Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efesios 5:11 - Sinia' Jlamtis 1994

11 Ká ani'notieyi niwaka jikeyis jiniliaja napo i'nio', ti tajle ni ajnatiok, 'yina 'wenajliyi ti jakajanitie ape'e niwaka.

အခန်းကိုကြည့်ပါ။ ကော်ပီ




Efesios 5:11
48 ပူးပေါင်းရင်းမြစ်များ  

“Siunie akiecha ti po' ni je 'es ni iyo'na, joyi jwankite'n, jwejla'm siunie ti je 'esk'i iyo'na. Siuti jank'iu'wa'm, ijiate naka ti jikajle'n ni akiecha.


Kia'iyo ijliuyetaja siupa anechiyas Herodes ti 'yuyi'ni japa jijwelis Herodías, ji'yini k'iemjla, 'etsaka 'neje siupuwa jloski'la ti iyoyi.


'Nakayeyijna'a ka 'yiniyijna'a ka 'ajlinitiamk'i niwa jitiete siunie iyo ti yiji na ajnatiok, sekjane'yi ka neyeyisinie'e pet na jloma; jla'yi ti janleyisi ka ineyis kiajwe ni imosik jijweye iyo, 'wenajlitieje jla'am ka neyis kiajwe pa Sinia'; 'nakayijna'a ka initiajnat niwa jikeyis, siu'neje ka ji'niayi poye ka ijnojwa'm siunapo isis Sinia' jilis, ka tiwoktana'a ji'wajietiye, lapakawo ti nakaye jla'am ti jant'emina ti ja ke sakakiuyis”.


Yam'niji siukia ajnaj, majleye pet ilia'm siunie jloma, 'esiji ka iliki siuniwa sakeyis ti tajle pet ni ajnaj. 'Esiji ka yina'ak'i siuniwa sikio' jlele tejeye pet ni inwak awaki ti awaki ni jloma, iyoye'ate ni ijiawo.


I'lijwas, jwajla'a ni jayo'nase ti jayo'ate, ti 'esiji ka joskiyeyi ti iyotaja ka inkajyina'a siuniwa askiojwa'l ti ijwienjlik'i. 'Yina ti iyotaja ka akamajiam'ni siuniwa taka'neyasane, ti 'wenayiji je iyo'ate siunie ti 'nelanjie'e jipe'yaye ti yi'ase: ká aninajayiji napoka.


'Yina ¿tent'ipi siupa 'es ji'wena' ti jiwoyeyi niwaka askeyis ti i'najwejlanatats'i wita'm, ti nakata jla'am ti ijnoyeyiji jana 'najlati?


'Yina kia'iyo'ni pet, siunie ti wuj ti iyoyi siuniwa ti jla'am ti tajle ti itiliaja ka woyi, ijiate yamjliyi pet siunie jiliayeja'. Jlampet siunie iyoyi siunie iyo janak Sinia' jikimet, kiak jawo'ojyi pet jankajliji pet siunie tajla'm janak Sinia' jikimet, janaka ji'wasankiye ti laj jlaja.


'Esiji ka leyets'i siu'niwa askeyis ti paj, lana'yi siunie astankiujnieye 'yusie ti ji'niayi je itio'yi, jla'yi ti niwak inkajyina siuniwa wask'i'nelaja ti inteliajayi ka woyeyi ti je isis.


'Wanjliyi je awo ka ijwi'il siuniwa ti wuj ti je isis ti ijwikis, jeyi kajeyepa ti ts'ajwejle.


Sekjane'yi ja inkasajyi'n, asnikanitieyi jawenayi pi Sinia', siuti jla'am ti inlesanats'i, ti itiejiete'n k'iye ka neye askiojyi siojona ti 'yotat k'iye siunapo jilis ti yiji nak kates jla'al.


Ti imiak'iji'n napo, kajeyepa ti yiji pet ni ajnaj. Siunapo ijiujme'n, ajnaj ti i'yayis.


Siuti po' ni akiecha ti je its'iuyi ti je iyo lajaye siunie 'eyasanayi, siunie yi'i 'ni sip'esinik ti ajlok'iase, 'ye'en ni akiecha ni iniwoneje; siuti je inteliaja leyeyi ti jlekiets'ijin'ni ti jiwoye asa'yija. Siuti kiak jawone ja wujwana'a ti ja 'najwel jitipe'e jla'am.


I'lijwas, siuti jlam je aniwonaja wek siu'nie awoki, kajeyepa ti Saka'niona yikialts'e pet ka ijliuk'i astepe'e. Ijiatjliyi siuti po' ni sikiecha ti je ats'ilkaja ni jikijmaye, siu'neje ni je iyoyi ka inki'me siunie inka'neyasajnaye ti 'eyasanataja, leyeyi ti jikinieyets'ijin'ni.


Siunapo ti jla'm ijiateje ti je iliyi ti iyoyi ni jike', napok ja ene jitieyi'i napo Sinia' jilis napo paj ti jajloye ka ileyi ti iyo siupi jike' iyone, 'nakayi ti jan'we'en napo ijia, sekjane'yi ka je injweyek'ina'a naka.


Ke inesi'lie'yi paka akioye e'n ape'e, 'lojwinie'e ka alaye inoj wita'm siuka iwotajanie'e ni jike'. Ke anine'nate ka ijno'wa siunie je 'es.


Laj jlaja ti tejets'i wita'm, 'yina napoka napo ti initiajnat naka ni jlosik ti 'es, netia'n ki iyo ti 'yijene naka ijiatk'i. Ijwilayis ka ijiatayiji ka 'esieyi ka 'naka siunie kan'yakanisi ti iyoyisi siunie jitienkiujnieye ti 'es.


jawoyeyinie'e siunie jawoyi, ti janjwelis ka iwoyisi niwa Sinia' jlamtis, 'yina siunie jikijmaye iyonisi nak ja'nakanit'i ape'e ti jlajma iwo ka ijiatayi ka nakaye jijweye iyo niwa Sinia' jlamtis. Joskiye napoka i'nio', 'esiji ka anitonitiape'n.


'Esiji ka woyi siunie ajloye'a'm, 'esiji ka woyi amtikie' niwa Sinia' jlamtis. Siuti po' jana jloma ti a'wet poyi wata'a, siuti ja laja a'wetayi ejlo'o wek. 'Yina ja inwakal jiwekie'e. Lesaniji siunie jlamtiyi k'iye napo i'nio', 'nakayi ti jan'wenis pet ti ijiate siunie jiwoyi. Wo jlosikie', jalaskine, ke ineyate'e siuti jit'iyasajne'n.


'Niwaka ti jaka'neyasane. Kajanit ki iyo ni ajweye ti tekiajla'a pit, jalaskini ni 'es ka woyi, jloye ka leyi ti iyo ni je 'es. Je 'es ka je tiwok ajaye, 'esiji ka ink'iu'wa'm.


Sekyi'i ape'yayeyi'ijyi pi jla'lap pi tom poliyi ti iyo'ate: “Asa'am ti ika kia'lits'ase'm pet, tajlajia'm janak isi', 'nakayi ti ja ke anoyeyeje siunie jike' ti iyoyi, siu'neje ti aslaye ja ke inoyeyi wita'm ka kia'iwotajanie'e ka netiejenie'e ni ja jiwet'ia jawoyi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