Efesios 2:14 - Sinia' Jlamtis 1994

¹⁴ Sijwajieti jla'am ti sakamankiye. Jlam ti kassotk'i wita'm ka 'nakayeyi ka injwanjlik'i siunie awoki sa'am ti Judíojosts'e'm siu'neje pet ti asa'am pet ti je Judíojosts'ase'm, ka je ani'wenakitie. 'Yina ti ijwienjli jla'am ti 'yakajla'm ti 'yajlinitia'm siunie ti to'm ilia'm, iyo ti ini'wenakit napo i'nio'. Pakayi ti 'ya'al ti yi' ape'e japa cruz,

Efesios 2:14 ပူးပေါင်းရင်းမြစ်များ

Lucas 1:79

ka inkajanitk'i ape'e, i'nio' siunapo ti je t'ekijyi na ajnatiok, na jipe'el na siliaye, ka inajne'n k'iye siuniwa sisietis awonaja siunie jano'we, ti ja kassokiji jana inkamankiye.”

Lucas 2:14

“¡Ijnonitieye tena'a pa Sinia' yi' poliyi, 'yakamaja napo i'nio' yi' ape'e 'ni ajnat, siunapo ti jla'am pa Sinia' ti ijniejiet'e ni jikap'ijliuskiye ti yi'ne!”

Juan 10:16

'Yina kia'iyo po'neje siuniwa iliajwas ji'wuk 'wenayi, ti je ijiat ka je iniame. Je ijiat ka je ink'iuyisk'i'm siunie jayone, sekjane'yi ka ji'wet ijwienkitana'a, injwanjliyena'a siunie jiwo ti jan'yena.

Juan 11:52

Je ka napokataja, 'yina siu'neje napo Sinia' jilis netiajne'n ape'e 'ni ajnat, ka ji'wet injwankit.

Juan 16:33

“Wikie'eyi siuniwa ajwe'lase'm jant'eminajna'a ka akamankiye atajlayiji ti je sakakiuye. Ja ke jlasiye ni asjlak'ali ape'e 'ni ajnat. 'Yina ke ajlasatayijna'a isia'm siunie jiwoyeyi, 'yina pajk'i ti 'a'n ape'e ki iyo ni yi'i 'ni ajnat.”

Hechos 10:28

Pedro iyonat'iyijpe 'ate papo i'nio': —Mejla'ala ka je 'najanayi ti je 'esiji napo Judíojos ka 'nojia'm papo i'nio' 'wenayeyi. Je int'ayeyiji'n 'neje siunie ti je 'esiji ka 'wenayeyi ka 'no ji'wuk kiajwe. 'Yina Sinia' ts'eyasane ka je ts'achiye paka ne'yi pa.

Hechos 10:36

“Sinia' pajk'i ti ijwijla'm napo Israel jika kia'lis siunie inka'niye ti tajle ni inkamankiye, ijwijla'm ti naka Sijwajieti Jesús Jika'niona wikie'eyi napo i'nio'.

Romanos 5:1

Ijiate ti wuj ti kasts'isisi siunie ti je akakiunie, jak je iyoyiji'ni Sinia' kaslesajne'n. Sekyi'i Saka'niona Jesús ti Sijwajieti nak it'imina pet ti akajmakie.

Gálatas 3:28

'Yina je a'yena ka Judío pa, ni'ne ka nakaye ni je Judío. Je a'yena ka inkipinikie' pa, ni'ne ka jeye, siu'neje ka ayinieja' pa, ni'ne ka asejniaye japa. Kajeyepa siuti jini'nopijietayi ni Sijwajieti sekyi'i ti ijiatayi ti injwanjliyeyik'i.

Efesios 2:15

'yina sek jlaj yi'i ki Moisés jika'neyasajnaye, siunie jikijmaye iyot'iyipi siupapo taka'neyasane. Naka'ne siunie ti sa'am Judíojosts'e'm siu'neje ti asa'am pet ti 'wena'ase'm, kaswom wita'm ti iyo ka kasjwanjlik'i, jla'yi ti jla'am ti jitis naka 'ni awoki ti ink'iejyists'e'm ti awakiap. 'Yina kiaka'ne ti wakajla siunie inkamankiye ti jlam ti ilisane.

