Efesios 5:26 - Sinia' Jlamtis 1994

²⁶ Kiak iyone kajeyepa ti iyo ka ilesa'n pa Sinia' napo jilis. Iliji pi i'niat pakayi ti tiniejienaja'n, siu'neje ti iliji niwa Sinia' jlamtis.

Efesios 5:26 ပူးပေါင်းရင်းမြစ်များ

Juan 13:10

Jesús isiujlie'ne pet ti iyo'ate: —Siuti itime ni i'nio' ti inie'yi i'niati, ijiatjliyi je yikiajle'e ka ina'yi i'niati kajeyepa ti itime, najataja ti jisietis ilijk'iji'n. Siuti asa'am kiak jiwoyeyi, ijiate je inwikie'eyetaja ka insisie.

Juan 15:3

Siuniwa yamtis ti awo'nase ti 'eyasanayi, niwak it'imina ti insisie.

Juan 15:8

Siuti kia'iyo, ti po' niwa tal aswa'm siuniwa isis siunie jiwoyeyi, siunie Inia' wujwa pet ti tonitie, jla'yi ti ja'nakaja pet ti asa'am napoka ti ijiate ti 'yiyasajna'yase'm.

Juan 17:7

Jak je iyoyiji, 'nakayi 'yijenayisiji pi iyonisi ti wikie'eyi siuniwa jiwenk'i'm a'm ti taj'la,

Juan 3:5

Jesús iyo'ate ti isiujlie: —Ijiate, ijiatk'i siunie awo ti jayo'ate, lajk'ipa ka 'najane paka inwone ka 'noyi ni jika anechijiayas pi Sinia' ijiatjliyi jla'am ni i'nio' ti k'iejli yijijyi'n ni i'niat jla'yi jana Sinia' jikimet.

Hechos 22:16

Nisiamaja'ni, ká anijwatanitna'a; ninajie'n nineyine pa Saka'niona, kanlej niwa ajoski'la iyo.

Hechos 26:18

'Nakayeyijna'a ka 'yiniyijna'a ka 'ajlinitiamk'i niwa jitiete siunie iyo ti yiji na ajnatiok, sekjane'yi ka neyeyisinie'e pet na jloma; jla'yi ti janleyisi ka ineyis kiajwe ni imosik jijweye iyo, 'wenajlitieje jla'am ka neyis kiajwe pa Sinia'; 'nakayijna'a ka initiajnat niwa jikeyis, siu'neje ka ji'niayi poye ka ijnojwa'm siunapo isis Sinia' jilis, ka tiwoktana'a ji'wajietiye, lapakawo ti nakaye jla'am ti jant'emina ti ja ke sakakiuyis”.

Romanos 10:8

Moisés kiakt'e iyopi'iji 'ate, “Siuniwa Sinia' jlamtis je ka tojwaja'najap. Yiji ni ajosik, jla'yi ti yiji ni akiwet.” 'Yina niwaka siuniwa ti awoki'ni samtikie' ti ajwela naka intankiujnieye ti 'es.

1 Corintios 6:11

Ti pajk'i, siuniwa ajwel'ni je awo'ate je woyeyipi, siuti asa'am po' siunapo yit'ijyipi. 'Yina 'nakayi insisie kajeyepa ti Sinia' pajk'i ti inlejajyi'n, jla'yi ti initiajnat ask'ioye ki astes iyo, ka lajak'i pet ni jle' iyo ni Saka'niona Jesús ti Sijwajieti, siu'neje japa Sinia' jikimet.

2 Corintios 11:2

Ijiate ti akajien'ni astepe'e jayoyi, 'yina siunie ti ikajiejnaye po', tal Siniayi. 'Yina pajk'i ti ateme ti 'otata ta'a k'iye pet pa Sijwajieti ajalas ka neyi ts'ijiye, awoye 'ate iyo jana jlosie ti je itiant'iejliyi'ijyi pi ayinie, ti laj jikeye, jak je iyoyi janjwanjli siunie ja ayeyi, naka Sijwajieti jayo.

Efesios 6:17

Siojona asjwajieti, janak woye pet aska wontaja, ti ja jip'ota pet jana asetik. Jlampet siuniwa Sinia' jlamtis, nak jawoye pet astesajnat jitiokie', ti siojona Sinia' jikimet ti 'es iwi'nase'm.

Colosenses 3:16

'Esiji ka siuniwa Sijwajieti jlamtis inejyits'i niwa asosikis, 'yina ja wujwa ka noye'ase'm. Siunie 'najanayi ninekiajlayi ti jani'neyasanayi, 'wenkinayi napo as'lejwas siunie tijnajyi. Siuti ja akelisienajyi'n, jonitie ni Sinia'; siuti ja inkasajyi'n 'esiji ka atajlatajia'm ni asosik; kiak jawojliyi siuti jawoye asts'ajlayeja'. Enayits'i siuniwa sálmojos, siu'neje niwa ijia inka'laja ti tajle siojona Sinia' jikimet.

Tito 2:14

Jlam ti ininekial ti ijioyi ni jiliaye, jakayi ti tiliana, lapakawo ti iyo ka kasjwajiete niwaka siuniwa je isis. Initiajnat wikie'eyi ki iyo niwa sakeyis, ja'nakayeyi ti ja sama siunapo jika kia'lis ti 'wena ijiut'e, ti awokink'iye ka iyoki siunie 'es.

Hebreos 10:10

'Yina ijwienjliyik'i wek ti kia'iyo ti iniwe'en ti ijioyi japa 'najlati sekatajaje. Siuti je 'yaka'm ape'e siunie Sinia' iyone siunie iniwone, 'yina nak kasts'isisi'ne pet kajeyepa ti Sinia' ijiatjliyi ti kasts'otat.

