Efesios 4:18 - Sinia' Jlamtis 1994

¹⁸ itiusina ape'e ni jlosik iyo. 'Yina siojona ji'wasankiye ti Sinia' iwijna'm napo jilis je tijna'yi, kajeyepa ti je itiant'iejesi pa Sinia' jla'yi ti t'o'n ni jlosik.

Efesios 4:18 ပူးပေါင်းရင်းမြစ်များ

Mateo 13:15

Siunapo i'nio' t'o'n ni jlosik iyo, t'ojyits'i niwa jik'iote tiojwa'l, je 'alk'i ape'e niwa jitiete. Kajeyepa ti je iyo kank'iuyisie, jla'yi ti je iyo kan'wenis ka 'najanisi, 'nakayeyijna'a ti ja ke iwo jlosikis ink'iejyisa', ka napilisk'i ka ijwiejiete'n.”

Marcos 3:5

Jesús jwesie ti i'yenaja'n papo i'nio' tijwajiape'n, 'yina je ikanit'ni siupa ti je its'iuyisie ti ijwiltaja'm. Sekyi'i iyone'ne 'ate pa i'nio': —'Akajni ni akio'. Kiak iyonayi. 'Yina yaka jla'm iwo ti 'esieyiji ti ijniejieti ti 'yitk'i pa jikio'.

Juan 12:40

“Sinia' iyojwa'n talojoye, jla'yi siupi iyone ti it'iunit'i papo ka ijnewiteje pa jlosik, ja'nakayeyi ti ja ke in'wejne'n, siu'neje ti ja ke 'najajne'n, ja'nakayeyi ti ja ke inapik'i, ka ijwiejiete pi jiliaye iyo.”

Hechos 17:30

Ti pajk'i pa Sinia' yine'ate papo i'nio' siupa iniwonisi, 'yaka je wuj kan'ye'en. 'Nakayi je kia'iyo, 'wenajliyi ti iyo ka iwo jlosikis ink'iejyisa', wikie'eyi napo i'nio' yi' ape'e 'ni ajnat.

Hechos 3:17

“I'lijwas, je sit'iayiji'n ti asa'am jla'yi napo aska anechiyasas ti jiwoyeyipi ka alana ki Saka'niona, ijiate ti lajk'iyipa ka awoyeyi ka akiowe awonayi.

Romanos 1:28

Siuti kia'iyo ti je iyoyisink'iye ka intant'iejesi ni Sinia', 'yina sekyi'i ti ijiutieyi ni siunie jitienkiujnieye ti ti'niachiki 'nakayi ti jawoyisi siunie ti je ti'wena ka tiwoki ti ijiate ti je 'yu'we.

Romanos 11:25

I'lijwas, po' siunie Sinia' 'yakajanitk'i'm ti awotajank'iye pet ka ijwi'lase'm, 'nakayi ti ja lajak'i pet pa ka ijwel ka ijiatayiji ka 'naja'n ti asa'am. 'Naka 'ni siu'nie: ti Israel jika kia'lis jwajla'a ti int'onit kawoyi ni siunie iyo ni Sinia', 'nakayi ti siunapo je Judíojos ja pajlataja'm pet siunie injwajieti.

Romanos 11:7

¿Tepi iyo ti kia'iyo? Ti siuti Israel jika kia'lis je i'winis ni siunie iyoyistajajyin'ni, 'yina napokata jla'am napo 'nak nojwaja'm jiwek ti Sinia' ti jla'am ti ijniejiet'e ti i'winis. Jlampet siunapo ijia wuj ti t'o'n ni jlosik iyo,

Romanos 2:19

Lapakawo ti je jinijnape'n ti jikajli ka ama ka 'najne'n k'iye napo talojo', jla'yi ti jikajli ti jiwone 'ate iyo siojona kates k'iye siunapo yiji ni ajnaj,

1 Corintios 1:21

Kajeyepa siunie Sinia' ti 'yije'en, iyonayi ni iyone ti ijiate ti je yimink'i napo 'yijejne'n siunie iyo ni 'yijenisi pet, ka siunapo i'nio' yi' ape'e 'ni ajnat ka je 'najanisi, 'wanjliyi kan'wenis. 'Yina napokataja jla'am siunapo je takakiunisi niwa jlamtis ti iyo jlosik ink'ieye, ti je ijiulsijna'm ka 'esieyi niwaka jlamtis, 'nakayi ti janjwajyi'n, 'wanjliyi ka kia'iwo napo i'nio' ka je iwo lajaye naka inamtik.

1 Corintios 2:8

Niwaka ni siuniwa ajwel'ni napo i'nio' ti iyo anechiyasisa' je itiant'ieje. 'Yina siut'itie ka intant'ieje, ka kiak iwoyetaja ka je ink'iejwatits'i japa cruz pi Sijwajieti, ti jla'am ti tajle nak injweye.