Efesios 2:17

Sijwajieti ti na'am, nameje wikie'eyi napo i'nio', siunapo ti je jnanjlajapenpe ni Sinia', siu'neje napo je tojwape'n ta'a pi Sinia', ni jika'niye ti 'es ti ijwi'il ni inkamankiye.

Efesios 3:15

jlam ti tajle wikie'eyi siunapo in'wet jlele ti yi' poliyi, siu'neje napo yi'i 'ni ajnat.

Efesios 4:16

'Yina Sijwajieti jla'am ti t'oni pijia'm siunie t'isie'n jla'yi ti 'esi. Sekyi'i siunie t'isie'n 'esieyi'iji pet siuniwa jijwal 'neje, ti t'opiyiji ti ini'nopijietk'i wita'm. Jak je iyoyiji ti ijwienjli pa yi'i pa ti 'es pa jikijmaye iyoyi, ijiate siunie t'isie'n wikie'eyi siuniwa jijwa'al kiak iyoye'ijyi pit ti 'es siupi iyo ti yajme'n, jlam yamjli pet siunie jlemijnaye iyo.

Colosenses 1:20

'yina Sijwajieti naka 'neje ti it'imina ti jla'am ni ti iyo ka 'esieyi kiu'ujwe wita'm 'ni ajnat. Wikie'eyi siuniwa yi' poliyi siu'neje niwa yi' ape'e 'ni ajnat, jant'emina ti jankama, 'yina ti 'esi siupa Sijwajieti ji'woyis ti tisa'ni ti yi' ape'e japa cruz.

Colosenses 2:20

Aslaye iniuyi wita'm pi Sijwajieti ti 'ya'al, kajeyepa ti jiwoye masesie' jitieyi'i niwaka siuniwa injweyejes ti je 'yaka. 'Yina ¿yot'iyi'ni jiat'eje ti 'yiniye ka mawat je atajlajyi ni iyo pit ni ajnat, 'yina ti jik'iuyeyi siuniwa inamtis ti iyo'ate,

Colosenses 3:11

'Yina je 'esiji'ne ka poye paka in'yene ka jikiecha ti Judío, ni'ne ka nakaye je Judío, ni'ne ka nakaye siunie jikiecha siunie ti po' ni tiwonaja ti t'isie'n jiwa tejwak'i, ni'ne ka napokaye siunapo ti lajk'ipa ka neyi ka kiak tiwonaja, ni'ne ka nakaye siunie ajnat 'wenayi jana tajla'm, siu'neje ni 'lan jlele, siu'neje ni inkipinik, ni'ne ka nakaye siunie ti je inkipinik. Ke iwo pa ti Sijwajieti ijwienjli lajk'ipa kawo'ate ni laja iyo, siu'neje ti jla'am ti ijwienjli inena'yi.

Colosenses 3:15

'Yina siunie inkamankiye ti tajle ni Sijwajieti 'esiji ka iwo anechiyasajats'i niwa asosikis. Kajeyepa ti nak tanajap'ase ni Sinia', ka ts'ijiye injwanjliyek'i 'yiniyijna'a siunie 'najwes ti ijwienjli. 'Yina woyepe asnikanitieyija'.

Hebreos 13:20

'Esiji ka Sinia' siunie inkamankiye tajle ka noye'asempe pet, ka we'nase'm ni siunie 'es 'nakayi ti jawoyeyi siunie iyo ka woyi. 'Esiji ka woyi siupa iyo ka wonts'e jla'am, 'yina jawoyeyipe ji'niayi siupa Sijwajieti Jesús iyo. Sinia' siunie ti kia'iyo iniujwa'n kisie'e ti tajli pi a'no' ti yikial pijia'm pi Saka'niona Jesús, siunie ti ijiate ti sontas jiwo, ti iyoyi pet ji'niayija' ti 'yakajk'i ti jla'am ti iniwe'n siupa iyo pi jiwet'ia ti 'ya'al. Sekyi'i siupa ji'woyis ti tisa'ni paka'ne ti 'yakajanitk'i ti jlam je iyoyi siupa iyone pi ji'lij ti iliyi ti iwiets'ilati siupa iyo ti pajk'i, 'yina siuti ink'ie' ni iyoyi nak laj'ne jlaja. ¡'Esiji ka laja jlaja siunie jiwunitieye ti tena'a! Amén.