Efesios 5:20 - Sinia' Jlamtis 1994

²⁰ Ja k'iejliyeyi siupi jawoyeyi, ni'ne ti jane'yase, wikie'eyi niwaka 'esiji ka awoyeyi asnikanitieyeja' ti ja etijnajiape ni Saka'niona Jesús ti Sijwajieti.

Efesios 5:20 ပူးပေါင်းရင်းမြစ်များ

Juan 15:16

Je 'nej 'ninta ka asama ka akimak'i'm, ya'am ijiate ti aki'mase'm. Sekyi'i awo'ne ka ijliuye ka akinie'ni, ka je piniye siupuwa ka asaye ka intajla aswa'm ja ke int'eki. Ja'nakayeyi pet ni Inia' ja k'iejliyeyi siupi jisitiana' ti ja 'ajlayi, janwe'nase'm kajeyepa ti jasetina.

Hechos 5:41

yamat'i'nijpe ti tajlisie papo anechiyasas, wuj ti inkase'n kajeyepa ti Sinia' yina'ate ka kiak tiwonaja ti tiliakik, 'yaka Jesús jle' ti it'imina.

Romanos 1:8

Janiajnat ti inikanitiejeye awene pa Inia' astepe'e, ka lajak'i ni iyo pa Sijwajieti Jesús, kajeyepa ti ijiok'i'ni ape'e 'ni ajnat ti ti'niejenaja pa tiwonaja siunie iyo ni astankiujnieye ti 'es ti jiwoyeyi.

1 Corintios 1:4

Je paj ka iliyi ti inikanitieyi awene pi Sinia' astepe'e, siu'neje ni iyo ti wuj ti imp'elisina', ka lajak'i jla'am pi Sijwajieti Jesús.

1 Corintios 15:24

Sekyi'i nakaye pet ti iyo'ate yiyi ni jlaj ni ajnat, sekyi'i ti nakaye pet ni siunie ti iyo'ate ka Sijwajieti intat tajak'i isia'm napoka siunapo iniwojwa'n anechiyasisa', siu'neje niwa iyoyisi, siu'neje niwa injweyejes ti yiji ni poli, jla'yi ti janekial ni jika anechijiayas ni Sinia'.

Efesios 5:4

Ká ena askiwiti siuniwa asamtis ti 'yajwejlanitk'i wita'm napo as'lejwas, siu'neje niwa jlamtis ti iyo ni ijiuski'la'n, siu'neje niwa inamtis ti jiniliaja ti jlam pak iyots'i'ni, 'yina je 'yu'wase'm ka woyeyi 'niwaka. 'Wenajliyi ni 'esk'i ka awoyeyi ti jawoye asnikanitieyejayi pi Sinia'.

Filipenses 1:3

Ti itiej wuj'wase'ni, sekyi'i ti awoye'eje 'ate “ijiatayijia'm” pi Inia',

Filipenses 4:6

Ká awoye asjlak'aliye paka k'iejliyeyi ti potie, 'wenajliyi ka awoye astankiujnieyeja'. Jwelayi pi Sinia' pi nitia ti jisitiana', 'yina jajwanayi'ipe ni asnikanitieyi ti jawenayi.

Colosenses 3:17

Ja k'iejliyeyijpe pa jawoyeyi 'esiji ka wunitie pi Saka'niona Jesús, jla'yi ti jawoye asnikanitiejayi pi Sinia', ti ja etijnajiape pi Saka'niona Jesús.

1 Tesalonicenses 3:9

Ijiatjliyi, ¡je paj ka iliki ti awok sinikanitiejayi pi Sinia' astepe'e, kajeyepa ti wuj ti ts'ajka'ase'm, it'imina ki iyo ni inikanitiejeyi jitieyi'i ti jla'am pa Sinia'!

1 Tesalonicenses 5:18

Ja k'iejliyeyipe pa, 'esiji ka awoyeyi asnikanitieyejayi pi Sinia', 'yina niwak iyojonk'iye ka awoyeyi ti asa'am ti je jikakiuye pi Sijwajieti Jesús.

2 Tesalonicenses 1:3

I'lijwas, ajwelta ka jlam je iniwonaja ti sinikanitieyi awenaja'ni pi Sinia' astepe'e, 'yina ti je niliak kiaka ki jiwoyeyi siunie astankiujnieye ti 'es, jla'yi ni asemijnaye ti jlena'yi napo ijia as'lejwas 'neje, jlam yamjlijyi'n pet.

2 Tesalonicenses 2:13

Je paj ka iliki pet ti awok sinikanitiejayi pi Sinia' astepe'e, i'lijwas ti Saka'niona jlemijna'yase'm, lapakawo ti Sinia' jla'am ti ijniejiet'ase'm ta'a ka asama ka ananayi ka ajwaye. Ka lajak'i ki iyo pet jana jikimet ti 'es ti janak ti inlesana', it'imina ti insisie, jla'yi ni siunie ti ijiatk'i naka pet ti je jikakiuye.

Hebreos 13:15

Lapakawo ti naka ti it'imina ti ja jlomasa ti jayunitie pi Sinia' ti jayoki pet ji'niayija' pi Sijwajieti Jesús ni sonitieyi ti jayikiajlaja. ¡Jayunitieje siupuwa samtis jayonaja!

1 Pedro 2:5

Kiak woyeyi pit ti asa'am, niwojwana sisajasa siuniwa ajwel'ni, 'nakayi ti Sinia' janwo'ase ji'wukie. Jla'yi ti asama siunapo isis pa'yijis, jak je iyoyiji siuniwa jawoyeyi ti jawunitie, jawoyena'a 'ate siuniwa ti k'iejliyi ti tilianaja'n ti tekiajlaja pa Sinia' ti tiwoki ji'wajieta'. 'Yina Sinia' ja inkaja'a pet siunie jawonayi ti jawunitie, ti jantajla'm ni askiowe, 'yina ti po' pa Sijwajieti Jesús ti pak insisieyi.

1 Pedro 4:11

Siuti po' ni iyo jlamtikie', 'esiji ka niwakaye Sinia' jlamtis ti janamtiyi. Siunie Sinia' yikiaj'la pit ka noyeje napo a'lejwas, 'esiji ka inwa'asitieyiji'ni 'yina siunie ajweye yi'a ti Sinia' jlam ti yikiaj'la. Ja k'iejliyeyipe siupi jawoyeyi, siuti jawoyeyi siunapo i'nio' pak janwunitis pa Sinia'. Siunie ti jawunitie, woyeyi 'niayija' pa Sijwajieti Jesús, ti jla'am ti 'yu'we ti ka kiak tiwonaja, ka tonitie, siu'neje ni jijweye iyo, jajnok'i'ni. Amén.