Efesios 5:14 - Sinia' Jlamtis 1994

¹⁴ Jak je iyoyi ti kiak tiwoki 'ate: “'Ojwe'n, ti jima'a, tajli kiowe'e napo i'nio mases, 'yina Sijwajieti jankajanit'i ape'e.”

Efesios 5:14 ပူးပေါင်းရင်းမြစ်များ

Lucas 1:78

Siunie Sinia' wuj ti kasp'elisi'n, namets'eje siunie jloma ink'ie'

Lucas 15:24

Tepa jawo ka kiak je iwo ti siunie yas 'yalta'ne, 'nakayi 'wasa'n. Netian'ne, a'wena.” “Iyoyis'ne jiliakijnieyeja' ape'e.

Juan 8:12

Jesús iyonayi'iji 'ate japo i'nio': —Ya'am ti jika katesk'i'm napo i'nio' yi' ape'e 'ni ajnat. I'nio' ni jana'am ijyik'i ja ke int'iskiuniejejyinna'a ni ajnatiok, siojona kates in'wasankiye tajle janejyi.

Juan 9:5

'Esijyi ti ajli'ijyi 'ne ajnat'e, ti ya'am ti akajanit'i ape'e napo yi' ape'e 'ni ajnat.

Hechos 13:47

Lapakawo ti kia'iyo siunie iyo ka iyoki ni Saka'niona, ti jla'am ti iyo'ate: “Awojwa'n jika katesa' napo i'nio' siunapo je Judíojos, ka i'nechia ti ja jijwajietiye'a'm, ti ja akiji napo i'nio' siunapo ji'wet tose.”

Romanos 6:13

Ke ekiajlayi niwa 'asjwes ni siunie inke' ka 'nakayeyi ka inkiene ni siunie je 'es ka woyeyi. 'Yina jla'm ijiate jla'am siunie jawoyeyi ti janinekiajlayi ni Sinia' ti asa'am siunapo ti pajk'i ti iyo masesie' jitieyi'i ni siunie inke', 'nakayi siuti jlekiajlayi'ijyi ti in'wasanajyi'n. Ekiajlayi ni Sinia' niwa 'assienis, 'nakayi ti jantajieta pet siupa 'es ti jankijmajne'n.

1 Corintios 15:34

Apilieyi siunie jiwonayi ni asosik ti 'es, 'yina leyets'i siunie asoski'la, kajeyepa ti pot'e siupa ti asa'am ti je itiant'iejeje pa Sinia'. I'lij kiak ke iyone pa ti awojonk'iye ka 'yajwejlanatak'iji wita'm.

2 Corintios 4:6

'Yina je 'wena siunie Sinia' ti iyot'ipi 'ate, “'Esiji ka nak intajla'm ni jloma ni siunie ajnatiok”, naka 'neje ti jloma yijnits'i niwa sosikis, 'nakayi ti ja jatiant'iekiejeniti ni siunie k'iejliyi ni jijweye ti ijiate ti 'es, ti jla'al itie'e ni Sijwajieti jitiokio'.

Efesios 2:1

Ti mawat lajk'iyi paka woyeyi ti jleyejyi ni askakiujnieye, jla'yi ti jleyejyi ni aske', jiwoye masesie',

Efesios 2:5

siuti mawat je atajlaja ni sake', ijiate kasts'ajle'n kajeyepa ti awaki naka. Jlam ti kasjwajiet it'imina ti kas'wasajne'n 'neje, iyoye'ate siupi iyone pi Sijwajieti ti yikial pijia'm ti tajli pi a'no'.

Colosenses 3:1

Ijiatjliyi, siuti asa'am ti pajk'i ti jiniuyets'i kisie'e, ti injwanayeyi'i pi Sijwajieti ti jitiajlajyi pi a'no', woyeyipe astankiujnieyejayi siuniwa wask'i'nelaja ti isis ts'iji ti yi' poliyi, yi'i pa Sijwajieti, ti yiji'n jijweyeje pi Sinia'.

1 Tesalonicenses 5:6

Tempi it'imina ti je 'es ka imiakk'iji'n ka iyok'iate napo ijia i'nio'. 'Esiji ka 'yukk'iji'n, ja ke kaskiwali. 'Esiji ka iyoki ni siunie si'niayi ni tijnajyi.

2 Timoteo 1:10

Siuti Saka'niona Jesús nama ajnat'e, kiakayi'ne ti 'yakajanitk'i siunie jlemijnaye ti yints'e'm. Sijwajieti jlam ti initiajnat ni jijweye iyo jana 'najlati, 'yina ka lajak'i niwak Sinia' jlamtis ti isis ti tijwela, niwaka'ne ti ition kisie'e, janak in'wasankiye ti laj jlaja.

2 Timoteo 2:26

'yiniye ka jiwekie'eja ka int'ok'ijyi'n, ka ini'yakajni ti yiji jana jikatsala ni imosik ti iyotaja paka iwone, siupi iyo kawone.