Efesios 4:15 - Sinia' Jlamtis 1994

¹⁵ Ja 'wenajliyeyi ti janiukk'i siunie iniu'we ni 'es ja kasts'amaja napo si'lijwas, 'nakayi ka jla'm inekjlinie'e pet siunie awoki. Sek jane'yi ka ijiatayijijna'a ka kasjwanjliyik'i pa Sijwajieti, ti jlam ti jletik wikie'eyi napo Sinia' jilis.

Efesios 4:15 ပူးပေါင်းရင်းမြစ်များ

Juan 1:47

Jesús iyo'ne 'ate ti i'wina ilia'm ja Natanael: —Siunie 'la'n ilia'm, nak Israel jika kia'le ti lajk'i paka t'oniye ka je 'esie.

Romanos 12:9

'Esiji ka je alakiyeyi'i wek siunie assemijnaye ti jiwoyeyi. 'Esiji ka ine'wajayi siunie je 'es. 'Oye'yi ni siunie 'es.

1 Corintios 11:3

'Yina siunie ti awotajank'iye pet ka 'najanayi ti siunie Sijwajieti naka ni jletik ni i'nio', na ayinie jlam ti jik'iemjla jletik, 'yina jlampet siunie Sinia' naka pet ni Sijwajieti jletik.

2 Corintios 4:2

'Yina je awoki siuniwa wask'i'nelaja ti taka'ajwejlasajne'n, siuniwa tijwekie ti je isis, ti je niwaka Sinia' jlamtis kanjwe'el. 'Wenajliyi jla'am siunie awoki samtikie', naka ni siunie ti ijiatk'i, je ajwekie. Jak je iyoyiji napo i'nio' jla'yi pa Sinia' jan'we'en ti ijiate ti je awok'iate siunapo i'nio' jiniliaja ti lajk'iyi paka iwoyisi, 'yina sa'm ijiatayi wek sa'am.

2 Corintios 8:8

Siuti i'lij kiak awone, je awo'ate, “Ya'am aska anechiyask'i'm.” 'Yina nakata jla'am ti awotaja ka 'najanayi siunie iniwone napo 'wenayi ti je niliak, sek jane'yi ka kia' awoyeyeyinie'e pet ti ja'wenkinayi siunie asemijnaye ti ijiatk'i.

Efesios 1:22

Wikie'eyi niwa wask'i'nelaja ti Sinia' yin kiajwe ni Sijwajieti, naka ti iyo jletikie' pet napo Sinia' jilis,

Efesios 1:4

'Yina ti pajk'i ta'a ti kastajets'i, ti 'nelanjie'e, ti je wakaljli'ijyi 'ni ajnat. Lapakawo ti pak kasts'isisi pi Sijwajieti ti ani'nopijietaja, it'imina ti kasts'isis jitieyi'i, laj sitisayi ilia'm ti jla'am. Kajeyepa ti wuj ti kassemi'n,

Efesios 2:21

Siunie tena'a jana 'wuk ti t'otataja, ape'e jana sisaj ti 'yit pijia'm, jlam yamjli pijia'm wikie'eyi siuniwa jitiojwa'l jana 'wuk. Jak je iyoyi ts'ijiye ja wakajla janaka siojona Sinia' ji'wuk ti 'es.

Efesios 4:25

Leyets'i siunie ti jiwoye sintijyisa', jiwoye sintijyisaja'm ni askiecha pi k'iejliyi ti jiwoyeyi, jlam'ne ts'isie'n ijwienjlik'i, jijwalts'em'ne peyit siunie Sijwajieti t'ajwes.

Efesios 5:23

Kajeyepa ti siunie jik'iemjla jana asejnia nak iyoyi jletikie', iyoye pet 'ate ni Sijwajieti ti jlam ti jletik napo Sinia' jilis. Jla'yi ti Sijwajieti Jesús nak jijwajieti napo Sinia' jilis, 'yina iyoyi t'ajwesie' napoka.

1 Pedro 1:22

'Nakayi siuti jik'iuyeyi niwa Sinia' jlamtis ti ijiatk'i, sekyi'i ti je k'emijieta napo as'lejwas ti i'namajayi kajeyepa ti jilija niwa asosikis. Jak je iyoyiji'ni siuti janikimayi siunie asemijnaye, pejlati'n ni asjweye siu'neje ni asosik nayi wita'm ti jawoyeyi.

1 Pedro 2:2

Niwonayi 'ate siunapo kia'lis ti k'iejli yik'iji'n, woyejyi'n ni t'ajka ni inkat'ios siunie ti 'esi, ajwel niwa Sinia' jlamtis, 'yina ti naka ti jantoyetiejyi'n ti ja inkijliyeyi siunie jiwoyeyi ts'ijiye ti ja'nesieyi ka ataja jana asjwajieti,

2 Pedro 3:18

Ja 'wenajliyi ti asa'am ja ijiatayi ti ja intant'iejayi ni Saka'niona Jesús ti Sijwajieti, siunie jikap'ijliuskiye janoye'ase'm 'nakayi ti jakinieyi siunie 'es ti jawoyeyi. ¡'Esiji ka jlam kiajatajak'i siunie ti tena'a ti ijnonitieyi jajnok'i'ni! Amén.

1 Jn 3:18

Ilis, 'esiji ka je si'lijak'i wekie'e siunie semijnaye. 'Esiji ka 'yakajanitie siupi jalisanaja.