Efesios 6:18 - Sinia' Jlamtis 1994

¹⁸ Je paj ka leyeyi ti jawoyeyi ni asts'ajlaye. Nip'elisine ni Sinia', jlomas niwa ajnajas ti janip'elisinayi, 'yina 'yaka po' janaka Sinia' jikimet ti 'es ti janoye'ase'm. Ni'netiejyi'n, ka ekiajlayisia'm siunie jiwoyeyi, ti jit'iejlana'ni wikie'eyi siunapo Sinia' jilis pet.

Efesios 6:18 ပူးပေါင်းရင်းမြစ်များ

Mateo 26:41

Jwajla'a paka woyeyi, ká amayets'iji'n ja 'nakayeyijna'a ti ja ke injlana'ni ni inkajejlasaye. Ts'ajane pi awone ti jlajlasa ka awoyeyi niwa yamtis, ijiatjliyi je sikiwita siunie asosik jiwonayi ti 'es, 'yina 'nakayi jla'am niwa 'asjwes iyoyi, ti je jitiuma'yi ilia'm naka ti sikiwit'ase'm.

Marcos 13:33

“Tempi it'imina ti awo'ate, ¡Ká anikiwalinitie! Ká amayets'iji'n, ka je iwopa ti je 'najanayi paka wonayi japak jlomaye ka kia'iwotajanie'e.

Marcos 14:38

Ataj etie kisie', woye asts'ajlayeja', 'nakayi ti siunie inkajejlasaye ja ke injlana'ni pet. Kajeyepa ti a'we'en ti jiwoyeyetaja 'niwa yamtis siu'neje ti astankiujnieye poyeta, 'yina 'nakayeyi jla'am siunie 'assie'n ti je to'm ilia'm.

Lucas 21:36

Ká anikiwalinitie, 'wenajliyi ka awoye asts'ajlayeja' tejwa niwa jlomas, 'nakayeyijna'a ti asjweye japoye, jla'yi ti jajwayejyi wikie'eyi niwaka ajwel'ni ja'wena', jant'emina'a ka akajlayi ka aye jitieyi'i ni I'nio' Jlas.”

Lucas 22:46

Iyone'ne 'ate: —¿Yot'iyi'ni ti jimayets'iji'n? Neyets'i pijia'm, woye asts'ajlayeja', 'nakayeyijna'a ka je insakana ni inkajejlasaye.

Lucas 3:26

Nagai jinia' t'ipi pet pa Maat, Maat jiniaye t'ipi pet pa Matatías, Matatías jinia' t'ipi pet pa Semei, Semei jiniaye t'ipi pet pa Josec, Josec jinia' t'ipi pet pa Judá,

Lucas 3:37

Lamec jinia' t'ipi pet pa Matusalén, Matusalén jiniaye t'ipi pet pa Enoc, Enoc jinia' t'ipi pet pa Jared, Jared jiniaye t'ipi pet pa Mahaleel, Mahaleel jinia' t'ipi pet pa Cainán,

Hechos 1:14

Wikie'eyi pi nojwa'm jlamis initotis'ni wita'm, jla'yis'ni japo ji'yinis pa Jesús, siu'neje jlaja jlet María, siu'neje japo asejnia 'wenayi, ti iyoyis'ni t'ajlayeja'.

Hechos 10:2

Jak i'nio' ti t'oniye 'es, iyunit pa Sinia', ji'wet jlele kia'iyojliyi. Wuj japa wikiniet'aj itijwe'e'ni ti iniuyeje papo Judíojos. Jlomas ti iyo t'ajlayeja'.

Hechos 12:5

Ijiatjliyi Pedro yi' insat jiweje, tokis i'yena ka je i'no'o, 'yina jlam t'aljlijyi'n papo Sinia' jilis, ti 'yejlanis ja jikiecha.

Hechos 6:4

Sa'am ka'yukiena'a na ts'ajlaye, jla'yi ti jayok samtikie' niwa Sinia' jlamtis.

Romanos 12:12

'Esiji ka nikanitie'yi ilia'm siunie asnejejwijiye ti yi'ase. Siuti jane'yase ni aswet'ia, 'esiji ka akat 'okiejak'iye. Ja ke paja ka leyeyi ni asts'ajlaye ti jawoyeyi.

Romanos 8:15

Kajeyepa ti siojona Sinia' iwi'nase'm, je ka iwo'nase jikipijnasa' ka sek ine'yi ka ekiajlayi'ijyi ka je injweyejyi'n. 'Yina janak siojona Sinia' jikimet ti inwojwana Sinia' jilisa', 'yina janak awoki si'niayija' ti awok'iate ti a'yasaja, “Inia', Inia'.”

Gálatas 4:6

Sekyi'i ti Sinia' 'yakajanitiek'iyi ti jla'am ti jilists'ase'm, 'yina ijliuye'ase siojona jlas jikimet ti yijits'i niwa askiojwa'l, ti iyo'ate, “¡Inia', Inia'!”

Efesios 1:16

'yina sek taj'le ti je paj ka iliyi ti inikanitieyi ekiajle pi Sinia' kat'ajayi ti awoyeta 'yejlayeja', sekyi'i ti wujwa'aja ti atankiu'niase'ni.

