Efesios 5:10 - Sinia' Jlamtis 1994

¹⁰ Jalasa ka woyeyi siunie Saka'niona yimi'n ka woyeyi.

Efesios 5:10 ပူးပေါင်းရင်းမြစ်များ

Romanos 14:18

Jak je iyoyiji siunie i'nio' ti iyoyi niwaka, ti iniuyeje ni Sijwajieti, 'yina 'yakanit'ni ni Sinia', jak je iyoyiji pet siunapo i'nio' iyoyis pet 'ate, “Jla'm ijiate ti 'es.”

Filipenses 1:10

Ja'nakayeyi ti jawoyejyi'n siunie ijiate ti 'es. 'Yina ti kiak janiwonayi, siojona jloma ja'nesi pa Sijwajieti ti janapimet, ja ke k'iejliyeyijna'a pa ka je injweye'yi ape'e, kajeyepa ti ja lajak'i paka astes iwo.

Filipenses 4:18

Kajeyepa ti pajk'i ti yi' isiojyi siunie ti jijliuyek'i, 'yina 'etsaka 'yaka'm itipe'e janaka. Siojokia jiwenajia'm ni sikiecha Epafrodito ti jijliuyek'i, ya'am awo'ate 'etsaka ti a'yena. Nak a'yejnap siunie jini inkajk'i, ti tiwoki ji'wajieta' pa Sinia', ti wuj ti 'yakanit'ni pi Sinia'.

Colosenses 1:10

Jak je iyoyiji siuti kiak jawoyeyi, sekjane'yi jawoyeyi siunie ji'niayi iyo napoka Saka'niona jilis, jla'yi ti janikanitie'ni ti kiak jawoyeyi ti jawoyeyi siunie 'es, ti jantajla'm siunie askijmaye. Sekjane'yi ka ijiatayijna'a ka intant'iejayi ti jla'am pi Sinia'.

1 Tesalonicenses 5:21

'Esiji ka wujwa ka'yena niwaka ti kia'iyo, siuti ja'wena ti 'es ti jajejlitayi, niwak kimayi.

1 Timoteo 2:3

Jla'm ijiate wek jla'am naka ti 'es, kajeyepa ti 'yakanit'ni pet ni Sinia' ti Sijwajieti.

1 Timoteo 5:4

Siuti jilis po', ni'ne ka jikichasa' papo ka poye, janapokaye ti jani'neyasane ka inkimts'e ka'yenisie japa jletis wikie'eyi pi ji'wet. Nak 'esk'i'ne, 'yina ti naka ti Saka'niona yimink'i. Siuti kiak janwonisi, kajeyepa ti yiyeyi pit ti jan'yena japa jletis iyont'iyipi pet ti i'yena papo jilis.

Hebreos 12:28

Awo'ate, siunie Sinia' iwints'e'm ni jika anechijiayas nak je paj pet ka'wesi. Ijiatayijia'm pa Sinia', 'yina 'yu'we ka kiak iyonaja siunie iyo ka tiwonaja, ti ja ijiunitie siu'neje ti ja ke kasjweye.

1 Pedro 2:20

Jak je iyoyi ti jiwoyeyi pa je 'es, sekyi'i ti aska anechiyasas isieye'asejme ti nak itiajlat'ase'm, ijiate 'wanjliyi ka ini'netie'yi ti janilayitieyi 'yina jlajmi wek ti janilana'yi ape'e. Jla'am je iyoyeyi pit ti jant'emi'nase naka ni 'es ti jiwoyeyi, nak ijiate jla'am ti laja po', Sinia' ijnonitieyi pet naka.

1 Pedro 2:5

Kiak woyeyi pit ti asa'am, niwojwana sisajasa siuniwa ajwel'ni, 'nakayi ti Sinia' janwo'ase ji'wukie. Jla'yi ti asama siunapo isis pa'yijis, jak je iyoyiji siuniwa jawoyeyi ti jawunitie, jawoyena'a 'ate siuniwa ti k'iejliyi ti tilianaja'n ti tekiajlaja pa Sinia' ti tiwoki ji'wajieta'. 'Yina Sinia' ja inkaja'a pet siunie jawonayi ti jawunitie, ti jantajla'm ni askiowe, 'yina ti po' pa Sijwajieti Jesús ti pak insisieyi.