Filipenses 2:2 - Sinia' Jlamtis 1994

² 'esiji ka injwanjli siunie astankiujnieye jiwonayi, asemijnaye kiak iyojliyi, askiojwa'l kiak iyojliyi, siu'neje ni astankiujnieye ti 'es, 'nakayijna'a ti jajnol wita'm siunie inikanitieye siuti jawomayiji.

Filipenses 2:2 ပူးပေါင်းရင်းမြစ်များ

Juan 3:29

'Yejne'n, ataj enayi 'ate ti po' ni janjwa'yi, siunie ti asejnia jana janeyi ti yijap, je int'ayeyiji'n pet ti naka siunie tijwa'yi. 'Yina po 'neje siunie t'ajajnajwa ti yijap, its'iuye'ni, je jlase' pi iyo ti inkaj'ni ti ipi'ya siupi iyo ti tamti. 'Yina kia'awo'ni pet, siu'nie inikanitiejeye lajayi'ni ji'wetayi.

Hechos 1:14

Wikie'eyi pi nojwa'm jlamis initotis'ni wita'm, jla'yis'ni japo ji'yinis pa Jesús, siu'neje jlaja jlet María, siu'neje japo asejnia 'wenayi, ti iyoyis'ni t'ajlayeja'.

Hechos 2:1

Ti yiyet'iyipi siojopa jloma inlakijnieye jle' iyo'ate Pentecostés, wikie'eyi papo i'nio' Sinia' jilis initotisk'i wita'm.

Hechos 2:46

Kiajatak'i'ni puwa jlomas initotk'i'ni wita'm kiajwe japa Sinia' ji'wuk yi'i japa Jerusalén. Ni'ne ti yinisi 'wet'e siuti ti'yekiujni'n inikijwanisie. 'Yina siuti kiak iniwonisi sekyi'i jijweye poye, pakata jla'am ti 'yuyits'i pa 'es ti iyoyisi.

Hechos 5:12

Je pini' siupuwa injlojwajnas iyo, i'winki'n siupuwa iniank'iye puwa ja'nakaj, siu'neje ti yisi'lietk'i'ni papo i'nio'. Ininenisi'ni yi'i ja Salomón jika 'wuk kiwet, ti initotisk'i'ni wita'm.

Romanos 12:16

Jnojlieta wita'm niwa askiojwa'l. Ká anijnonitiejyi'n; wo 'ajajnajwasa' siunapo i'nio' jiniliaja ti laj pet lajaye. Ká ajwela' ka ijiatayiji ka 'najanajyi'n.

1 Corintios 1:10

I'lijwas, etijnape pa Saka'niona Jesús ti Sijwajieti ti wuj ti anip'elisi'niase, ka ijnojlie wita'm siunie jiwoyeyi. Je 'esiji ka ani'wenakitie, 'esiji ka ajwankita siunie jawoyeyi. Siunie asosik kiak jawojliyi janjwanjlik'i, astankiujnieye kia'iyojliyi janjwanjlik'i.

2 Corintios 13:11

Siunie jikiecha nak jayin jlaja, japo i'lijwas. Awojonk'iye pet ka akamaja. Jalasa pit ka ijiatayiji ka insisie, ni'netie pet. 'Esiji ka ijnol wita'm siunie jiwoyeyi ki iyo niwa asosikis, jla'yi ka ena'yasap ni askamankiye. 'Yina Sinia' ti jla'am ti tajle nak inkamankiye jla'am ti jane'yasap.

2 Corintios 2:3

Nakape ti it'imina ti kiak awone ki ip'isinik ti atate'ase, ti je awo ka itienkiujnieye je 'esie, ka 'wina siupa ka woyeyi. ¡Je 'yu'wase'm ka kiak awoyeyi, jlam'ne ka ts'ajkanitie'ni! 'Yina nak je akakiuni, ti siuti po' ni awo ti ts'ajkaj'ni, kiak jiwoyeyi pit inkasajyi'n.

2 Corintios 7:7

Je nakata siunie ti 'nesa ka iwo sijweyeja', 'yina siuti a'wenaja ti kia'iyo ti t'otale t'o'n ti taj'lase, kiak awokieyi pet kajeyepa ti ijliasatts'e ti ts'otale t'o'n pet. Injwela ti jiwoyeyi ka kas'wena', jla'yi ti astankiujnieye jilianak'i, siu'neje ti asjlak'ali jilianak'i. Ajieyi'ne kiaka ti ijiatayi ti ts'ajkaj'ni.

Filipenses 1:4

awoye'eje 'yejlayeja' astepe'e, jla'yi ti wuj ti ts'ajkaj'ni.

Filipenses 2:16

ti jijwelajia'm niwak Sinia' jlamtis ti janak in'wasankiye. Siuti jakinieyi naka, yam wuj ti jati'mase, ka 'nesta pi Sijwajieti, kajeyepa ti ja 'nakaj ti jlam je askiujni'n jiwek, jla'yi ti jlam je akijme'n jiwek.

Filipenses 2:20

Kajeyepa ti lajk'ipa ka iwo'ate awoyi, siu'nie ti atankiu'niase'ni, jla'yi ti anoye'ase'm.

Filipenses 4:2

Anip'elisi'niase, asa'am, Evodia jla'yi ti a'am Sintique, 'esiji ka leyets'i siunie jiniwonayi ti jitieyets'i wita'm. Niwomats'i wita'm, jlam'ne ti injwanjliyik'i ni siunie jiwoyeyi ti jitienkiunieyi pi Saka'niona.

Colosenses 2:5

'Yina 'wanjliyi ti je ayeta'asap ti ya'am ti i'niok'i'm, lapakawo ti isiowe yi'asap. Ts'ajkaj'ni ti ajie'yase ti jiwoyeyi siunie jota tiwoki ti 'es, siu'neje ti 'yaka ti jitienkiujnieye pi Sijwajieti ti je kakiuye.

2 Tesalonicenses 2:13

Je paj ka iliki pet ti awok sinikanitiejayi pi Sinia' astepe'e, i'lijwas ti Saka'niona jlemijna'yase'm, lapakawo ti Sinia' jla'am ti ijniejiet'ase'm ta'a ka asama ka ananayi ka ajwaye. Ka lajak'i ki iyo pet jana jikimet ti 'es ti janak ti inlesana', it'imina ti insisie, jla'yi ni siunie ti ijiatk'i naka pet ti je jikakiuye.

2 Timoteo 1:4

Je paj ka sikiwaliyi'i siukia ti jlap'nijpe, it'imina ti ajalas ka i'wi'in, sek jantajle ka wujwana'a ka ts'ajkaj'ni siuti kiak jawo.

Filemón 1:20

Ji'yu, isiecha, a'm ti Saka'niona jlasts'a'm pet, sip'elisi'n wata'a, k'iuk'i'm, woyi siu'nie awotajank'iye ka iyoyi. Kanit'ni pet 'ni ijiusik, ti a'm ti isiecha'a'm, iyo ni awoki, ti akinieje pet ki iyo pa Sijwajieti.

2 Juan 1:4

Wuj ti ts'ajkaj'ni ti ajieye'ase ti po' siunapo ti je tajli siunie ijiatk'i, iyo ni Sinia' ti iyotaja ka iyoki.

3 JuanMary Thureson 1:4

Lajk'ipa ka k'ieyeyi ki iyo ni inikanitieyi ti ajieyeyi japo ilis ti yame ki iyo naka ti ijiatk'i.