Hebreos 10:14

Kajeyepa ti siupa iyo ti iniwojwa'n Sinia' ji'wajieta' ijwienjliyiji jiwek pakatajaje ijiok'i'ni ti ilisajne'n siunapo ti Sinia' 'yotat.

Hebreos 10:22

Jak je iyoyiji jajioki pi Sinia', ja'nialkitak'i na sosik, siu'neje na sitienkiujnieye ti 'es jalisanaja'n. Siunie iyo ti je akakiuk jajwienkitak'i, 'yina ke k'iejliyeyi paka iyoki sitienkiujnieyejak'i wita'm ka jiniliakie pa, lapakawo ti pajk'i siuniwa ts'ajwes ti tilijiki'n, ti tilijiki siunie i'niat ti 'es.

Hebreos 10:29

'Yina ¿jijwelat'e ka Sinia' intasa'nena'a siunie ti iyo jiliakikie ni jlas, ijiate ti je iyo lajaye siunie ji'woyis, siu'neje ti iliaki siojona Sinia' jikimet ti 'es ti yiminta wek jla'am? ¡Je'e, ja ke intasa'ne! Ka je iwo pa ti siunie 'woyis naka ti 'yakajanitk'iyi siunie Sinia' ji'lij ti iliyi siunie janwoyi ti janwats'ilati siukia iyopi 'yina ink'ie' siunie janwoyi, 'yina naka ti i'mienit ni i'nio' ti Sinia' 'yotat.

Hebreos 13:12

'Yina kiak iyo'ni pet siu'nie, ti Jesús jijliak'ali ti je jlase' ti 'ya'al tojwapen'ni siupa yi'i pa isi', ti iliji papo i'nio' puwa jikeyis, it'iminayi ti kia'iyo ti isis, siupa ji'woyis ti isia'ni.

Hebreos 4:12

Kajeyepa ti siuniwa Sinia' jlamtis ji'wasankiye po', jla'yi ti jijweye po', siu'neje ti ijiate ti 'yakajla'm ti 'yaka'm ape'e siunie sijnat jitiok ti tijwela ka inkajla'm siunie ti jikiwitawa times, 'yina je ijwietanitia'm ni i'nio' ni jlosik, ti yajma'm yame ni siunie jikiowe, 'yina itijwi'ni ti yikiajli'ni ni jitienkiujnieye, siu'neje ni iyo kawoyi ni jisiak'al ni i'nio'.

Hebreos 9:14

'Yina jlampet siunie Sijwajieti ji'woyis ti kia'iyo ti tisa'ni jla'm ijiatayi jla'am ti 'yaka'm ape'e niwaka ni jijweye iyo. 'Yina Sijwajieti siunie t'oniye ti 'es po'o siunie ti jla'am ti ininekiajle pi Sinia', ka lajak'i pet ki iyo janaka Sinia' jikimet ti 'es, ti je paj ka netia'n. Siunie Sijwajieti ji'woyis kia'iyo initiajnat sik'ioye siuniwa sitienkiujnieyejes ti je isis siu'neje ti ijialts'e siuniwa je isis ti kastone jana ts'ajlati ti ja kasnetia'n. Sek jane'yi ka 'yakajlajanie'e ka iniukieje naka Sinia' ti je paj ka inetia'n.

Santiago 1:18

Jlam ti tajle ni siunie iyo kawo ti iyo ka si'wasankiye ink'ieye'eje, 'yina ti ijiate ti kasts'isisi, ki iyo niwa jlamtis ti ijiatk'i ti awoki, ti iyo ka sama ka iniana ka kaspo' ape'e 'ni ajnat ka inianak'iye ni siuniwa ijia jilisajna'.

1 Pedro 3:21

Paka i'niat t'ipi, pak ti'yenajap pet ni i'nio' ti tiniejiena, naka'ne ti it'imina ti jijwaye 'nakayi. Siunie ti tiniejienapa je ka inlej niwa 'najwes, 'najata ti t'ajlajaje pi Sinia' siunie ijnosik ti ink'ie' ti 'najleje'n. Siu'neje ti kasjwajiet pa Sinia' ti kasts'isisi pi Saka'niona Jesús ti iniu kisie'e ti tajli pi a'no',

2 Pedro 1:9

Jlampet siunie je yiyi niwaka, ajwel'ni iyoye pet 'ate siunie i'nio' jitiej je tojk'i, ni'ne ka ijniejietk'i siunie talok, ti isiwaliyi'i ti pajk'i ti tinitiajnata k'iye kiwa jikeyis.

1 Jn 5:6

Siuniwa 'yakajanit pi Jesús ti 'nes ajnat'e, naka i'niat ti tiniejienaje, siu'neje pi ji'woyis ti tisa'ni. Je pakata i'niat, ji'woyis 'neje. Siojopa Sinia' jikimet japak ikajanit'ne naka, 'yina ti japaka Sinia' jikimet ti ijiatk'i.

Judas 1:1

Asampey i'lijwas, ya'am Judask'i'm Sijwajieti Jesús jikawok'i'm 'neje, siu'neje ti ya'am ti Santiago ji'yinik'i'm. Asa'am ti ajlo'wase 'ni ip'isinik, ti asa'am ti jlemijna'ase'm pi Sinia', siu'neje ti jla'am ti ta'nase. 'Yina asa'am 'neje ti Sijwajieti Jesús ijiat ti i'ye'nase'm.