Efesios 6:23 - Sinia' Jlamtis 1994

²³ 'Esiji ka Sinia', jla'yi pa Saka'niona Jesús ti Sijwajieti, imp'elisijnimpe, 'nakayeyi jankamajayispe, siunie jlemijnaye kia'iyojliyi, siu'neje ni jitienkiujnieye ti 'es, 'esiji ka Sinia' iwejna'm.

Efesios 6:23 ပူးပေါင်းရင်းမြစ်များ

Juan 14:27

“Siuti jayik, jaliyi asap siunie ti ja akamaja. Awe'nase'm 'ni ikamankiye, siunie ti je iyo'ate ni tajle pet 'ni ajnat, siunie iwi'in. Ke injlak'alajyi'n, jla'yi ka je k'iejliyeyi paka ijnots'inayi.

Romanos 15:33

'Esiji ka Sinia' siunie tajle ni inkamankiye jane'yasap apejlanit'i astepe'e. Amén.

1 Corintios 1:3

'Esiji ka Sinia', jla'yi pa Saka'niona Jesús ti Sijwajieti, ka wujwa ka imp'elisinapi, jla'yi ka inoye'ase'm ka akamaja.

2 Corintios 13:11

Siunie jikiecha nak jayin jlaja, japo i'lijwas. Awojonk'iye pet ka akamaja. Jalasa pit ka ijiatayiji ka insisie, ni'netie pet. 'Esiji ka ijnol wita'm siunie jiwoyeyi ki iyo niwa asosikis, jla'yi ka ena'yasap ni askamankiye. 'Yina Sinia' ti jla'am ti tajle nak inkamankiye jla'am ti jane'yasap.

Gálatas 5:6

Jak je iyoyi siunie ti ini'nopijieteje ni Sijwajieti, 'yina 'wanjliyi ka kia'iwo pa ka kiak tiwonaja ka t'isie'n jiwa tejwak'i, ni'ne ka lajak'ipa ka neyi naka. Jla'm ijiate jla'am siunie sitienkiujnieye ti 'es ti po' ti laja po', 'yina naka'ne siunie ti janwo asemijnayeja', ti ja ena'yi napo as'lejwas.

Gálatas 6:16

Yi'i papo, siupapo ti ilisa'n naka siunie ajwe'el, siu'neje ni iyo napo ti ijiate ti Sinia' jilis, napok 'esiji ka inkamajaspe, jla'yi ka Sinia' imp'elisijnempe.

Efesios 6:24

Siu'neje napo ti je yisit ilia'm ni jlemijnaye, ti yi'ne ni Saka'niona Jesús ti Sijwajieti, 'esiji ka wujwa kamp'elisijnempe.

1 Tesalonicenses 5:8

Sa'am ti awaki ni jloma, 'esiji ka je ilik'i pet ti anokk'i nak si'niayi ti tijnajyi. 'Esiji ka i'yuki siunie jip'ot ni ts'ot naka ni sitienkiujnieye ti 'es, siu'neje ni semijnaye; siunie jip'ot jla'a setik, 'esiji ka iyina'a naka pet ni siunie ka inijijwijyink'iye pet ka ijwieye.

2 Tesalonicenses 1:3

I'lijwas, ajwelta ka jlam je iniwonaja ti sinikanitieyi awenaja'ni pi Sinia' astepe'e, 'yina ti je niliak kiaka ki jiwoyeyi siunie astankiujnieye ti 'es, jla'yi ni asemijnaye ti jlena'yi napo ijia as'lejwas 'neje, jlam yamjlijyi'n pet.

2 Tesalonicenses 3:16

'Esiji pi Saka'niona ti tajle ni inkamankiye jlomasak'i kanwe'nase'm ni siunie 'es. Sekjane'yi ti ja akamaja ti ja k'iejliyeyipe pa jawoyeyi, 'esiji ka inoye'ase'm. 'Esiji ka inwikie'eyeyi ka kiak inwo'nase ka ne'yasap.

1 Timoteo 1:14

Sip'elisi'n ti je wata'a, 'nakayi yikialk'i ka ijiatayiji ka itiej iyoma, jla'yi ni yimijnaye, iyoye 'ate pet 'nakayi 'ni yits'e ti anitajaki pi Sijwajieti Jesús.

1 Timoteo 1:3

Ti awoyeyipi ka ijio 'niji Macedóniaja, jla'am ajalaskinjli'ya ka in'wanjli Éfesojo. Ka ajloye siupapo i'nio' ti ijwilta ka inka'neyasajne'n, 'yina ti je 'es ni siunie taka'neyasane. Jloyeyi ka inleyi ni iniwonisiji.

1 Timoteo 5:8

Siunie i'nio' ti je i'yena napo ijia, ni'ne ka napokaye napo ji'wet jlele, jlam'ne kia'iyo ni si'niayi, wuj ti iyo sintiye ti ijwil ka intankiuni pi Saka'niona. Wuj ti je 'es ni iyoyi 'yaka'm ape'e ni jike' iyo napoka napo kakiujnietas.

1 Pedro 5:14

Ya'am awo'ate, 'esiji ka anik'iewe ni akiecha ti jini'wenayeta, ti jitijwilayi napo as'lejwas, kajeyepa ti 'yaka Sinia' jilists'ase'm. 'Esiji ka akamaja wikie'eyi ti asa'am ti jleyejiap ni Sijwajieti.

3 JuanMary Thureson 1:14

Ajwelta ka je ipiejeniti ka ijio'wa ka yama'a, ka ini'wena ka ikamtijniena.

Apocalipsis 1:4

Ya'am Juank'i'm, ya'am ti ajloyi siu'nie imp'esinik siojopo Sinia' jilis yiyits'i ni ji'wetis ijwienjli sikio' itij'we times tom'niji, yiji pet siojona ajnat Asia. Siunie Sinia' jikap'ijliuskiye siu'neje na askamankiye ti jitiajlayiji siunie ti jla'am jane'yasap, siu'neje na ti 'nelanjie'e t'ipi ti po' ta'a, siu'neje na ti ja'nejts'eje, tajle 'neje jla'am napok ijwienjli sikio' itij'we times tom'niji Sinia' jikimet ti 'es ti initaj ti ijniul wita'm ti teje'yi siupa yi'iji'n ti jla'am ti anechiyas.