Efesios 4:30 - Sinia' Jlamtis 1994

³⁰ Siuti kiak iyo, je jikanitie'ni jana Sinia' jikimet ti 'es, 'yina janak ti inkajanitie ti ijiate ni nak aska'niona ni Sinia'. Janaka 'neje ti ja insisieyi ka netiejenie'e janak jloma ti asjwajieti yiji.

Efesios 4:30 ပူးပေါင်းရင်းမြစ်များ

Marcos 3:5

Jesús jwesie ti i'yenaja'n papo i'nio' tijwajiape'n, 'yina je ikanit'ni siupa ti je its'iuyisie ti ijwiltaja'm. Sekyi'i iyone'ne 'ate pa i'nio': —'Akajni ni akio'. Kiak iyonayi. 'Yina yaka jla'm iwo ti 'esieyiji ti ijniejieti ti 'yitk'i pa jikio'.

Lucas 21:28

Jlampa ijnejlitieyi'nina'a ka 'nakaj niwaka, ¡ka sek atajlaye'yina'a pet ti jani'netie'yi ape'e, ka anejiena'ats'i pijia'm niwa asete'l, kajeyepa ti ja ke tojwa'a ti ja ajwaye!

Juan 3:33

Siunie i'nio' je 'yakakiu, nak 'yakajanit siuniwa Sinia' jlamtis ti ijiatk'i siunie iyoyi.

Hechos 7:51

Esteban jlam yinjliyi ape'e ti iyo'ate: —¡Wuj wata'a ti int'onie! ¡Ask'iote poyeta ti je wo ka k'iuyeyi pa Sinia'! ¡Asosik iyo'ate siunapo i'nio' je itiant'ieje pa Sinia'! ¡Jitieye'yi ilia'm japa Sinia' jikimet ti 'es, 'wena je jloye'yi papo asnawot t'ipi!

Romanos 8:11

Siuti siojona Sinia' jikimet siojona ti iniujwa'n kisie'e pa Jesús jane aswa'm, janaka'ne jana ti janekial pijia'm niwak 'assienis ti je t'o'n, kajeyepa ti janakaye jla'am siojona Sinia' jikimet ti yi' aswa'm.

Romanos 8:23

'Yina je nakata siunie Sinia' jilisanik, ka kiak iwo'ate jana asejnia ti ijliak'al'ni, ti sa'am pet ti po' siojona Sinia' jikimet ti yits'e ti janak iniajnatts'e ta'a, ti tajle janak siojona janwents'e'm ka netiejenie'e janak jloma. 'Yina a'tiek'i siunie iyo ti anilayitieje, lapakawo ti anejejwiyejenk'iye ka ijiatayiji pa Sinia' ka iwo jilisats'eme, jla'yi ka injwajiete'n 'niwa ts'isienis.

1 Corintios 1:30

Ijiate pa Sinia' ti jla'am ti ijnotieyi wita'm pa Sijwajieti Jesús. 'Yina ti jla'am ti saka 'najankijnieye, jla'yi ti jla'am pi Sijwajieti ti it'imina ti Sinia' kasp'elisijne'n. Sekyi'i isiwaliyi'i ki sitis iyoyi, siu'neje ti it'imina ti kasts'isis jitieyi'i ni Sinia'. Jla'yi ti jla'am ti initojmat sitipe'e, it'iminayi ti ajwaye.

1 Corintios 15:54

Ka kas'wujienajtaje siunie ti t'o'n ti sa'am ti je kast'o'n ti inlesajnats'e'm, siu'neje ka ti'wujienajtaje siunie ti je paj ka 'na'al niwa ts'isienis, sekjane'yi ka inkajak'iyijna'a ti yiyi siunie k'ie ti iyot'iyipi niwa inamtis, ti iyo'ate, “Titietaja isia'm jakia 'najlati, lajk'ipa.”

1 Tesalonicenses 5:19

Ká 'ojmata'yi ni jla'al jana Sinia' jikimet ti yiye aswa'm.

Hebreos 10:29

'Yina ¿jijwelat'e ka Sinia' intasa'nena'a siunie ti iyo jiliakikie ni jlas, ijiate ti je iyo lajaye siunie ji'woyis, siu'neje ti iliaki siojona Sinia' jikimet ti 'es ti yiminta wek jla'am? ¡Je'e, ja ke intasa'ne! Ka je iwo pa ti siunie 'woyis naka ti 'yakajanitk'iyi siunie Sinia' ji'lij ti iliyi siunie janwoyi ti janwats'ilati siukia iyopi 'yina ink'ie' siunie janwoyi, 'yina naka ti i'mienit ni i'nio' ti Sinia' 'yotat.

Hebreos 3:10

Tempi it'imina ti sijwesiajampe kiapoka i'nio', sekyi'i ti awoyepe 'ate: Paja paka iwoyisi ti je ijyiwitisi siunie sitiliaja ka iwoyisi.

Hebreos 3:17

¿Tent'i'nejepe siupapo ti Sinia' jiwak yi'ne paj ti cuaréntaja puwa najkapis? Papoka ti iyo jikeyisa', papoka 'neje ti no'we ti 'yajle'n yi'i pa ajnat ti laj i'nioye'e.