Efesios 6:5 - Sinia' Jlamtis 1994

⁵ Asampet ti inkawosts'ase'm, 'esiji ka k'iuyeyi napo aska anechiyasas siunapo yi'ne ajnat'e, siuti po' pa ijliuye'ase'm ka woyeyi 'yina k'iuyeyi. Ká awone 'ate ti i'nio' jiniliakta pa ti jikijmape'n, je 'es ti ja ke ijnots'ina, jwane'e pet ni asosik ti 'es ti janilesaniji k'iye. Ataj ja enayi 'ate ka jlama pi Sijwajieti ka noyeyeje.

Efesios 6:5 ပူးပေါင်းရင်းမြစ်များ

Mateo 6:22

“Siuniwa sitiete 'yiniye ka janakaye, ts'ajwes jika kates. Jak je iyoyi siuti isis niwa atate, 'yina wikie'eyi pet ni 'ajwes siunie jla'al janak kates yiji.

Mateo 6:24

“Je ti'wena pa ka intemisiet papo jika anechiyasas, kajeyepa janemi'n pa janjwanjli, ti siupa kiecha jane'waja, ni'ne ka je intajla pi jikiecha siupa jikiecha pak jantajla. Je 'najanayi paka wonayi ka ijiatayiji ka awoye Aska'niona pa Sinia', siuti inteliajayi niwa askijmatis ti ji'wena'.

Mateo 8:9

Siuti ya'am kia'awo pet 'yaka anechiyasas po', ti a pet kiajwe, 'yina kia'iyo 'yakawos po' ti yi' isiajwe. Jak je iyoyiji ti awone 'ate ni ijwienjli, “Maj”, je t'o'ni. Siuti awone 'ate, “Jomet”, kia'iyojliyi. Ni'ne ti awone 'ate ni 'yakawo, “Lesane siu'nie”, ilisanayi.

Hechos 2:46

Kiajatak'i'ni puwa jlomas initotk'i'ni wita'm kiajwe japa Sinia' ji'wuk yi'i japa Jerusalén. Ni'ne ti yinisi 'wet'e siuti ti'yekiujni'n inikijwanisie. 'Yina siuti kiak iniwonisi sekyi'i jijweye poye, pakata jla'am ti 'yuyits'i pa 'es ti iyoyisi.

1 Corintios 2:3

Ka kia'iwopi ka je jlasiye paka ijwiyeja' ka poye jakayik'i, jlam sikititieyi'ni astayi'i ti je sijwejyi.

1 Corintios 7:22

Kajeyepa siunie i'nio' ti je t'ekijyi siunie ti iyo inkipinikie' ti Sinia' tanat'iyipi, nak 'yiniye pet ka je inkipinikie', siunie ti iyoyi niwa Sinia' jlamtis, kajeyepa Sinia' ijwiejiete. Jlampet siunie ti je yi' kiajwe paka jika anechiyasa', ti Saka'niona tanat'iyipi, Sijwajieti iyo pet jikipinikie'.

2 Corintios 1:12

Po' ni siunie iyo sinikanitieyeja'. Jlajmiliet siuti awak aska kiowe'e, lajk'ipa ka sikioweja ka je 'esie ka ininekiajlaja, siu'neje ti lajk'ipa ka ijiatayiji ka into'm isiame. 'Yina siuti kia'iyo, je tajle siunie iyo ti kasts'ajajne'n, 'wenajliyi jla'am pa Sinia' ti jikap'ijliuskiye po' ti iniuyits'e'm, paka ti tajle, it'imina ti kasts'isis ti awak'i ape'e 'ni ajnat.

2 Corintios 7:15

'Nakayi Tito je jlase' ni iyo ti 'nama'ase, kajeyepa ti itienkiunk'i ti jik'iuyeyi siupi iyo ka woyi, siu'neje ti jikima'yi ilia'm. Je jikama'yi ape'e, 'wenajliyi jla'm ti je injweyeyi.

Efesios 5:22

Asejnia siunapo asjwa'yis po', k'iuyeyi napo asjwa'yis, wonayi 'ate ti jik'iuyeyi ni Saka'niona.

Efesios 6:24

Siu'neje napo ti je yisit ilia'm ni jlemijnaye, ti yi'ne ni Saka'niona Jesús ti Sijwajieti, 'esiji ka wujwa kamp'elisijnempe.

Filipenses 2:12

I'lijwas, ti asa'am ti yimijna'ase'm, siuti je atal aska kiowe'e ka pajape ka je ak'iuyek'i'm, 'nakayi ti je a'yasap kajeyepa ti toj'wase, 'esiji ka ijiatayi ka ak'iuyek'i'm siu'nie ajlo'wase'm ka awoyeyi. 'Esiji ka ijiatayiji siunie astankiujnieye ti ijioyi ni askamankiye, jla'yi ti ja ajoskiyeyi ni Sinia', 'esiji ka je injweyeyi ti jla'am.

Filemón 1:16

Ja ke iwo'ate iyo ti inkipinik, 'nakayi 'yaka'm ape'e naka, kajeyepa ti akiecha ti wuj ti i'namaja. Kia'awo pet ti ya'am wuj ti emi'n, 'yina siupet ti a'm 'esiji ka wujwa ka emi'n, kajeyepa ti naka ti akipinik jla'yi ti akiecha ti a'nayi ijwienjliyik'i siunie ti jleki ki iyo ni Saka'niona.