Efesios 4:25 - Sinia' Jlamtis 1994

²⁵ Leyets'i siunie ti jiwoye sintijyisa', jiwoye sintijyisaja'm ni askiecha pi k'iejliyi ti jiwoyeyi, jlam'ne ts'isie'n ijwienjlik'i, jijwalts'em'ne peyit siunie Sijwajieti t'ajwes.

Efesios 4:25 ပူးပေါင်းရင်းမြစ်များ

Juan 8:44

Imosik jilists'ase'm, siuti jitiajlayi, it'imina ti jiwoyeyi siunie iyo kanwo. Siunie imosik ti 'nelanjie'e ta'a ti tajlap'e ti iyo kalankijietaja, je paj ka ijiatak'i pa kanwo, lapakawo ti ijiateje ti yinjlajap siunie je ijiatk'i jitiowiji. Siuti ijwilata siuniwa sintijieyis, 'yakaja'a ti jla'am, jla'yi ti jla'am ti jinia' niwak sintijieyis.

Romanos 12:5

Sam pet ti Sinia' jilists'e'm kiak awoki. 'Wanjliyi kas'lojwata, 'yina ani'nopijietak'i wita'm, sekyi'i ti kasjwanjliyek'i.

1 Corintios 10:17

'Yina 'wanjliyi kas'lojwata, lapakawo ti ijwienjli siunie t'isie'n, kajeyepa ti anikijwana ti atowajata ni woye ijwienjli.

2 Corintios 7:14

Pajk'ipe ti ajwejla'm ja Tito ti ya'am wuj ti ate'mase, 'yina i'wi'in ti jlam je awoyi. Ijiatk'i siu'nie awoyi, mejla'a ka je 'najanayi paka awonayi siunie awoyi ti ijiatk'i jla'am ni ajwe'lase'm. 'Yina kiak iyoyiyi pet siukia awonepi ja Tito, ti awone 'ate, “'Wanjliyi jlosik po' siojopo si'lijwas Corinto jlele”, 'yina 'yakaja'a ti ijiatk'i naka.

Efesios 4:15

Ja 'wenajliyeyi ti janiukk'i siunie iniu'we ni 'es ja kasts'amaja napo si'lijwas, 'nakayi ka jla'm inekjlinie'e pet siunie awoki. Sek jane'yi ka ijiatayijijna'a ka kasjwanjliyik'i pa Sijwajieti, ti jlam ti jletik wikie'eyi napo Sinia' jilis.

Efesios 4:22

'Esiji ka leyets'i siu'niwa askeyis ti paj, lana'yi siunie astankiujnieye 'yusie ti ji'niayi je itio'yi, jla'yi ti niwak inkajyina siuniwa wask'i'nelaja ti inteliajayi ka woyeyi ti je isis.

Efesios 4:31

Leyeyi siuniwa ti iyo asjlak'aliye, siunie aswak, siu'neje ni ti jleyeyijits'i napo as'lejwas ni siunie iyo, jla'yi ti jisilajiam'ni napo as'lejwas, siu'neje ti ine'wayajamk'i.

Efesios 5:30

Lapakawo ti napoka ti t'ajwes, 'yina ti sa'am nak atajlaja pit.

Colosenses 3:8

'Nakayi 'esiji ka leyeyi ti injwesisa', siu'neje na ti ine'waja'm ni akiecha, siu'neje na ti jlamti ni akiecha, siu'neje niwa asamtis jiniliaja.

Colosenses 3:9

Ká aninekiajlayi siuniwa aska sintijieyis, jlam'ne pajk'i ti jijwayejyi siunie iyo ni askiowe 'yusie, siu'neje kiwa askeyis ti pajk'i.

