Efesios 4:17 - Sinia' Jlamtis 1994

¹⁷ Siu'nie jayo'nase, ti jajliu'wase'm, ya'am ti Saka'niona ji'lij iliyi ijiap, wuj ti 'ejie'nase'm ka je akiniejets'i siunie jike' iyoyi napoka ti je tajliyi ni siunie je 'es. Ti ijiate ti iyoyis jlajaye ni jitienkiujnieye, jlam'ne je iniuyeje paka ne'yi pa, kajeyepa ti je 'es,

Efesios 4:17 ပူးပေါင်းရင်းမြစ်များ

Lucas 16:28

ijwienjli sikio' itij'we japo i'niayi ijwienjliyi sekyi'i, japoka'ne japo ka 'esieyiji ka injloye'ni ka 'najanisi pet ti je 'esiji ka 'nak ijnoyits'i, siu'nie ji'wet 'ni inlaye.

Hechos 14:15

—I'lijwas, ¿yot'iyi'ni ti kiak jiwoyeyi? I'niolts'e'm awok'iate jiwoyeyi. Niwak it'imina ti 'nak ajok'i, ti awok samtikie' niwa Sinia' jlamtis ka leyeyi niwaka ti je i'manitie. Ataj womayi jla'am pa Sinia' ti laj jlaja, ti jilisanik ni poli jla'yi 'ni ajnat, jilisanik ni i'niat lajlik'i, wikie'eyi siuniwa jlele.

Hechos 18:5

Silas jla'yi ja Timoteo 'nes'ni 'ne ti tajlis Macedóniaja, sekyi'i ti Pablo iliyeyi ti isima puwa 'nejes, pajataja jla'am ti 'yu'we ti iyoye'ni jlamtikie', ti ijwil pa Jesús, ti pak Injwajieti ti Sinia' jijliujwanik.

Hechos 2:40

Pa'a ja Pedro ti tamti, sekyi'i ti kiak t'ipa iyoyeyipi ti ijliuye papo: —¡Tajlayi napok i'nio' ti je isis! ¡Nijwajieta'!

Hechos 20:21

Je sikip'e ti ajwejla'm napo Judíojos siu'neje napo je Judíojos, ti awone 'ate, “Woye asosikis ink'iejyisa', tankiunieyi pa Sinia' jlas Jesús.”

Romanos 1:21

'Wanjliyi 'yijenataja pi iyonisi ti po' pi Sinia', 'yina ka kia'iwo ka woyisi siunie jota tiwonaja jla'am ni Sinia' ti jota tiwunitie tiwet'ianaja ka pakataja wek ka inkajayits'i. 'Yina siuniwa jitienkiujnieye iyonisi laj lajaye, jlam pet siunie iyo ti t'oni niwa jlosikis, je t'ekijyi nak ajnatiok.

1 Corintios 1:12

Jajniejietk'i, po' napo iyo'ate ti asa'am, “Ya'am 'ok'i pet ni Pablo”, po' napo iyo'ate, “Ya'am 'ok'i pet ni Apolos”, ijia napo iyo'ate, “Ya'am 'ok'i pet ni Pedro”, ijia napo iyo'ate, “Ya'am 'ok'i pet pi Sijwajieti.”

1 Corintios 15:50

I'lijwas, siunie awo ka 'najanayi naka, ti siunie i'nio' ti jiwats'o ja ke ijnoyi ni Sinia' jika anechijiayas, jlampet ni siunie ti je t'o'n je 'wet siunie ti ja ke paja ka 'na'al.

2 Corintios 9:6

Ataj wunitieyi siunie iyo'ate: Siunie i'nio' ti iliakiyi'i siupa iyo'om, tepa jawo pit ka 'etsakaja paka ila'ne. 'Yina jlampet siunie je iliakiyi'i pa 'yut'isia'm, kia'iyo pit 'etsaka pa jlak ti ilienata'a.

Gálatas 3:17

Siunie ajwel'ni sek ijio'weyi, ti Sinia' yikiajle pi ji'lij ti jlam pak je iyone wek ilisaniji, sekatajak'i kajeyepa ti 'yakajk'i. 'Yina sektaj'leyi paj ti cuatrocientos tréintaja (430) kiwa najkapis kiwa tijwajyi jiwekie'eja t'ipi ti po' ki Moisés jika'neyasajnaye, 'yina kapakayet'iyijpe ka into'm ape'e ka inetiajnat siunie Sinia' iyont'iyijipi pa Abraham ti ijwijla'm, ka 'nakayeyi pet ka 'wina ka laja lajaye.