2 Corintios 3:14

Kajeyepa siupa ajnatiok itij'w ape'e siupa jlosik papo i'nio' t'ipi, it'imint'iyijpe ti je itijnisisie siupa iyot'iyipi. Yamjliyi ti kia'iyo siupapo jilis t'ipi papoka, 'wanjliyi kan'yenis niwa Sinia' jlamtis ti yi'i ni paj imp'esinik, 'yina je itiant'iejesi siunie yi'i, kajeyepa ti 'yiniye ka poye pa ka imp'o'n ape'e siunie jlosik. 'Yina naka'ne ni siunie tomk'iye, paka 'najanisi paka iwonisi, 'yina lajk'iji pa ka ilank'i ape'e siunie yi' ape'e ni jitiokio', ijwienjli jla'am pa Sijwajieti ti i'nio' 'esi ti kia'iyo.

2 Corintios 4:4

'Yina 'yakakiuyis, siunie ajnat jinia' iyojwa'n talojoye siuniwa iyo niwa jlosikis, ti iyo ka je i'we'en ki iyo ni jla'al ti ijiate ti 'esi, naka inka'niye ti 'es, ti ijwi'il ni jijweye ni Sijwajieti ti jla'am ti Sinia' jipe'el.

Gálatas 4:8

Ti pajk'i asa'am je intant'iejayi pi Sinia', puwakata t'ipi jla'am siupuwa jijwela ka diosisa', 'yina je ijiat ka diosisa', ti iyo jikipijnasa'ase'm.

Efesios 2:1

Ti mawat lajk'iyi paka woyeyi ti jleyejyi ni askakiujnieye, jla'yi ti jleyejyi ni aske', jiwoye masesie',

Efesios 2:12

Kiwak jlomas ti Sijwajieti je yi'asap, 'wena'asem'ne ki iyo napo Sinia' jika kia'lis pet. Napo Israel jlele intojwajiape'n, jak je iyo siunie iyot'iyipi pa Sinia' ti iyone papo jika kia'lis je asa'am ka ijna'yase'm. Je intant'iejayi siunie ti ijiate ti Sinia', jak je iyoyiji ka poye paka woyeyi ka asnejejwiyeyi poye, ti jleye'yi siu'nie ajnat.

Colosenses 1:21

Siukiwa jlomas ti pajk'i 'wena'aseme, 'yina yijits'i niwa asosikis ti jitieye'yi ilia'm pi Sinia', kajeyepa ti jit'iuye'yi siunie ti ijiate ti je 'esi.

1 Tesalonicenses 4:5

Je 'es ka woyeyi ni siunie ti asa'am ti inteliajayi ka woyeyi, ti je injweyeyijits'i'ni ka woyeyi ni siunie je 'es, iyo napo i'nio' ti ijiateje ti 'wanjli witame ti je itiant'iejesi pi Sinia'.

Hebreos 5:2

Siuti kia'iyo pit ti jitiej 'wanjle'e ni jijliak'ali napo i'nio', 'yina je t'ayiji'n siunie jawone siunapo ti lajk'iyi pa ka iwo ti je 'yijejne'n, siu'neje napo ti netiajne'n, ti wuj ti jikap'ijliuskiye yi'ne.

Hebreos 9:7

Jlampet siojopa tome jik'ioyi, pakata jla'm pa pa'yijis jika anechiyas wuj ti 'alk'iye ti sek 'yu'yi'ni ti iyoyi pi jikijmaye, siuti yik'i pa najkap ijwienjliyiji'ni jiwekie'e ti 'yu kiajwe. Jak je iyoyiji ti 'yuyeta paka'a, siupa pa'yijis jika anechiyas wuj, siupa ji'woyis puwaka ti tilianaja'ni ti takat'ini ape'e siupuwa ti jla'am ti jikeyis, jikeyis 'neje papo i'nio' siupuwa ti jitiej je wujk'iji'n ka 'nakaja ti iyoyi.

Santiago 4:4

¡Ijiate wat ti asa'am ti je insisiek'iye ni Sinia'! ¿Jet'i 'najanayi ti siunie itiliaja niwak wask'i'nelaja yi'i 'ni ajnat teje'yi ilia'm ni Sinia'? Siuti po' ni iyo ka t'ajajnajwaye 'ni ajnat nak iyo pet ka inta'yi ilia'm pi Sinia'.

1 Pedro 1:14

Siuti asa'am ti Sinia' jilists'ase'm, ti jik'iuyeyi siunie iyo ka woyi, je 'es ka apilieyiji niwak siuniwa inteliajayijpe ti jijwela kanses, ti je intant'iejayi ni Saka'niona Jesús.

1 Jn 2:11

I'nio' ni ne'waja'm ni jikiecha, nak je tajli ni ajnatiok, jlam yikiajlaja'ni. Je 'yijenayi pi jantajyi, 'yaka ajnatiok iyojwa'n talokie'.