Efesios 2:18 - Sinia' Jlamtis 1994

¹⁸ Sijwajieti jla'am ti iyo si'niayeja' it'imina ti a'yakanaja ni Sinia', ka lajak'i'ne wek jana Sinia' jikimet ti 'es ti iniuyits'e'm ti je kas'wenakite'n.

Efesios 2:18 ပူးပေါင်းရင်းမြစ်များ

Mateo 28:19

'Yina maye'ni, joyek'i'ni napo i'nio' yi' ape'e 'ni ajnat ka wo ika kia'lisa' pet. Najienajyi'n, najiene ni Inia' jle', jla'yi ni Jlas jle', siu'neje jana Inia' jikimet jle'.

Juan 10:7

Jesús yikiajlayi'iji ti iyone'ate japo i'nio': —Ijiate, ijiatk'i siunie ti jayo'ate, ya'am siunie 'wuk kiwet siunie iniuyi'ni niwa sontas.

Juan 10:9

Ijiate, ya'm 'wuk kiwetk'i'm. Siunie i'nio' ni ja'noyi nak 'wuk kiwet, nak janjwayepe. Janwoyena'a 'ate jana 'wolepo' ti ijiojwa'm, ni'ne ti iniu kisie'e, jan'we'en niwa jop siunie jlak.

Juan 14:6

Jesús iyo'ate ti isiujlie: —Yam 'nayijk'i'm, siunie ijiatk'i, jla'yi ti ya'am ti in'wasankiyek'i'm. I'nio' je i'yakane pi Sinia' ka siliejk'i.

Romanos 5:2

'Yina ti Sijwajieti jla'am ti it'imina ti a'yakanaja'm nak jikap'ijliuskiye iyo ni Sinia' ti awaki, je lajk'i pet ki iyo ti je akakiunieje. Jak je iyoyiji sinikanitiejeye po', lapakawo ti janesajap nak jiwunitiejeye iyo ni Sinia' ti wuj ti 'es ni anejejwiyejenk'iye.

Romanos 8:15

Kajeyepa ti siojona Sinia' iwi'nase'm, je ka iwo'nase jikipijnasa' ka sek ine'yi ka ekiajlayi'ijyi ka je injweyejyi'n. 'Yina janak siojona Sinia' jikimet ti inwojwana Sinia' jilisa', 'yina janak awoki si'niayija' ti awok'iate ti a'yasaja, “Inia', Inia'.”

1 Corintios 12:13

Wikie'eyi, 'wanjliyi ka napokaye Judíojos, siu'neje napo je Judíojos, siunapo inkipijnas, siu'neje napo ti je inkipijnas, ti kasnajienaja'n ti kaswomk'i wita'm pa Saka'niona, ti iyo ka kasjwanjlik'i, jla'yi ti ijwienjli siojopa Sinia' jikimet ti kasts'esi ti kassetijnape. Jla'yi ti kaswikie'eyi ti kas'yayinaja siunie ti jla'am janak Sinia' jikimet.

1 Corintios 8:6

'yina ijwienjli jla'am ni Ina'a ti Sinia', jla'yi ti jitis wikie'eyi niwa wask'i'nelaja, jlampet ti sa'am jikawosts'e'm jiwek pet. Jla'yi ti ijwienjli ni Saka'niona, naka ni Sijwajieti Jesús, 'yina nak jitis wikie'eyi niwa wask'i'nelaja, jla'yi ti sa'am kia'iyo naka ti sitis.

Gálatas 4:6

Sekyi'i ti Sinia' 'yakajanitiek'iyi ti jla'am ti jilists'ase'm, 'yina ijliuye'ase siojona jlas jikimet ti yijits'i niwa askiojwa'l, ti iyo'ate, “¡Inia', Inia'!”

Efesios 3:12

Lapakawo jlam ti kasts'isisi siuti atankiuniejayi, jak je iyoyiji ka init'ajanitieje'n ti ajalasaja, paj ti a'yakanajayi ni Sinia'.

