Efesios 6:8 - Sinia' Jlamtis 1994

⁸ Jlam'ne 'najanayi pi jiwonayi, 'wanjliyi ka nakaye inkawo ni'ne ka nakaye siunie ti je inkawo, siuti 'es ni jikijmaye iyo kiak jawoyi Sinia' jawo jikajaye.

Efesios 6:8 ပူးပေါင်းရင်းမြစ်များ

Mateo 16:27

Kajeyepa ti ja'nes ni I'nio' Jlas ti janejyi ni jijweye iyo ni Jinia', siu'neje napo jijliujwajnas poli jlele janamik'i, kantesiet'ik'ina'a wikie'eyi napo i'nio', siunapo jikijmaye 'es siu'neje napo jikijmaye je 'es.

Mateo 20:7

“Isiujlisie'ne pet ti iyo'ate, Lapakawo ti lajk'i wek paka isimajape'n. “Iyo'ne 'ate ti isiujlie, Ijiatp'ane, maye'ni, joye ts'iji yi'i ja iwiesok. Kimajyi'n ijiap.

Mateo 5:12

Nikanitiejyi'n inkaja'yi siunie as'wajieta siunie ti ja tekiajla'ase ts'iji poliyi. Kiakjin iyopi papo Sinia' jijwejlanawos t'ipi ti i'nio' tejeyits'i ilia'm.

Mateo 6:1

“Siuti jiwoyeyi siunie 'es jitieyi'i napo i'nio', ke nakaye ti janitonitieyi siunie ti jawoyejyink'iye ka in'wenaja'ni. Siuka kiak janiwonatiejenie'e, siunie Asna' ti yi' poliyi ja ke inwe'nase'm paka k'iejliyeyi ka as'wajieta'.

Lucas 14:14

'Nakayeyijna'a ka Sinia' inwe'nase'm siunie 'es jikap'ijliuskiye, kajeyepa ti ja ke inkajlisi ka kiak inwo'nase pet ka inejni siunie jiwone, sekjane'yi ti ja'we'en janak akaja siupa jloma ka inotiek'i kisie'e siunapo isis jla'am ti ja intajli ni a'no' ti janapits'i pijia'm.

Lucas 6:35

“'Esiji ka i'namajayi siunapo teje'yi aselia'm, ataj ka awomats'i ka ajwela ka k'iuyet ji'wet'e paka k'iejliyeyi, ka awoye lajaye. 'Nakayeyijna'a ti ja ke jlasiye siojona as'wajietiye, jla'yi ti Sinia' ti wuj jilisa'ase'm jlam ti jikap'ijliuskiye yi'ne siunapo i'nio' je 'esijiyi, siu'neje napo jwesis.

1 Corintios 12:13

Wikie'eyi, 'wanjliyi ka napokaye Judíojos, siu'neje napo je Judíojos, siunapo inkipijnas, siu'neje napo ti je inkipijnas, ti kasnajienaja'n ti kaswomk'i wita'm pa Saka'niona, ti iyo ka kasjwanjlik'i, jla'yi ti ijwienjli siojopa Sinia' jikimet ti kasts'esi ti kassetijnape. Jla'yi ti kaswikie'eyi ti kas'yayinaja siunie ti jla'am janak Sinia' jikimet.

2 Corintios 5:10

Kajeyepa ti ja lajak'i pa ka injwel ka in'yilta'n k'iye pa Saka'niona, ka inetiejenie'e siojopa jloma ka 'yenta wikie'eyi napo i'nio' siupi jitis iyo. Japakayeyi ti ja kasjwanjlajamk'i'ni siupa ja tiwonats'e pi iyo siupa titiajlatats'e'm, ti ja tenaja siupa awokt'iyipi ti awak'i 'ni ajnat, ka 'esiet'ipi ni'ne ka jeye.

Gálatas 3:28

'Yina je a'yena ka Judío pa, ni'ne ka nakaye ni je Judío. Je a'yena ka inkipinikie' pa, ni'ne ka jeye, siu'neje ka ayinieja' pa, ni'ne ka asejniaye japa. Kajeyepa siuti jini'nopijietayi ni Sijwajieti sekyi'i ti ijiatayi ti injwanjliyeyik'i.

Colosenses 3:11

'Yina je 'esiji'ne ka poye paka in'yene ka jikiecha ti Judío, ni'ne ka nakaye je Judío, ni'ne ka nakaye siunie jikiecha siunie ti po' ni tiwonaja ti t'isie'n jiwa tejwak'i, ni'ne ka napokaye siunapo ti lajk'ipa ka neyi ka kiak tiwonaja, ni'ne ka nakaye siunie ajnat 'wenayi jana tajla'm, siu'neje ni 'lan jlele, siu'neje ni inkipinik, ni'ne ka nakaye siunie ti je inkipinik. Ke iwo pa ti Sijwajieti ijwienjli lajk'ipa kawo'ate ni laja iyo, siu'neje ti jla'am ti ijwienjli inena'yi.

Colosenses 3:24

Jlam'ne 'najanayi pi jiwonayi ti Saka'niona janwe'nase'm siojona as'wajiete, ti jantojmat ape'e siojona askajaye ts'iji, siojona ti pajk'i ti itiejietap napo jika kia'lis, kajeyepa ti jiniuyeyeje pi Sijwajieti ti ijiate jla'am ti aska anechiyas.

Colosenses 3:25

Jak je iyoyiji pet siunie ti iyoyi siunie ti je 'es, kiak jawo siunie jankajli ja ke 'esie, kajeyepa ti Sinia' je pak ka'yene ka k'iejliyeyi pa kawoyi paka ne'yi pa.

Hebreos 10:35

Ká anetiajnata siunie jiwoyeyi ti je kakiunieyi, 'nakayi ti ja ataja siojona as'wajieti ti je jlase'.

Hebreos 11:26

'Yina ti 'yiniye ka wo'ate, “Siunie ti i'nio' siliakiyetaja ti nak akk'i'ni ni Sijwajieti, awo'ate siunie jwajla'a i'wi'in.” 'Yina jikiowe je yapili'ni siuniwa wask'i'nelaja isis yiji jana Egipto, lapakawo ti kia'iyo jitiej iyoma siunie Sinia' jawoyi jikajaye ti janwejna'm.