie ti na'la ilia'an jawijna'm siunie i'niat ti jlam sek tajle wek ti jayoyi ji'wajieta', siunie i'niat ti i'wasankiye.

Juan 10:30

Siunie Inia' jla'yi ti ya'am kasjwanjli.

Hebreos 13:8

Sijwajieti Jesús paka siupa ti pajt'ik'ipe, siu'neje ti 'nakayi, siu'neje ti jajnok'i'ni.

Juan 10:33

Siojopo Judíojos iyo'ne 'ate ti isiujlieyisie: —Je'ne ka niwakaye siuniwa isis ti jilisane ka itiajlata'a'm ti sisajas jota itietajaja'n. Siunie atajlata'a'm naka ti jiliaki pi Sinia'. I'nioyeta'ame ti jiniwojwan'ni Siniaye.

Romanos 9:5

Papok jitise'l t'ipi pet papo Abraham jilis, sekyi'i siupa tajla'm siupapo jilis pet ti tomik'i pijia'm paka pet pa Sijwajieti, siupa ti Injwajieti ti Sinia' jijliujwanik. ¡'Esiji ka tiwunitie pa Sinia' jajnok'i'ni, ti jla'am ti isie'e wikie'eyi siuniwa wask'i'nelaja! Amén.

1 Timoteo 3:16

'Yaka ti je jlase' ki iyo ni siunie je akakiunieje. Sinia' 'yakajanitts'e'm sa'am ni siunie ti 'es, ti iyo'ate: Sijwajieti ti inikajanitie, iniwojwa'n i'nioye, jlampet ti Sinia' iniujwata kisie'e, ti tajli ki a'no', 'yakaja ape'e pet ti Saka'niona, injlojwajnas poli jlele i'wi'in, sekyi'i ti tijwelajayi pet ape'e wikie'eyi napo i'nio' ti yi' ape'e 'ni ajnat. Ijiate je takakiunisi, siuti tikiniejayi 'niji poliyi, 'yina sekyi'i ti isima ilia'm, siunie 'es ti tiwunitie.

Juan 20:28

Tomás iyo'ne 'ate: —¡'Ni Inia', 'Yaka'niona!

Juan 10:38

Siuti ja 'yakajli ka ilisane, 'wanjliyi ká akima'yi ijyilia'm, 'yina ká akakiunieyi ni siuniwa alesane, 'nakayi ti ja'najanayi ti jlam je awo Inia' yi' iwia'm, kia'awo pet ajyi ni Inia'.

Hebreos 1:6

Jak je iyoyiji siuti 'yakajanitia'm napo i'nio' yi'i 'ni ajnat, siu'neje napo poli jlele pet ni jlas ti iniajnat, iyone'ne 'ate: “Wikie'eyi siunapo ijliujwajnas poli jlele, 'esiji ka wunitie.”

Tito 2:13

Naka'ne ni siunie iyotaja ka iyoki ka inijijwiyejenk'iye janak jloma ti 'es ka napitiemet pi Sijwajieti Jesús, Sinia' ti wuj.

Mateo 1:23

“Siojona jlosie ti ayijnies t'ale' je yi'i, jankiu'ujnie'n, jlas japoye. Siunie kia'le jle' jawo'ate Emanuel.” (Ti awonaja 'ate, Sinia' yisajap.)

Juan 14:9

Jesús isiujlie ti iyo'ate: —Felipe, awo ka pajliyek'i ti aye'asap, ¿je p'an intant'iejk'i? I'nio' ni si'we'en, i'win pet ni Inia'. ¿Yot'iyi'ni ti jiwo ka'winki'na'n pi Sinia'?

Hebreos 1:8

'Yina jlam pet ti ijwilt'ipi pet ni jlas iyo'ate: “Sinia' ja ke paja ka int'ekiyi ti jawo anechiyasa', jak je iyoyiji siunie akijmaye iyo tijnajyi.

Juan 5:23

ja 'nakayeyi ti ja tiwunitie ka iwoyena'a 'ate ni Jinia' ti intonitieye tena'a. I'nio' ni je iyunit ni Jlas, ja ke injwe'el ka pakataja ka inwunit pi Jinia' ti ijliu'.

Juan 14:28

'Yina sipe'yaye ti awo'ate, “Jayik, 'yina jayapimet'eje ti jayi'iji aska kiowe'e.” Siuti ja ijiatayi ka semina, ka kiak iwoyeyijna'a ka apeniyeyi'inna'a ti jayik ti jajioyi pi Inia', ti jla'am ti 'yaka'm itipe'e.

Juan 1:18

Lajk'ipa ka in'we'en pi Sinia'. Ijwienjli jla'am ti i'wi'in siunie Jlas ijwienjli, ti jla'am ti Sinia', ti ijwienjli yiyi'i pi Sinia'. Jla'am ti i'winkints'e'm, it'imina ti kastant'ieje.

1 Timoteo 1:17

¡'Esiji ka iyunitie ni iyo ti jlam ti anechiyas, jla'yi ti ja ke iyok jlaja ti jayunitie, ti ijwienjli jla'am ti Sinia', jla'am ti je ti'wena ka paja, anechiyas ti je pajna'a ka netia'n, je ti'wena ka'na'al! Amén.

2 Corintios 8:9

Jlam'ne 'najanayi pi jiwonayi pa Saka'niona Jesús ti Sijwajieti siunie kiak iniwone, ti iniwojwa'n 'ate siunie p'ijliusie, jlam'ne ki iyoyetaja ti jwajla'a je isitia'n. Lapakawo ti ijiateje ti kasp'elisijne'n, 'nakayi ti ja'nesieyi siuti kiak iniwone astepe'e ti iniwojwa'n p'ijliusieja', jawoye pet 'ate siunapo ti ijiate ti jwajla'a je isitia'n.