Gálatas 5:3

Jayikiajle'eje k'iye siunapo ti kiak iniwone ti t'isie'n jiwa yiwa'a, ti je 'es 'neje pet ka je ilesaniji wikie'eyi siunie iyo niwaka iyo ka tiwoki ni Moisés jika'neyasajnaye.

Efesios 1:22

Wikie'eyi niwa wask'i'nelaja ti Sinia' yin kiajwe ni Sijwajieti, naka ti iyo jletikie' pet napo Sinia' jilis,

Efesios 4:22

'Esiji ka leyets'i siu'niwa askeyis ti paj, lana'yi siunie astankiujnieye 'yusie ti ji'niayi je itio'yi, jla'yi ti niwak inkajyina siuniwa wask'i'nelaja ti inteliajayi ka woyeyi ti je isis.

Colosenses 2:18

Ká ak'iuyeyeje siuti injwela ti ijwi'il astes po', napoka siunapo ti ijwi'il ka inijlasatisk'i isia'm, napoka siunapo ti ijiunitis napo injlojwajnas poli jlele, ti ijwi'il ka poye siuniwa ti'wenkinajam'ni, napoka siunapo ti initonitisi siuniwa ti jitienkiujnieyejes jlamis.

Colosenses 2:4

Ajwe'lase'm niwaka lapakawo ti awotajank'iye ka je inteliajayi puwa ka jlamtisa paka ne'yi pa, ka neyi ts'iji ka ink'emijieta.

1 Tesalonicenses 4:6

Wuj ti je 'esk'i naka ka kiak iwone pi jikiecha, naka siunie ajwe'el, siu'neje ni ka ink'emijiete pi jikiecha paka k'iejliyeyi. Saka'niona jla'am ti jawo lajaye niwaka wask'i'nelaja kia'iyo, iyo siunie ti pajk'i ti ajwe'lase'm ka je inkiwaliyeyi'i.

1 Timoteo 5:21

Ya'am ene jitieyi'i pa Sinia', jla'yi pi Sijwajieti Jesús, siu'neje napo injlojwajnas poli jlele ti'wenakitie, ti ja ajwejla'm ka woyi niwak siuniwa ajloye'a'm ka awoyi. Ká a'ye'en siupa ka inteliaja ka pakaye ka 'oyijk'i, 'wenajliyi ti ja jotk'i wita'm.

1 Timoteo 6:13

'Nakayi ya'am ene jitieyi'i pa Sinia', ti iyo ji'wasankiyeja' wikie'eyi niwa wask'i'nelaja yi' ape'e 'ni ajnat, jitieyi'i 'neje pi Sijwajieti Jesús, jlam ti inikajanit ti inijwel jitieyi'i pa Poncio Pilato, ti ajlo'wa'm ti awo'ate:

2 Timoteo 4:1

'Yejne'n, jlam enjliyi ape'e ti ajlo'wa'm, jitieyi'i pi Sinia', jla'yi pi Sijwajieti Jesús, siunie anechiyas ti je ijiat ka je i'nes ti janapimet, ti jankajanit ni jitis iyo napoka siunapo 'wasanjliyine, siu'neje napo pajk'i ti 'yajle'n.

1 Pedro 1:18

'Najanayi pi jiwonayi ti Sinia' pajk'i ti injwajietayi siojokia as'wasankiye iyo ti jitiajlayiji puwa jikeyis t'ipi papo aska kijilas mases. 'Najanayi ti je japak lajaye siuniwa wask'i'nelaja je t'on'n janak injwajieti, ka janakaye wikinie maja ti 'najli, ni'ne ka janakaye wikiniet'aj.

2 Pedro 2:18

Wuj ti initoniti'n jlam jiwek ti je pini' puwa jlamtis, 'yina ti lajk'ipa ka 'esie ka intajle. Wuj ti iliaki napo ijia ti ik'emijietk'i, ti itiojna'm ni siunie je 'es, iyo pit ni jikijmaye ni ts'isie'n siunapo ti k'iejli iyota jlosikis ink'iejyisa', ti i'yiltantak'iye siuniwa iyo pit ni jikijmaye.