Filipenses 1:7 - Sinia' Jlamtis 1994

⁷ Je ka jiniliakie siunie sitienkiujnieye ni awonaja, awojlitieje ti wuj ti ts'ama'ase. Ent'a naka ti ajyi jla'a insat jiwe, ni'ne ka nakaye ti ani'net'i ape'e ni inka'niye ti 'es, ti ajwele pijia'm ti ijiatk'i jla'am, 'yina awo'ate ti kiak jiwoyeyi pit siunie iyonk'i ni Sinia' ti sip'elisi'n, naka jla'am ti it'imina ni jikijmaye ti awoyi ti iwink'i'm ti ijniejietk'i'm pet.

Filipenses 1:7 ပူးပေါင်းရင်းမြစ်များ

2 Corintios 7:3

'Yina siuti i'lij kiak awone, je ka poye paka itiajlat'ase'm. Siukia awoniji'ni ti awo'ate, jleyejyi ni isiowe si'wet ijwienjli, ti si'wasankiye po', siu'neje ti jaliki 'ni ajnat.

Filipenses 1:5

Lapakawo ti kasjwanleja'm naka ni inka'niye ti 'es, atajlajak'i'ni tajlap'e ti 'nelanjie'ajape, 'yina awakieyi 'nijiye.

2 Timoteo 2:9

'yina nak it'imina ti anilayiti siu'nie iwit'ia iyoyi ti silie'nitieje 'niwa wikijnies 'yiniyi ni i'nio' kalankijieta. Jlampet niwa Sinia' jlamtis je iyo'ate awoyi ka t'aka poye.

Colosenses 4:18

Ya'am Pablok'i'm, atome pijia'm ti kia'awo ti 'eti' ti atejwi'lase. Nak ataj wunitieyijpe siuti ya'am ti a' insat jiweje. 'Esiji ka Sinia' jikap'ijliuskiye ine'yasap.

Filipenses 4:14

'Esiji siunie jiwoyeyi, ti siliaye iniuk'i wita'm siunie iyo ni anilayiti.

Efesios 6:20

Sinia' yikialk'i'm siu'nie iyo 'ni isijmaye ti akiji'n niwa jlamtis, 'yina nak siunie it'imink'i ti silie'nitieje niwa wikijnies. Ataj wunitiek'ipe pet ka ts'ajlana'ni ka Sinia' 'yotale int'onit, ka ijwile pijia'm pet ni inka'niye ti 'es siu'nie iyo ni yikialk'i.

Efesios 3:1

Jak je iyoyiji ti sa'am ti Judíojosts'e'm, siu'neje ti asam pet ti je Judíojosts'ase'm, ti Sijwajieti Jesús kasts'opijietk'i wita'm. Siupet ti ya'am Pablok'i'm je paj ka iliyi ti 'ajlana'ni, ti a'ne yi'i jla'a insat jiwe, 'yiniye ka jlama pa Sijwajieti ka siwojwa'n jikipinikiek'i'm, ti ts'otie a'laja'm astepe'e.

Hechos 20:23

Najata jla'am ts'ajane pi awone ti siojopa isi' jajioyi iyo jana Sinia' jikimet ti 'es ti ijwilk'i'm ti jajioyi jana insat jiwe, siu'neje pa iwit'ia jawo, ti inijijwijyi'n its'ioye.

1 Jn 3:14

Sa'am pajk'i ti ajwayeje jana ts'ajlati, sekyi'i ti awakieja'ajme jana si'wasankiye. Semijnaye ena'a napo si'lijwas it'imina ti kasts'ajane pi awonaja. I'nio' ni je 'nama 'yaka ti je t'ekijyi ki iyo ti yiji jana 'najlati.

2 Pedro 1:13

'Yina ts'ajane pi awone ti ja ke pajayi wata'a ja sinitia'n, iyonk'i ja Saka'niona Jesús ti Sijwajieti ti ijwilk'i'm. 'Yina ti si'wasanjli kiu', naka isimet ti jayoyi ka 'yiyasanajyi'n ka je inkiwaliyeyi'i siu'niwa ajwe'el.

1 Pedro 4:13

'Wenajli wek ti ja anikanitiejyi'n, lapakawo ti yiye'ase pit naka inkajejlasaye ti inilayitt'iyijpe pi Sijwajieti ti kia'iyo, ja 'nakayeyi ti jampo'ase ni asnikanitieyi, ka 'nakajta ni siunie iyo ni jijweye.

Hebreos 3:1

I'lijwas, asa'am ti Sinia' pajk'i ti ta'nase jla'yi ti i'notata', astaj enayi 'ate pa Jesús, ti jla'am ti Sinia' jijliujwanik siu'neje ti jla'am ti pa'yijis jika anechiyas wuj, ni siunie sitiej awomaja.

2 Timoteo 1:8

Nak it'imina ti awo'ate, 'esiji ke 'najwel ti jijwe'el ni Saka'niona, jla'yi ti ja ke i'najwel itipe'e siuti ajyi jla'a insat jiwe, lapakawo ti naka ti it'imink'i ti anoyeje. 'Yina noyeje pet siunie ti anilayiti ape'e niwa Sinia' jlamtis, je lajk'i ki iyo ni ajweye ti jitiajleje ni Sinia'.

1 Tesalonicenses 5:5

Wikie'eyi ti jitiajlayi ni jla'al jana kates siu'neje ni jloma, nak jitiajlayi jilists'ase'm pet. Je ajnaj jlelets'e'm ni'ne ka napokaye siunapo yimi'n ni ajnatiok.

