Efesios 6:20 - Sinia' Jlamtis 1994

²⁰ Sinia' yikialk'i'm siu'nie iyo 'ni isijmaye ti akiji'n niwa jlamtis, 'yina nak siunie it'imink'i ti silie'nitieje niwa wikijnies. Ataj wunitiek'ipe pet ka ts'ajlana'ni ka Sinia' 'yotale int'onit, ka ijwile pijia'm pet ni inka'niye ti 'es siu'nie iyo ni yikialk'i.

Efesios 6:20 ပူးပေါင်းရင်းမြစ်များ

Hechos 21:33

Siojo tokis jika anechiyas yamitayi ja Pablo, sekyi'i ti takajlunieyi ka timesiek'i puwa wikijnies ka tilie'nitieje, 'yina i'yasam'ne japo i'nio' ti iyo'ate: —¿Ten siu'nie i'nio'? ¿Tempa jitis iyo?

Hechos 26:29

'Yina Pablo iyo'ne 'ate: —Kawo ya'am pa Sinia' ka jla'm iwoni'ni 'ate, ni'ne ka 'wesie paka ajok'i'ni kawo Sinia' jlasa', jla'yi ka je amkataja, siu'neje napo sipe'ya ka wo'ate awoyi, 'yina ka je awo'ate siuniwa iyo 'niwa silie'nitieje.

Hechos 28:20

It'imina ti 'aj'lase, ti awojonk'iye pet ka ini'wena jla'yi ka 'yakamtijniena. Siuti Israel jika kia'lists'e'm, ti po' siunie anejejwikink'iye, 'naka'ne ti it'imink'i siuniwa iyo ti sits'ijwana

Hechos 28:31

Jlam ikatatjliyi ti iyo jlamtikie', ti ijwil pa Sinia' jika anechijiayas, jla'yi ti taka'neyasane pa Saka'niona Jesús ti Sijwajieti. Siupa iyoyi jlam k'ejma ti lajk'ipa ka intom'ni k'iye ti iyo jlamtikie'.

Hechos 5:29

Pedro inikiujli japo injlojwajnas ijia jla'yis, ti iyo'ate: —Sa'am je 'esiji ka je iniajnata ka yoki siunie Sinia' ijliuyets'e'm, lapakawo ti 'yu'we ti kia'iyo ti lajk'ipa ka ijnojliji.

2 Corintios 3:12

Siuti kia'iyo ti sinijijwiye po', it'imina pet ti je kast'a'ni ti awok samtikie'.

2 Corintios 5:20

Ijiate ti sa'am ti je kasto'we ti Sijwajieti jikawosts'e'm. Jak je iyoyiji ti awoki samtikie' naka ni inka'niye ti 'es, 'yiniye ka jlama pa Sinia' ka ijnalas napo i'nio'. Jak je iyoyiji pet ti ya'am wuj ti 'ejejie'nase'm ti etijnape pa Sijwajieti, ti awo'ate, ¡nijwankitayik'i pi Sinia'!

Efesios 3:1

Jak je iyoyiji ti sa'am ti Judíojosts'e'm, siu'neje ti asam pet ti je Judíojosts'ase'm, ti Sijwajieti Jesús kasts'opijietk'i wita'm. Siupet ti ya'am Pablok'i'm je paj ka iliyi ti 'ajlana'ni, ti a'ne yi'i jla'a insat jiwe, 'yiniye ka jlama pa Sijwajieti ka siwojwa'n jikipinikiek'i'm, ti ts'otie a'laja'm astepe'e.

Efesios 4:1

Tempi it'imina ti ya'am, ti Saka'niona jla'am ti it'imink'i ti a'ne yi'i jla'a insat jiwe, ti kiak awo'nase ti anip'elisi'niase, asa'am ti ta'nase pi Saka'niona: woyeyi siunie 'es iniwone siunapo ti ijiate ti iyo niwa inamtis ti isis.

Efesios 6:19

'Yina jwanayik'impe pet ka ts'ajlana'ni ka Sinia' iwenk'i'm pet puwa yamtisa siunie awo kayoyi. Jla'yi ti ja ijwiye poye ti jajwi'il niwa Sinia' jlamtis, jla'yi ka ts'ajane pet paka iyone ka i'winkina napo i'nio' naka siunie ti je 'yaka ape'e, naka siunie Sinia' jika'niye ti 'es.

