Filipenses 2:5 - Sinia' Jlamtis 1994

⁵ Ena'yasap siunie asosik siupi jlosik iyot'iyipi pet pa Sijwajieti,

Filipenses 2:5 ပူးပေါင်းရင်းမြစ်များ

Mateo 11:29

Kima'yi ilia'm siunie tejeye pet naka inkijmaye ti kiojieti, ena'yi astepe'e. Ni'neyasanayi siunie aniwone ti akama, ti je anitonit. Jant'eminajna'a ka 'esie ka inajape'n ni asak'al, jankamajana'a.

Lucas 22:27

'Yejne'n, ¿ten siupa ti 'yaka'm ape'e ni jikiecha? ¿Nakat'imi siunie teje'yi jana inak totieja ape'e ti jan'yekiu'n, ni'ne ka nakaye ni inkawo? Ajwel'ni naka ni siunie ti teje'ye ape'e jana inak totieja ape'e ti jan'yekiu'n. 'Yina kiak awo pet ti aye aska kiowe'e awo'ate ni inkawo.

Hechos 10:38

Ajwe'el ja Jesús Nazaret jlele, jla'am ti Sinia' jikimet ti 'es tipoyiji jla'yi pi jijweye. Ti t'iskiunieje'n ape'e 'ni ajnat, ti iyo ni 'es, ijwiejiete papo i'nio' siupa imosik iyone, wuj ti inilayiti siupa jiwet'ia iyo, lapakawo ti Sinia' jlam ti yijap, it'imina ti 'yakajli ti iyo niwaka.

Hechos 20:35

K'iejliyi'iji pa akima, sekyi'i ti ajwanayija'ajme pet ti 'eyasanajyi'n ti awo ka kiak aniwonayi, ka anoyeyeje siunapo p'ijliusis siupa isitia'n. Astaj enayijpe 'ate siusiwa Saka'niona jlamtis ti 'yakaj, ti iyo'ate, “Siunie iyo 'wajietiye, ni Sinia' iyone ti ip'ilisi'n 'yaka'm ape'e siunie ti tiwok ji'wajieta'.””

Romanos 14:15

Siunie jitienkiujnieye je jilisank'i pa akiecha, kajeyepa ti i'wi'in siupa jitiujw, nak 'yakajanit pet ti je jlemi'n ni akiecha. 'Yina je 'esiji ka nakaye ak ka int'emina siunie akiecha ka netia'n ti pajk'i ti Sijwajieti inila'n ape'e.

Romanos 15:3

Janiwone 'ate siunie iniwont'iyijipi pa Sijwajieti ti je iyojyi'n siupa ka 'esieyi ti jla'am, 'wenajlit'iyijpe ti jla'am ti it'imina ti 'yakajak'iyi siuniwa Sinia' jlamtis ti iyo'ate, “'Yaka'niona, siuniwa jikalakijnieye napoka i'nio' atajiejwas ti inlaki, yi' itipe'e.”

Romanos 15:5

Siunie Sinia' ti naka ti 'netiets'i pijia'm, jla'yi ti iyo asjweyeja', 'esiji ka inoye'ase'm, 'nakayi ti jajnojlie wita'm siunie astankiujnieye iyo, jawo'ate iyot'iyipi pa Sijwajieti Jesús.

1 Corintios 10:33

Jlampet siunie awoyi, ti awotajank'iye ka k'iejliyeyi paka iyoyi, ja ke its'ijlianiti k'iye ka 'winkina, kajeyepa ti je awoyi ka yama ka ininajnat ka iyojyi'n paka ts'esi. 'Wenajliyi ti awojyi'n paka insesi napo i'nio', 'nakayi ti janjwa'.

Efesios 5:2

Woyeyi ni asemijnaye, 'wena ká aniwonayi iyot'iyipi pa Sijwajieti ti kia'iyo wuj ti 'nama, it'imina'ne ti iniwe'n sitipe'e. Ti iniwojwa'n Sinia' ji'wajieta', iyoye'ate ni k'iejlitieje ti tiliana ti tiwunitieta pi Sinia', sekyi'i siu'nie jini ti yame pi Sinia' ti 'yakanit'ni pet.

Filipenses 1:1

Asampey, i'lijwas ti jleyejyi jlaja Filipos, asampet ti Sinia' jilists'ase'm ti jini'nopijietayi wita'm pa Sijwajieti Jesús. Ya'am Pablok'i'm, siu'neje 'ni sikiecha Timoteo, sa'am ti Sijwajieti Jesús jikawosts'e'm, sa'am sip'esinik siu'nie ti ajlok'iase, siu'neje japo i'ye'nase'm pet sekaja, siu'neje japo iniuyeje'ni pet.

1 Pedro 2:21

Naka'ne ni siunie ti Sinia' tana'ase, 'yina siupi Sijwajieti wuj ti inilayit astepe'e, ti iniane ask'ioye ti iyo ka woyeyi, ka 'wena je anoye'yi ni siunie ji'niayi.

1 Pedro 4:1

Siupi iyot'iyipi pa Sijwajieti ti inilayiti pi iyo pa jiwet'ia, kiak jawoyeyi pet. 'Esiji ka niwakajlanitie ta'a k'iye siunie asjlak'aliye ka netie'ase. 'Yina ti siunie ti ijiate ti inilayiti, nak iliyi pet 'nijiye ni jike',

1 Jn 2:6

Siunie i'nio' ijwi'il ti ijwienjliyik'i pi Sinia', ka kiak iniwonayinie'e, iniwont'iyijipi pi Sijwajieti Jesús.