Colosenses 4:3

Kasts'ajlanayi pa Sinia' 'nakayi ti ja 'najlinit k'iye siunie inka'niye ti akiji'n, ti ijwi'il pa Sijwajieti. 'Yina siunie jika'niye naka siunie ti ijwik ti pajk'i, 'nakayi 'yakajanitie, naka ni siunie awoyi jika'niyejayi napo i'nio', 'yina naka ti it'imink'i ti ajyi jla'a insat jiwe.

Efesios 4:1

Tempi it'imina ti ya'am, ti Saka'niona jla'am ti it'imink'i ti a'ne yi'i jla'a insat jiwe, ti kiak awo'nase ti anip'elisi'niase, asa'am ti ta'nase pi Saka'niona: woyeyi siunie 'es iniwone siunapo ti ijiate ti iyo niwa inamtis ti isis.

Gálatas 5:6

Jak je iyoyi siunie ti ini'nopijieteje ni Sijwajieti, 'yina 'wanjliyi ka kia'iwo pa ka kiak tiwonaja ka t'isie'n jiwa tejwak'i, ni'ne ka lajak'ipa ka neyi naka. Jla'm ijiate jla'am siunie sitienkiujnieye ti 'es ti po' ti laja po', 'yina naka'ne siunie ti janwo asemijnayeja', ti ja ena'yi napo as'lejwas.

2 Corintios 3:2

'Yejne'n, jayo'ate ti asa'am ti sikio' jlele'ase'm ti yiji niwa sosikis, lajk'ipa jikiechaye impesinikie', 'yina wikie'eyi napo i'nio' kas'we'en, jla'yi ti itiant'iejts'e.

1 Corintios 13:7

Siunie ti jlemijnaye po' 'yakajli ti ijiate ti inilayiti pet wikie'eyi niwa wask'i'nelaja. Je paj ka inleyi siunie iyo ti jitienkiujnieye po', kia'iyojliyi ti jlomas ti jinijijwijie po', jla'yi ti je inip'elisin'ni k'iye paka k'iejliyeyi.

1 Corintios 9:23

'Yina lajk'ipa ka int'emina siunie aniwone, kajeyepa ti niwaka jla'am niwa Sinia' jlamtis ti isis ti awojonk'iye pet ka ts'esi, siuniwa isis Sinia' tajle ni jikap'ijliuskiye iyo.

Hechos 21:33

Siojo tokis jika anechiyas yamitayi ja Pablo, sekyi'i ti takajlunieyi ka timesiek'i puwa wikijnies ka tilie'nitieje, 'yina i'yasam'ne japo i'nio' ti iyo'ate: —¿Ten siu'nie i'nio'? ¿Tempa jitis iyo?

1 Pedro 5:1

'Nakayi jayo jlosikie' siunapo ti i'yena napo ijia Sinia' jilis ti yi' aska kiowe'e. Siuti kia'awo iyo'ate ti jlamis, kia'iyo itiej 'wanjle'e pet, jla'yi ti a'wenaja ja Saka'niona ti Sijwajieti ki iyo ti wuj ti inilayiti. Kiak jayo iyo'ate ti jan'wenis ni jijweye pi Sijwajieti, kia'iyo ja'wi'in pi k'iejliyi ti 'es, ka 'nakajta ka netiejenie'e ni jlaj niwa jlomas.

Filipenses 1:12

I'lijwas, awotajank'iye ka 'najanayi, 'wanjliyi iwit'ia poyeta, 'yina ejlowekie'e, kajeyepa ti naka jla'am ti iyo 'niayija' ni inka'niye ti 'es.

Filipenses 1:13

'Yina wikie'eyi napo tokis siunapo i'yena ni anechiyas ji'wet, siu'neje napo ijia i'nio', 'yijene pi iyone ti je 'wena paka int'emink'i ti ts'otie a'laja'm, naka ti akk'i ni Sijwajieti.

Filipenses 1:14

Je pini' napo si'lijwas, ti 'yijenayi pi iyone ti ajyi jla'a insat jiwe, 'yina kat'ajayi ti ini'netits'i niwa Sinia' jlamtis ti iyoyi. Lajk'ipa ka k'iejliyeyi paka je injweyits'i ape'e, 'wenajliyi ti t'otale t'onisi ti ijwilis.

Filipenses 2:22

'Yina intant'iejayi 'ni Timoteo ti jlosik po', jlam wuj ti iniuyijk'i'm siuti awoyeta yamtikie', ti ajwel niwa Sinia' jlamtis ti isis, 'yiniye pa ti ijiate ti inase.

Filipenses 4:3

Siupet ti a'am, a'm ti je paj ka sitionit ti inkayank'i pet ti awoyetaja siunie sikijmaye, yot'iyi'ni ka je anoyeje japo ti napok si'lijwas, napoka ti t'as yi'pe ti 'ekiyejayi ni siunie sikijmaye ti awoyi yamtikie' siuniwa Sinia' jlamtis ti isis. Siu'neje ja sikiecha Clemente, je ijwienjli japoka 'neje japo ya'yispe ti akimak'iji'n. Wikie'eyi ti jleyis yi'i ni siunie imp'esinik, yi'i napoka ji'wasankiye laj jlaja po'.

Filipenses 4:15

Asa'am ti as'wet jana Filipos, 'najanayi pi jiwonayi, jakayi ti atal Macedóniaja, ti 'nelanjie'e awoyeyi ni isijmaye ti akiji'n niwa Sinia' jlamtis. Asamkatape ti ts'eschiase, kajeyepa ti jiniuyeyijk'impe ti k'iejliyi pi asetia'n. Kajeyepa ti jitiejenitie pet ijyilia'm, siunie ti insisiek'i pet siunie awoyi ti anoye'ase'm pet ki iyo niwa asosikis.

Filemón 1:13

Pajk'i ka je iwi'in, ka ink'iuye a'wet'e ka noyijk'i'm, siuti ajyi jla'a insat jiwe ape'e niwa inamtis ti isis.