1 Timoteo 1:10

siu'neje napo 'yu'ni, siu'neje napo iyoyi ni je 'es ti ayijniesk'i wita'm, siu'neje napo i'nio' ti isi'mik'i napo ijia ti iyo jikipijnasa', siuti iwin'ni wikiniet'aj ikajlayiji. Kia'iyojliyi siunapo sintijyis, siu'neje napo ti ijwil ti ijiate siupi iyo ti ijwil kan'wenis, jlam'ne je ijiatk'i; napoka napo ijiate ti 'yakaja'a pet ti teje'yi ilia'm naka ni siunie 'es inka'neyasajnaye ni tajle pi Sinia'.

1 Timoteo 4:2

Jank'iuyeyisijna'a siunapo ti jank'emijiet, siupi janwone, siu'neje napo sintijyis. Napoka siunapo ti ja jlosik ja netia'n, ja ke 'najane pa kanwone ti ent'a 'es ni'ne ka je 'esie siunie iyoyisi.

Tito 1:12

Creta jlelejimpe paka ti iyo'ate ti ijwi'il papo ijia tajla'm, “Jlam kia'iyo napoka Creta jlele, sintijyis, iyo'ate siuniwa pini' yi 'lajni ti jwesis, jlak je iliatk'iji'n, jla'yi ti kajlojoties.”

Tito 1:2

'Naka siunie awoki ti je niliak, tajle naka ti ijiate ti 'yaka ti anejejwiyejenk'iye, ti kasjatoni jana si'wasankiye ti t'o'n. Si'wasankiye siojona ti Sinia' pajk'i ti ijwi'il ti 'nelanjie'e lajlik'iji pa 'ni ajnat. Sinia' je nak i'nio' ti iyo sintiye.

Hebreos 12:1

Jak je iyoyiji siuti 'yiniye ka iwiek jikiowe'e napoka i'nio' t'ipi ti 'loj ti inikajaniti siunie jitienkiujnieye ti 'es ti je 'yakakiu pa Sinia', 'esiji ka ijiutie kiu wat ts'ijiye siuniwa wask'i'nelaja kast'ajaniti'n, siu'neje ni sake' ti akapajlaja'ni. 'Esiji ka je inilakik siunie awoki ti 'osiye'ni ni atayeje.

Santiago 1:21

It'imina ti awo'nase 'ate: leyeyi wikie'eyi siunie ni ijiate ti jit'iojli po', siu'neje niwa wuj ti je isis. 'Yina nijlasata'yi isia'm, siuti jikima'yi niwa Sinia' jlamtis ti jisiliaki yijinits'i niwa asosikis, 'yina niwak siuniwa jlamtis jijweye po' ka injwajieta.

1 Pedro 2:1

Naka'ne ti kiak awo'nase, leyeyi wikie'eyi siuniwa je isis, siunie ti jik'emijieta napo as'lejwas. Ká anitewijnatayik'i siunapo i'nio' ijwil kanses, ajolsinaye ke e'ne ni akiecha, ataj ká ajotie ni akiecha.

Apocalipsis 21:8

Jlampet siunapo ti t'otale je t'ojni'n, siu'neje napo kakiujnietas, siunapo ti ijiat ti 'yakama ape'e niwa jikeyis ti je isis; siunapo i'nio' kalankijietas siu'neje napo ijia jwa'yis jiwos, siu'neje napo ti iniwojwa'n aye'wulisie', siu'neje napo ti jitiej iyoma niwa k'iejliyi ti iyoyi jika diosisa'; siunapo ti sintijyis, 'yina wikie'eyi napoka ti jajnoyi siunie jwat ti isa ape'e ti iyo'ate ni tewuk iliyi ti yat'e azufre. Naka jana 'najlati ti tomik'i siojona inia'an.

Apocalipsis 22:15

Jlampet siunapo ti ijiate ti je isisi ti iyoyi ni siunie je 'es, ja 'wanjliyek'i kisie'e, siu'neje napo ti iniwojwa'n aye'wulisie', siu'neje napo ijia jwa'yis jiwos, siunapo kalankijietas, siu'neje napo ti jitiej iyoma siuniwa iyo jika diosisa', wikie'eyi 'neje siunapo ti yimi'n ti ik'emijietk'i napo ijia.