Efesios 2:22

'Yina kiak jiwoyeyi ti jini'nopijietayi ni Sijwajieti, jani'nopijietak'i wita'm, ja 'nakayeyijna'a ti jawoye 'ate janak Sinia' ji'wuk, ti siojona Sinia' jikimet ti 'es ji'weta.

Efesios 3:18

'Nakayi ti ja inwikie'eyeyi, siunapo Sinia' jilis ijia, ja 'najanayi paka wonayi ti ijiate ti isajk'i naka Sijwajieti jlemijnaye iyo, jla'yi ti intaj je yame siupa jlaj, siu'neje ti je ti'wena isia'm siupa jlaj yi'i, siu'neje ti je jnanjli pijia'm,

Efesios 3:8

Ya'am ti je ts'esijiyi, 'yaka'm itipe'e siunapo ti kia'iyo je isisijiyi pet Sinia' jilis ti ajyi. 'Yina je iyojliyi pi Sinia' ti ijniejietk'i'm siu'nie awoyi, ka lajak'i ni iyo ni jikap'ijliuskiye, yam ti sats'ilkaja ti akiji napo i'nio' je Judíojos niwa Sinia' jlamtis ti ijwil ni Sijwajieti ti jikap'ijliuskiye ti ijiate ti laja po' ti laj jlaja.

Efesios 6:19

'Yina jwanayik'impe pet ka ts'ajlana'ni ka Sinia' iwenk'i'm pet puwa yamtisa siunie awo kayoyi. Jla'yi ti ja ijwiye poye ti jajwi'il niwa Sinia' jlamtis, jla'yi ka ts'ajane pet paka iyone ka i'winkina napo i'nio' naka siunie ti je 'yaka ape'e, naka siunie Sinia' jika'niye ti 'es.

Filipenses 1:4

awoye'eje 'yejlayeja' astepe'e, jla'yi ti wuj ti ts'ajkaj'ni.

Filipenses 4:6

Ká awoye asjlak'aliye paka k'iejliyeyi ti potie, 'wenajliyi ka awoye astankiujnieyeja'. Jwelayi pi Sinia' pi nitia ti jisitiana', 'yina jajwanayi'ipe ni asnikanitieyi ti jawenayi.

Colosenses 1:3

Jak je iyoyiji ti awokietaja ni ts'ajlaye astepe'e, 'yina sinikanitieyi awenayi'ijyi pi Sinia', pi Jinia' pi Saka'niona Jesús ti Sijwajieti.

Colosenses 1:4

Kajeyepa ti ajieye'ase'ni ti wuj ti astankiujnieye yiyi ti je kakiuye pi Sijwajieti Jesús, jla'yi ti ijiat ti i'namajayi wikie'eyi siunapo Sinia' jika kia'lis.

Colosenses 4:2

Ká aleyeyi ti jiwoye'ni asts'ajlayeja', siu'neje ti asnikanitieyi jlekiajlayi'ni pa Sinia'. Ká anikiwalinitie.

1 Tesalonicenses 5:17

Je paj ka aleyeyi ti jiwoye asts'ajlayeja'.

1 Timoteo 2:1

Janiajnat siu'nie ti ja'yijie'ne napo Sinia' jilis ka 'najla'n wikie'eyi napo i'nio' yi' ape'e 'ni ajnat, jla'yi ka 'esieyiji ka inip'elisini pi Sinia', jla'yi ka jinikanitiejeye inekiajlisipi pi Sinia'.

2 Timoteo 1:3

Ti awo 'yejlayeja', jloma ajnaj, itiej wuj'wa'ni, sekyi'i ti awoye'eje inikanitiejayi pi Sinia' ti 'Yaka'niona. Ka kia'awo ka poye paka k'iejliyeyi ka iyo 'yajwejliye, ti ijiate ti anoyeje, iyot'iyipi papo 'yaka kijilas mases.

Filemón 1:5

'yina ika'niye po' siunie jiwo ti wuj ti emijnaye jle'ne napo Sinia' jika kia'lis pet, siu'neje ni atankiujnieye ti 'es poyi pa Saka'niona Jesús.

Hebreos 5:7

Ti Sijwajieti yi'i 'ni ajnat ti iyo t'ajlayeja', 'yakets'ijiap siu'neje ti jitiett'e' itiojnate'n ti inip'elisine pa Jinia' ti jla'am ti jijweye po', ka injwajiete siupa jiliaye. 'Yina siuti Jinia' i'wi'in ti inijlasat isia'm sekyi'i it'imina ti its'iuyi ni t'ajlaye.

1 Pedro 4:7

Je pa tojwa'a ni jlaj jane'yi wikie'eyi siuniwa wask'i'nelaja. It'imina ti kiak awo'nase, nilesanayiji. 'Esiji ka asa'am ijiatayi ka woyeyi ni asts'ajlaye.

Judas 1:20

Siuti asa'am, i'lijwas ti yimijna', 'esiji ka nit'onitieyi pijia'm siunie astankiujnieye ti ijiate jlam ti 'es ti janaka ti 'notatak'i, naka ni siunie ti je kakiuye ni Sinia'. Woye asts'ajlayeja' janaka ti astaj jawomayi Sinia' jikimet ti 'es ti jawe'nase'm ni as'nayija'.