Efesios 5:15 - Sinia' Jlamtis 1994

¹⁵ Jak je iyoyiji ti kiak awoyi, joskiyeyi. 'Yena siunie jiwoyeyi. Ká awoye 'ne'liasa, asosik tajanitie.

Efesios 5:15 ပူးပေါင်းရင်းမြစ်များ

Mateo 10:16

“¡'Yejne'n! Siuti ajloye jawoye'ate niwa 'wolepo' ti yi kiowe'e niwa k'iwajlas. Asosik enitiejyits'i'ni, niwonayi 'ate iyo ni injla, siu'neje ka aniwonayi 'ate niwa ojwos ti lajk'iyi pa ka ti'wenaja kanwo.

Mateo 25:2

Ijwienjli 'ni sikio' itij'we papo je inikiwalkit, ijwienjli 'ni sikio' itij'we 'neje papo laja'ni jlosikiejets'i.

Mateo 27:24

Pilato siuti i'wina ti je 'yakajle'n japok i'nio' kajeyepa ti wuj ti jwesis, sekyi'i ti t'ajlayi ki i'niat, ti jikioye ilij ti yine jitieyi'i japo. Sekyi'i iyoye 'ate: —Je ya'am ka itisa' siunie ja tiwonaja ti ja tiliana. Asa'am ti astes.

Mateo 27:4

ti iyo'ate: —Awoyi 'ni 'yake'. Ekialp'an ni i'nio' ka tiliana, 'yina ti laj jitisa'. Isiujlisie'ne pet ti iyoyits'i 'ate: —Nak je kasts'ajane, akimet a'am.

Mateo 8:4

Jesús kiak iyone'ni 'ate: —'Ye'en, ká ajwelna'a siukia jiwoyi. Janajataja jla'am ti ja ak, ti ja joyi ni pa'yi, ti jani'wenkine. 'Yina toni siupa jawo 'wajieta' pa Sinia' iyot'iyipi ka tiwoki pa Moisés, ja 'nakayeyijna'a ti ja wikie'eyeyi napo i'nio' ti jan'we'en ti netia'n ki iyo ki awet'ia.

Lucas 24:25

Sekyi'i Jesús kiakt'ipa iyonayipi: —¡Ijiatp'aneje ti int'oniejyi'n, ti jikakiunieyi siuniwa ijwi'il papo injwejlanawos t'ipi!

1 Corintios 14:20

I'lijwas, jlampet siunie jawoyeyi ape'e niwaka, ká awoye 'ate iyo napo kia'lis ni iyo ni jlosik. Jlampet siunie je 'es, jla'm ijiate jla'am ka kiak aniwonayiji ni jlosik iyo napo kia'lis. 'Yina siunie asosik wonayi'ate napo isijlijyi'n.

Gálatas 3:1

¡Ijiate wat ti 'ne'liats'ase'm, asa'am ti Galacia jlele'ase'm! Jlam'ne siuti 'eyasanajyi'n, 'yiniye ka ijiatayiji ka astate i'we'en pi Sijwajieti Jesús, sekyi'i ti intant'iejayiji, jla'yi ti 'yiniye ka 'wenayi ti yi'i japa cruz ti tik'iejwata'a. 'Es ti jik'iuyek'i'm, ¡'ye'en, 'nakayi 'yiniye ka poye paka aye'wuye ka 'neyasana', ti it'imina ti ikajyi'n siunie astankiujnieye ti 'es!

Gálatas 3:3

¿'Ne'liast'e ase'm? Jlam'ne i'nesieyi jana Sinia' jikimet ti 'nelanjie'e, ¡'nakayi jijwelaye'eje ka nakaye ni siunie ti taj'lase ti astankiujnieye ka nakaye ti ja insisieyi!

Efesios 5:2

Woyeyi ni asemijnaye, 'wena ká aniwonayi iyot'iyipi pa Sijwajieti ti kia'iyo wuj ti 'nama, it'imina'ne ti iniwe'n sitipe'e. Ti iniwojwa'n Sinia' ji'wajieta', iyoye'ate ni k'iejlitieje ti tiliana ti tiwunitieta pi Sinia', sekyi'i siu'nie jini ti yame pi Sinia' ti 'yakanit'ni pet.