Filipenses 1:20

Iyoye'ate siunie yik'i ti po' siu'nie ak'iukink'iye, naka ti ja lajak'ipa ka ts'ajwel ape'e ka k'iejliyeyi paka je 'esie ka iyoyi ka ini'najwelanit'ni. 'Yina awotajank'iye ka ijiatayiji ka ini'net'i ka iyoyi niwa Sinia' jlamtis, 'nakayi ka 'yakajanit pa Sijwajieti ki iyo ti jijweye po', siu'niwa jlomas siu'neje niwa jlomas atayeje, 'wanjliyi ti kiak jayo ja sinitia'n, ni'ne ka si'wasa'n.

Filipenses 1:7

Je ka jiniliakie siunie sitienkiujnieye ni awonaja, awojlitieje ti wuj ti ts'ama'ase. Ent'a naka ti ajyi jla'a insat jiwe, ni'ne ka nakaye ti ani'net'i ape'e ni inka'niye ti 'es, ti ajwele pijia'm ti ijiatk'i jla'am, 'yina awo'ate ti kiak jiwoyeyi pit siunie iyonk'i ni Sinia' ti sip'elisi'n, naka jla'am ti it'imina ni jikijmaye ti awoyi ti iwink'i'm ti ijniejietk'i'm pet.

Colosenses 4:3

Kasts'ajlanayi pa Sinia' 'nakayi ti ja 'najlinit k'iye siunie inka'niye ti akiji'n, ti ijwi'il pa Sijwajieti. 'Yina siunie jika'niye naka siunie ti ijwik ti pajk'i, 'nakayi 'yakajanitie, naka ni siunie awoyi jika'niyejayi napo i'nio', 'yina naka ti it'imink'i ti ajyi jla'a insat jiwe.

Colosenses 4:4

Ts'ajlana'ni 'nakayi ti ja 'yakajanitk'ijine k'iye siunie jota ka iyo ka ijwi'il.

1 Tesalonicenses 2:2

Kajeyepa ti ajoktajapi, japo i'nio' yiji siujlieja isi' Filipos wuj ti je 'es siukia iyonts'eje, je kasse'nate 'yina ti ti'yikisants'i'ni. 'Najanayi pi jiwonayi naka. 'Yina Sinia' wuj ti iniuyets'e'm jakayik'i ti ajok'iase, 'wanjliyi ijiatataja ti po' japo teje'yi ijyilia'm, 'yina ka kia'awo ka sots'ina. Jla'm ani'netjliyi pa Sinia' ti ajwel niwa inamtis ti jlamtis jla'am ti isis ti ajwe'lase'm.

2 Timoteo 1:16

'Esiji ka Sinia' imp'elisimpe siojopo Onesíforo ji'wet jlele, jlam ti 'yuk'i 'neye ti yi'ni ijiap, ti ajyi jlaja insat jiwe, ka kia'awo ka 'najwel itipe'e ti ts'otie a'laja'm.

2 Timoteo 2:9

'yina nak it'imina ti anilayiti siu'nie iwit'ia iyoyi ti silie'nitieje 'niwa wikijnies 'yiniyi ni i'nio' kalankijieta. Jlampet niwa Sinia' jlamtis je iyo'ate awoyi ka t'aka poye.

Filemón 1:10

'Yina ena ape'e ti awo'ate ti 'esiji ka k'iuk'i'm siu'nie ti anip'elisi'na ka woyi, ti ajwel 'ni Onésimo ti awo yasa', siu'niwa jlomas ti a' insat jiwe.

1 Jn 3:16

Siunie inemijnaye kastant'ieje, siuti Sijwajieti Jesús iniwe'n sitipe'e nak 'yakajanit. 'Yina kiak janiwonaja'ni pet, ka iniwena ape'e napo si'lijwas.

Judas 1:3

I'lijwas ti yimijna'ase'm, je jlase' ni awo ti siwa'asitieyi'ni ti awo ka ip'isinik itiejiet'ase ka ijwil pet ask'ioye siujlie'e sijwajieti ti lajk'ipa ka lajayijap ti yits'e. Ijiatjliyi 'nakayi alesane kajeyepa 'es ka kia'inwoyi, ti wuj ti anip'elisi'niase ka ijiatayiji pet ka anilana'yi ape'e siunie intankiujnieye ti 'es, siunie ti etiet'ipi wek na Sinia' ti iwijna'm napo jilis sekatajak'i.