Efesios 3:14

'Nak it'imina ti 'yakosjlete'l ateyijin kiajwe pi Sinia' ti awo 'yejlayeja',

Efesios 4:4

Kajeyepa napo Sinia' jilis ti iyoyi niwa jlamtis, ts'ajwes ijwienjlik'i, ijwienjli 'neje siojona Sinia' jikimet, siunie sinijijwiye kia'iyo ijwienjli ni it'imina ti Sinia' tants'e.

Efesios 6:18

Je paj ka leyeyi ti jawoyeyi ni asts'ajlaye. Nip'elisine ni Sinia', jlomas niwa ajnajas ti janip'elisinayi, 'yina 'yaka po' janaka Sinia' jikimet ti 'es ti janoye'ase'm. Ni'netiejyi'n, ka ekiajlayisia'm siunie jiwoyeyi, ti jit'iejlana'ni wikie'eyi siunapo Sinia' jilis pet.

Colosenses 1:12

Sekjane'yi ja inkasajyi'n, asnikanitieyi jawenayi pi Sinia', siuti jla'am ti inlesanats'i, ti itiejiete'n k'iye ka neye askiojyi siojona ti 'yotat k'iye siunapo jilis ti yiji nak kates jla'al.

Hebreos 7:19

Kajeyepa ti i'nio' je ilisajne'n ka 'esieyi, naka Moisés jika'neyasajnaye. Sekyi'i its'iuyeja 'wet'e nak sinijijwiyeje ti je jiniliak, siu'neje ti si'niayi poye ti ajoki pa Sinia'.

Santiago 3:9

Sikiwet nak tajle ti awunitie ni Sinia', jla'yi ti akienaja ti si'lij je 'esi napo si'lijwas napo Sinia' jilisajna' jla'yi ti napok jipelis.

1 Pedro 1:17

Siuti as'lej je jilienayi'i wat ni Sinia' ti jiwoye 'ate “Sinia'”, jlam'ne ni iyo ti i'yenta napo i'nio' ni jitis iyo, je ka in'yejnits'i siuka inteliaja paka pakaye ka imp'elisi'n, kiak ja ke iwo 'yina jajnol wita'm siunie jawoyi. Nikajanitieyi ti jajoskiyeyi wikie'eyi niwa jlomas ti jleye'yi ape'e 'ni ajnat, ti je ijiat ka as'weta.

1 Pedro 1:21

'Yina ka lajak'i pa Sijwajieti, ti Sinia' iniujwa'n kisie'e ti tajli pi a'no' siu'neje ti iyunit, sekyi'i jiwekie'eja ti je jikakiuye pa Sinia'. Jak je iyoyiji'ni ka je atankiunieyi pa Sinia' siu'neje ti asnejejwiye poye siuti kia'iyo.

1 Pedro 3:18

'Yina Sijwajieti jla'am ti inilayiti ape'e niwa jikeyis napo i'nio' ijwienjliyik'i wek pakatajaje. Jla'am ijiate jla'am ti 'es, 'yina je iyojliyi ti iniwe'n ape'e napoka i'nio' ti je isis ti iyoyi ni jike', kajeyepa ti iyojonk'iye ka intonayi ni Sinia'. 'Yina ti i'nio', ti tilianaja, 'ya'al; jlampet ti Sinia' i'wiesankit pet pi jisiak'al, 'yina ti yiji pi jisiak'al.

Judas 1:20

Siuti asa'am, i'lijwas ti yimijna', 'esiji ka nit'onitieyi pijia'm siunie astankiujnieye ti ijiate jlam ti 'es ti janaka ti 'notatak'i, naka ni siunie ti je kakiuye ni Sinia'. Woye asts'ajlayeja' janaka ti astaj jawomayi Sinia' jikimet ti 'es ti jawe'nase'm ni as'nayija'.