Efesios 5:33

'Yina ja inwikie'eyeyi 'esiji ka i'namajayi jana ask'iemjla, wonayi 'ate ti jininemina'. Kia'iyojliyi pit jana asejnia je 'esiji ka je awoye lajaye ni ask'iemjla.

Filipenses 1:27

Po' siunie 'ejejie'nase'm ka woyeyi: awo'ate siupi ja k'iejliyeyi siupa jawoyeyi, 'wena ká 'asa'yi ape'e siunie iyo niwa jlamtis pa Sijwajieti, ti iyo ka woyeyi. 'Wanjliyijna'a ka kia'iwo ka je ijio'wase, ni'ne ka ijio'wase ka i'wina', 'yina ka najatajana'a jla'am ti ja ijie'yase ti jakinieyi ni siunie jiwoyeyi ti ijnojlie wita'm ni astankiujnieye jiwonayi. Nojwa'yi ape'e ti jinilana'yi ape'e ni siunie iyo ni sitienkiujnieye ti 'es.

Colosenses 1:9

Ta'a ti awoki naka ti ajieye'ase'ni, je aleki ti 'ajlanaja'ni ti ajwelaja ni Sinia', 'nakayi ti jan'we'nase'm wikie'eyi siuniwa asosik iyo ka 'najane, siu'neje niwa iyo ka intant'ieje, sekjane'yi ka intant'iejayijijna'a siunie Sinia' iyo.

Colosenses 4:5

'Ye'en, siu'neje ka anilesanayiji jitieyi'i napo i'nio' ti kakiujnietas. Ká akajyina japaka jlomaye.

1 Tesalonicenses 5:15

Joskiyeyi ja lajk'ipa ka intayiti pi jikiecha siuti k'iejliyi pi iyone ti je 'es. Ja 'wenajliyi ti ja injwesiejayiji'n siunie 'es ka akimayi, jla'yi ka ena'yi wikie'eyi napo i'nio'.

1 Timoteo 6:9

Jlampet siunapo i'nio' ijialas ka inkasaja je kia'iyo. Je to'm ilia'm naka inkajejlasaye siunie iyo ape'e 'ni ajnat, jak je iyoyiji yiyi ts'iji ijiatayiji ti inikajyi'n.

Hebreos 12:25

'Yina jak je iyoyiji ti awo'ate, joskiyeyi. Kima'yi ilia'm siunie ti po' ni ijwi'il niwaka. Siupapo i'nio' t'ipi ti je iyoyis lajaye siupa jla'lap pa Sinia' ti to'm ape'e japak tikijnaki t'ipi Sinaí, jiwet'ia po' papok i'nio' t'ipi. 'Yina sajma ijiatayiji siupa ja siwet'ia jawo siuti kiak jayoki ja ke iyok lajaye siunie jla'lap pi tamti ti tom poliyi.

Santiago 3:13

Siuti po' ni ti asa'am ti 'yije'en, jla'yi ti itiant'ieje siupi 'es siu'neje ni je 'es niwa wask'i'nelaja, 'esiji ka je inijweki ti jlam ti 'yakajli ti iyoyi ni 'es. 'Esiji ka je initoniti siunie iyo ni 'yijene.

1 Pedro 1:22

'Nakayi siuti jik'iuyeyi niwa Sinia' jlamtis ti ijiatk'i, sekyi'i ti je k'emijieta napo as'lejwas ti i'namajayi kajeyepa ti jilija niwa asosikis. Jak je iyoyiji'ni siuti janikimayi siunie asemijnaye, pejlati'n ni asjweye siu'neje ni asosik nayi wita'm ti jawoyeyi.

Apocalipsis 19:10

Sek 'opiyeyi kiajwe ja injlojwanik poli jlele ti ajwelta ka iyunit, 'yina je sen'na 'ate. Sek iyonk'i 'ate: —¡Kiak ká awonk'i! Sinia' jikawok'i'm jiwek pet, awo'ate jiwoyi, iyo'neje siunapo a'lejwas ti je iliyi ti ijwi'il ni Jesús. Jla'm ijiate ka awunit ni Sinia'. Kajeyepa ti siunie Jesús ji'lij iwijna'm, napoka jijwejlanawos pet iyoyisi pet jlamtikie' siunie Sinia' tajle.