Efesios 6:10 - Sinia' Jlamtis 1994

¹⁰ I'lijwas, ti asa'am ti jleyejiap pi Saka'niona, janakaye ti asjweye ja atajlatayi, 'yina ti jla'am ti jit'iuni po'.

Efesios 6:10 ပူးပေါင်းရင်းမြစ်များ

1 Corintios 16:13

I'lijwas, asosik enatiejyits'i'ni, ke ink'asayik'i pijia'm ki iyo ni siunie astankiujnieye. Jwajla'a paka woyeyi, ká asa isia'm.

2 Corintios 13:11

Siunie jikiecha nak jayin jlaja, japo i'lijwas. Awojonk'iye pet ka akamaja. Jalasa pit ka ijiatayiji ka insisie, ni'netie pet. 'Esiji ka ijnol wita'm siunie jiwoyeyi ki iyo niwa asosikis, jla'yi ka ena'yasap ni askamankiye. 'Yina Sinia' ti jla'am ti tajle nak inkamankiye jla'am ti jane'yasap.

Efesios 1:19

siu'neje ni jijweye ti iwints'e'm, sam ti je akakiuk. Naka ni siunie jijweye 'yaka'm ape'e wikie'eyi niwa wask'i'nelaja. Sekyi'i ti ijiatayi ti je istieyi siunie ti jijweye po' ti jla'am,

Efesios 3:16

A'yasane siunie asjweyeja' ka intajleje siuniwa i'wi'in ti je jlase', ka ne'n aswa'm, lapakawo siojona Sinia' jikimet ti 'es janoye'ase'm.

Filipenses 3:1

'Nakayi japo i'lijwas, ké inkiwaliyeyi'ipe pi Saka'niona, 'esiji ka anikanitiets'i wita'm. Ya'am je sik'ijliayi ti ekiajle'e'ni ask'ioye siu'niwa yamtis ti ajlo'wase'ni, 'yina ti niwaka ti ja insisieyi, ti awo'ate:

Filipenses 4:13

Atojmi wek ilia'm, 'yina ti ijwiye powek, kajeyepa ti paka Sijwajieti ti iyo ijwiyeja'.

Filipenses 4:8

'Niwak 'wanjli isiame, i'lijwas, jane'yi siupa ti ja ijiatak'i, siunie ti je jlam tonitie wek, siu'neje ti japoye naka ti tijnajyi, siu'neje ti lajk'ipa ka injlejni'ni, siu'neje ni ti wuj ti emina, siu'neje ni ti ajieyeje ti wuj ti 'es, 'niwak 'esiji ka ijiatayiji ka astankiujnieye ijnoyi. Kajeyepa ti jlam je jiniwonayi, 'yina ti 'yu'we ti jiwunitie 'niwaka.

Colosenses 1:11

'Ajlajanayi'ni pi Sinia' ka impejlanit'i aswa'm pet ni jijweye ti je jlase', ja 'nakayeyi ti ja asjweye japoye pet. 'Yina ja ke injlak'alajyi'n, 'wenajliyi ti ja akamaja.

2 Timoteo 2:1

A'm yas, kima ni Sijwajieti Jesús jikap'ijliuskiye ni yits'e, woye ajweyeja'.

2 Timoteo 4:17

'Yina Sinia' yi' ijiap jakayi. Iyo ijwiyeja' ti awoyi yamtikie' kiwa jlamtis, ti atoni napok siunapo je Judíojos ka impe'yayis pet. Siukia iyonk'iji ti sijwajiete ni Saka'niona k'iye ni jikiwet ni k'iwajla.

1 Pedro 3:8

Jlaja, 'napo i'lijwas, 'esiji ka ijnojli wita'm siunie ja woyeyi, siunie askiowe kia'iyojliyi, 'yina ti injwanjliyek'i. Ninemina, akiowe nit'onitieyik'i wita'm, 'yina ká anitonitiejyi'n.

1 Pedro 4:11

Siuti po' ni iyo jlamtikie', 'esiji ka niwakaye Sinia' jlamtis ti janamtiyi. Siunie Sinia' yikiaj'la pit ka noyeje napo a'lejwas, 'esiji ka inwa'asitieyiji'ni 'yina siunie ajweye yi'a ti Sinia' jlam ti yikiaj'la. Ja k'iejliyeyipe siupi jawoyeyi, siuti jawoyeyi siunapo i'nio' pak janwunitis pa Sinia'. Siunie ti jawunitie, woyeyi 'niayija' pa Sijwajieti Jesús, ti jla'am ti 'yu'we ti ka kiak tiwonaja, ka tonitie, siu'neje ni jijweye iyo, jajnok'i'ni. Amén.

1 Pedro 5:10

'Yina ja ke ijiatayi ka je inek 'nijiye, je itioyi'i siu'nie yi'ase ti jinilayitieyi, Sinia' janwe'nase'm siunie as'nayi ti 'es, janwe'nase'm ni asjweye ti ink'ie', jla'yi ti ja ke tikiwita'asemna'a. 'Yina ti jla'am wuj ti 'nama'ase jla'am ti ta'nase ka ayejyi pit ni iyo ni jijweye, ti laj jlaja ti jleyejiap pi Sijwajieti Jesús.

1 Jn 2:14

Ijiatjliyi 'napo ilis, atate'ase ti pajk'i ti intant'iejayi pi Sinia'. Asa'am ti inkijliyejyi'n, kia'iyojliyi ti pajk'i ti intant'iejayi siunie i'nio' po'o ta'a ti 'nelanjie'e, je wakaljli'ijyi niwa wask'i'nelaja yi' ape'e 'ni ajnat. I'lij atate'ase asa'am ti jwemik'iase'm, ti ast'oni poye jla'yi ti siuniwa Sinia' jlamtis iyo 'wetaja ni asosik, siu'neje ti siunie imosik ti je inkajlajyi'n.