Filipenses 1:9 - Sinia' Jlamtis 1994

⁹ Lapakawo ti awotajank'iye pet ka ijiatayiji ka asemijnaye poye, ka 'najanajyi'n, jla'yi ka 'najana asosiki. Nak it'imina ki iyo ni 'yejlaye awone.

Filipenses 1:9 ပူးပေါင်းရင်းမြစ်များ

1 Corintios 14:20

I'lijwas, jlampet siunie jawoyeyi ape'e niwaka, ká awoye 'ate iyo napo kia'lis ni iyo ni jlosik. Jlampet siunie je 'es, jla'm ijiate jla'am ka kiak aniwonayiji ni jlosik iyo napo kia'lis. 'Yina siunie asosik wonayi'ate napo isijlijyi'n.

2 Corintios 8:7

I'lijwas, asa'am wuj ti jikajlajyi siuniwa wask'i'nelaja isis iyoye 'ate siunie astankiujnieye ti 'es, siu'neje ni as'najankijnieye, siu'neje ti wuj ti je ijnapinayiji siuniwa Sinia' jlamtis ti jijwela', siu'neje na asemijnaye ti sa'am ti jitiajlayits'e ti a'wenkina'ase'm. Siunapo as'lejwas ti jwajla'a je i'wi'in napok kiak jawo'ojyi pet, 'esiji ka wujwa ka p'elisina'.

Efesios 5:17

Ká awoyeyi siunie ti laj lajaye, jalasa ka ijiatayi ka intant'iejayiji siunie Sinia' iyo ka woyi.

Colosenses 1:9

Ta'a ti awoki naka ti ajieye'ase'ni, je aleki ti 'ajlanaja'ni ti ajwelaja ni Sinia', 'nakayi ti jan'we'nase'm wikie'eyi siuniwa asosik iyo ka 'najane, siu'neje niwa iyo ka intant'ieje, sekjane'yi ka intant'iejayijijna'a siunie Sinia' iyo.

Colosenses 3:10

'Yina 'nakayi jit'iuyek'i siunie as'wu' ti ink'ie', naka asosik jikiecha ti ink'ie', siunie ti Sinia' jlomas ti iyo'ni ink'ieye, siunie ti ini'yejnap ni iyone ti 'nakayi ti ja intant'iejayiji ti jla'am, ti jilisanik.

1 Tesalonicenses 3:12

'Esiji pi Saka'niona ka inwunit'i aswa'm ni asemijnaye, 'nakayijna'a kaneki'n siunie jiwoyeyi ti jinikimayi, siu'neje ti jlena'yi napo as'lejwas, jawoyena'a 'ate iyo ni awo'nase ti wuj ti emina'.

1 Tesalonicenses 4:1

'Nakayi japo i'lijwas, etijnape pa Saka'niona Jesús jle', ti sa'am wuj ti anip'elisina'ase ka je aleyeyi ni siunie iyo ni pajk'i ti 'eyasanayi, siunie ti Sinia' yimink'i. 'Ejie'nase'm ka je aleyeyi naka kawoyeyi.

2 Tesalonicenses 1:3

I'lijwas, ajwelta ka jlam je iniwonaja ti sinikanitieyi awenaja'ni pi Sinia' astepe'e, 'yina ti je niliak kiaka ki jiwoyeyi siunie astankiujnieye ti 'es, jla'yi ni asemijnaye ti jlena'yi napo ijia as'lejwas 'neje, jlam yamjlijyi'n pet.

Filemón 1:6

Siuti ts'ajanayi pet pi awone ti nak jleki siunie awoki, ti sitienkiujnieye poyi pa Sinia', 'yina ijiatayiji pet ti akatate ti 'ajlan'ni, ti awo pet ka intant'ieje siuniwa isis wask'i'nelaja yits'e ti tajleje pit pa Saka'niona Jesús.

Hebreos 5:14

Jlampet siunapo jlak kiojieti napoka pet siunapo isijlijyi'n, 'yijen jlosikisi siu'neje ti 'yakayane siuniwa wask'i'nelaja ti i'ye'en, 'yina itiant'ieje siunie 'es siu'neje ni je 'es.

1 Pedro 1:22

'Nakayi siuti jik'iuyeyi niwa Sinia' jlamtis ti ijiatk'i, sekyi'i ti je k'emijieta napo as'lejwas ti i'namajayi kajeyepa ti jilija niwa asosikis. Jak je iyoyiji'ni siuti janikimayi siunie asemijnaye, pejlati'n ni asjweye siu'neje ni asosik nayi wita'm ti jawoyeyi.

2 Pedro 3:18

Ja 'wenajliyi ti asa'am ja ijiatayi ti ja intant'iejayi ni Saka'niona Jesús ti Sijwajieti, siunie jikap'ijliuskiye janoye'ase'm 'nakayi ti jakinieyi siunie 'es ti jawoyeyi. ¡'Esiji ka jlam kiajatajak'i siunie ti tena'a ti ijnonitieyi jajnok'i'ni! Amén.