Efesios 5:29 - Sinia' Jlamtis 1994

²⁹ Atejnistieje ka lajak'ipa ka je i'yena ni t'ajwes, awo'ate ka ne'waja'm, 'wenajliyi ti 'es ti i'yena, 'es ti 'yakojnie'n. 'Yina Sijwajieti kiak iyone napo Sinia' jilis.

Efesios 5:29 ပူးပေါင်းရင်းမြစ်များ

Mateo 23:37

“¡Jerusalén, Jerusalén, jiliajnen'ni kiapo injwejlanawos, sisajas jikiene siukiapo Sinia' jikawos ti ijliuta'a'ni! ¡Je ijwienjliyiji ka je ijiuttie'ni isiajwe napo ales, iyoye'ate jana ajwenta ti ijiuttie'ni jikiajwe niwa jilis, 'yina ka jakayeyi ka awoyi!

Mateo 6:26

'Yejne'n niwa ajwejnas. Je ji'wen kankawijnajne'n, je ji'wen'neje kanla'ne pa ka jiwomikie' ka wakajla ka ti'wena 'neje kawo jikapiskiye. Je iyojliyi ni Asna' ti yi' poliyi ti iwijna'm ni itiujw. Astaj enayi 'ate, asja'yaka'm ape'e niwak ajwejnas.

Romanos 1:31

Ijiate ti je iyoyisiyi ka 'najanisi paka iwonisi ni siunie 'es, jlam jlamtisjli'yi wekie'e siunie iyo ka woyisi. Jlosikis je ijyiwitijits'i, jla'yi ti je ip'ilisi'n paka jikiechaye. Siuti jitis po' pi jikiecha, ka kia'iwo ka netiajnat pi jitis iyoyi.

Efesios 5:28

Siunie i'nio' jik'iemjla po', 'esiji ka 'namaja jana jik'iemjla jawone 'ate iyone ti jla'am ti yimi'n ni t'ajwes. Je kast'ayiji'n, siunie i'nio' 'namaja jana asejnia, ijiate 'yaka 'namaja pet ni t'ajwes.

Efesios 5:30

Lapakawo ti napoka ti t'ajwes, 'yina ti sa'am nak atajlaja pit.

Efesios 5:31

Iyo niwa Sinia' jlamtis ti iyo'ate, “Jak je iyoyiji ni i'nio' ti jantajla napo jiniewot, ti janejiap siojopa jik'iemjla, ni nojwaja'm 'yiniye na ka injwanjli paka i'nioye.”