Efesios 5:5 - Sinia' Jlamtis 1994

⁵ 'Yina 'najanayi ti siunie 'yuyi'ni jana jikiecha k'iemjla, siojona ti 'yuyi'ni na jikiecha k'iemjla, siu'neje ni iyo siunie ti ijiate ti je 'es, siu'neje ni ijwil ka woyi ni t'ajlaye 'yina ti je 'es ni iyoyi kajeyepa ti iyoyi jika diosa' niwaka ti itiliaja ka'we'en, ja ke ijnoyi pi Sijwajieti, jla'yi pi Sinia' ji'wet ti iyo anechiyasa'.

Efesios 5:5 ပူးပေါင်းရင်းမြစ်များ

Hechos 20:32

“'Nakayi 'esiji ka Sinia', jla'yi niwa jlamtis ti takap'ijliuski, jan'ye'nase'm, jla'yi kanoye'ase'm. Siuniwa jlamtis 'yijene 'neje kanoye'ase'm ka ijiatayi ka astankiujnieye poye, jla'yi kawe'nase'm ni jikap'ijliuskiye, jikimet napo Sinia' jilis ti isis.

Hechos 8:21

Je tejeyi paka kia'iwo, jiwo ti je 'nes, Sinia' in'we'en.

Gálatas 5:19

Je istie' siuniwa wask'i'nelaja ti tajle pit ki iyo niwa ts'isienis. Po' napo 'yuyijk'i'ni napo ijia jwa'yis; po' napo iyoyi siunie ti ijiate ti je 'es; po' napo inisayi siuniwa wask'i'nelaja yi' ape'e 'ni ajnat ti ikajyi'n niwa ts'ajwes.

Gálatas 5:21

Jolsijnietas, 'yatas, jlak je iliatk'iji'n. Po'neje siuniwa ti jwajla'a ti kia'iyo, ti a'yejnap, ti iyoyisi napoka. 'Yejne'n siu'nie jayoyi, iyo'ate siukia awo'nasepi ti pajk'i ti ajwe'el: Napoka siunapo ti kia' iniwone ja ke pajana'a ka 'noyi nak Sinia' jika anechijiayas.

Efesios 5:3

Tiwet'ianaja ka 'esieyiji ka ena askiwiti naka siunie iyo ti 'yutie'ni pa, siu'neje ni iyo napo ti k'iejlitieje pa itiliaja ti yiyi pi jikiecha, siu'neje niwa ti ijiate ti 'yakajyijne'n napo i'nio', asam ti Sinia' jilists'ase'm.

Colosenses 1:13

Sinia' jla'am ti kasjwajiete siunie jijweye nak ajnatiok, sekyi'i ti kasjlasatayi pi jlas ti jleminik ni jika anechijiayas.

Colosenses 3:5

Lanajyi'n wikie'eyi niwak askeyis ti je isis ti taj'le ni ajnat. Je 'es ka ne'yi paka inwoyi siunie 'nojieye, siu'neje ni t'ojli, siu'neje niwa asoski'la, siu'neje niwa je isis ti inteliajayi ti jiwoyeyi. Ká awoye'yi 'ate siunapo ijliak'alijyi'n k'iye siupa iyo ka'we'en, ti 'yiniye ka iwo jika diosa' niwaka ti jiwoyeyi asjlak'aliye.

1 Timoteo 6:10

Kajeyepa siunie jijwetis wikie'eyi niwaka je isis, naka ti inemijnaye tena'a jana wikiniet'aj, jla'yi siunapo ti jitienkiujnieye ipijlanitia'm, ti iyojonk'iye ka jlomas intejwe ka je inetiane janak wikiniet'aj, napoka napo yiyi ts'iji initiajnat ni jitienkiujnieye ti 'es, 'yaka ijlie'en, sekyi'i wuj ti inilayiti ti iyo ni jijliak'ali ti iyo ti yiji ni jlosik.

1 Timoteo 6:17

Awojonk'iye ka jwejla'm napoka i'nio' ti jwajla'a i'wi'in, ka wone'ate, “Ká anipajayi niwak askijmatis ti po', ti jijwela ka niwakaye ti injwajieta', 'yina siuniwa inkijmatis yi' ape'e 'ni ajnat, je t'o'n.” Ja jloye jla'am ka najataja jla'am ka jitiej iwomisie ni Sinia', 'yina ti jlam ti iwints'e'm wikie'eyi niwa wask'i'nelaja ti 'etsaka nakaye'eje ti yits'e ni sinikanitiejeye.

Hebreos 13:4

Apejlanit'i astepe'e ti awo'ate ká awoye aslakikie siunie injwa'ajieyi; ká akajyine siojona ask'iemjla siunie aske' ti jit'iuye'ni. 'Yina Sinia' jan'ye'en siunapo kiak iniwone ni jitis, siu'neje napo iliyik'i napo jijwa'yis.

Apocalipsis 21:8

Jlampet siunapo ti t'otale je t'ojni'n, siu'neje napo kakiujnietas, siunapo ti ijiat ti 'yakama ape'e niwa jikeyis ti je isis; siunapo i'nio' kalankijietas siu'neje napo ijia jwa'yis jiwos, siu'neje napo ti iniwojwa'n aye'wulisie', siu'neje napo ti jitiej iyoma niwa k'iejliyi ti iyoyi jika diosisa'; siunapo ti sintijyis, 'yina wikie'eyi napoka ti jajnoyi siunie jwat ti isa ape'e ti iyo'ate ni tewuk iliyi ti yat'e azufre. Naka jana 'najlati ti tomik'i siojona inia'an.

Apocalipsis 22:15

Jlampet siunapo ti ijiate ti je isisi ti iyoyi ni siunie je 'es, ja 'wanjliyek'i kisie'e, siu'neje napo ti iniwojwa'n aye'wulisie', siu'neje napo ijia jwa'yis jiwos, siunapo kalankijietas, siu'neje napo ti jitiej iyoma siuniwa iyo jika diosisa', wikie'eyi 'neje siunapo ti yimi'n ti ik'emijietk'i napo ijia.