Filipenses 2:3 - Sinia' Jlamtis 1994

³ Ká aniwunitie; siunie ti janjwela ka ijnonitie ti k'iejliyi pa ti jilisanayi, ká anitonitieyi, 'wenajliyi ti ja anijlasata'yi isia'm. 'Yina kiak jawoyeyipi 'ate, “jla'm ijiate wek jla'am napo i'lijwas ti jle' po'.”

Filipenses 2:3 ပူးပေါင်းရင်းမြစ်များ

Lucas 18:14

Jesús sekyi'i iyo'ne 'ate: —Jajwi'lase'm ti siupa i'nio' ti yapiliet'ipi ijiate Sinia' ip'ilisi'n, jlampet pa Fariseo je ilik'i ti jitis po'. Siunie i'nio' initonit ja tijliasata isia'm, jlampet siunie inijlasat isia'm ja tijliasata pet pijia'm.

Romanos 12:10

'Esiji ka ani'namajapi asa'am ti injwanjliyek'i. Wo lajaye ni akiecha, 'ajnat wat ape'e siunie iyo'naja ti iyo ajaye, wikie'eyi napo a'lejwas.

Romanos 13:13

'Esiji ka iyoki siunie ts'oniye ti 'es ti awaki ni jloma. 'Yina je awok'iate siunapo i'nio' yiji pet ni ajnaj, siunapo 'yatas, siunapo ti je i'ye'en siojona jiliakijnieye ti ilisanisi ti kijlamiyija'm, siunapo ti ijiate ti je 'es ni iyoyi ayijnies asejnia, siu'neje napo 'yakalk'i pi k'iejliyi ti iyoyi jikeye, siunapo ti iniewite'n, siu'neje napo ti t'elijyi'n.

Romanos 2:8

'Yina jlampet siunapo ti ijiateje ti je its'iuye, ti ijiut 'niji ni siunie ijiatk'i, jla'yi ti 'yuyisijk'iyi niwa jloski'layis, napoka'ne napo ti Sinia' wujwa ti jiwak jane'ne jla'yi ti jansa'ak'i.

1 Corintios 15:9

Ya'am ti je ts'esijiyi, je awoye 'ate siunapo injlojwajnas, ijiate ti je ani'nojonit'iyi ka yi'i naka kayo injlojwanikiek'i'm, kajeyepa ti ijiate wuj ti atape ilia'm napo Sinia' jilis.

1 Corintios 3:3

kajeyepa ti i'wanjliyeyi ti jikiniets'i siunie iyo pit ni yi' ape'e 'ni ajnat. 'Yina niwak 'yakajanit ti je liyeyi niwak astankiujnieye ti asa'am ti taj'lase ti jiwoyeyi, siunie ti jinitolsinak'i wita'm, siu'neje ti je ijnojliejyits'i siunie jiniwonayi, ka 'wena ajoyejiap'e wata'a siunapo i'nio' je tajli ni ajnat jikijmaye.

2 Corintios 12:20

Sikiwit'ase'm ka siuka nak ijiojwi, ka i'wina ka je iwo'ate siukia iyopi ti ajonitie. Jla'am pet ti ka si'wena ka je iwo'ate siukia awoyipi ti sonitie. Sikiwit'aseme ka ayets'i wita'm ti janawita', ni'ne ka nijnolsinayi paka k'iejliyeyi, siu'neje ni aswak ka ena'yasap, siu'neje ti jijwela napo a'lejwas ti je 'es siupi iyoyi, siu'neje ka nitonitiejyi'n siu'neje ka je inkaja siupa ka woyeyi.

Gálatas 5:15

Joskiyeyi naka, siuti kiak jawoyeyi ti janinokieja, janitejwa'yi.

Gálatas 5:26

Wuj ti je 'es ka initonitie; jla'yi ti je 'es ka ani'na'tinitiek'i'ni wita'm; je 'es ka eliyets'i wita'm.

Efesios 4:2

Ká anitonitie, ke injwesisa', nilayitie. Emina' napo as'lejwas, 'wanjliyi ka kia'iwo ka poye paka je 'esiek'i paka ine'yase, nip'elisinapi.

Efesios 5:21

Siuti asa'am ti jiwunitie pi Sijwajieti, 'esiji ka anitejwayi'i ti jawoyeyi siunie ti jak'iuyeyi napo as'lejwas, kajeyepa ti jleye pet kiajwe.

Filipenses 2:14

Siuti ja k'iejliyeyipe pi jakimayi, ká anilakiye'yi. Ká anawitie,

Colosenses 3:12

Sinia' 'nama'ase, je nakata siu'neje ti int'ayejits'i, 'nakayi ti ja asama siunapo jika kia'lis pet. Jak je iyoyiji ti jawoye as'wuye siunie askap'ijliuskiye ti ijiate ti tajla'm ni asosik ti 'es, ti ja ena'yi napo as'lejwas. Siupa isitia'n, ti japoye wenajia'm. Ká anitonitie, ke injwesisa', kamaja'.

Colosenses 3:8

'Nakayi 'esiji ka leyeyi ti injwesisa', siu'neje na ti ine'waja'm ni akiecha, siu'neje na ti jlamti ni akiecha, siu'neje niwa asamtis jiniliaja.

1 Timoteo 6:4

naka ni i'nio' ti initonit, jlam'ne lajk'iyipa ka iwo je 'yije'en. Iyot'e 'ate ni inlaye, yimi'n ti iniewitiji'n napo ijia, jlam'ne je 'yakajk'i siupi ijwi'il ka initajlatisi, 'yina jlam inilanejen'ni papo ijia. Nak tajle ni siunie ti je paj ka ijnol wita'm napo i'nio', inisela napo i'nio', initejlitk'i wita'm napo i'nio'.

1 Pedro 3:8

Jlaja, 'napo i'lijwas, 'esiji ka ijnojli wita'm siunie ja woyeyi, siunie askiowe kia'iyojliyi, 'yina ti injwanjliyek'i. Ninemina, akiowe nit'onitieyik'i wita'm, 'yina ká anitonitiejyi'n.

1 Pedro 5:5

Siuti asa'am ti jwemik'iase'm, 'esiji ka k'iuyeyi siunapo as'lejwas ti paja ni Inamtik ti iyoyi, ti ijliu'wase'm. Awoma wita'm ti awo'nase 'ate, ká anitonitiejyi'n, 'wenajliyi ti janip'elisina'. Noyeje ni akiecha, kiak jawo pit ni akiecha. Jlam'ne iyo'ate siuniwa inamtis t'ipi, “Sinia' teje'yi ilia'm siunapo i'nio' initonit, jlampet siunapo je initoniti'n napoka pet ti iniuyeje, wuj ti ip'ilisijne'n.”