Efesios 1:17 - Sinia' Jlamtis 1994

¹⁷ Ti 'esp'an pa Jinia' pa Sijwajieti Jesús ti Saka'niona, Sinia' ti jijweye po', ka ijiatayi ka i'neyasana' ka 'najanajyimpe, jla'yi ka intant'iejayi niwa wask'i'nelaja ni iyo siu'nie awonaja. Sek jane'yi ka ijiatayijijna'a ka intant'iejayi ti jla'am ni Sinia'. 'Nak 'ajleje ni Sinia'.

Efesios 1:17 ပူးပေါင်းရင်းမြစ်များ

Mateo 11:25

Jakayi ti Jesús iyo'ate ti iyo jlamtikie': —Awunit, Inia' ti a'am ti jika'niona'a'm ni poli jla'yi 'ni ajnat, kajeyepa jijwek k'iye siunapo i'nio' 'yijejne'n niwak siuniwa ti ijiatk'iji'n, siu'neje napo i'nio' je t'on ti t'eyasanajataja'n. Ji'wenkijna'm pet siunapo lajk'iyi pa ka iwo ti je 'yijejne'n.

Mateo 11:27

Yiyik'i ti kia'iyo, sekyi'i iyo'ne 'ate: —Inia' yikialk'i wikie'eyi niwak wask'i'nelaja. Lajk'ipa ka nets'e ka ijiatayiji ka intant'ieje ni Jlas, ijwienjli jla'am ni Jinia' ti 'yijene pi iyone. Jla'yi ti lajk'ipa ka intant'ieje ni Jinia', najataja jla'am ni Jlas ti itiant'ieje, siu'neje napo iyo ni Jlas ka intant'iejeniti.

Mateo 16:17

Jesús sekyi'i ti kiak iyoyeyi: —¡Sinia' jikap'ijliuskiye ti 'es siunie yi'a, a'am Simón, Jonás jlas! Kajeyepa ti lajk'ipa ka jikiechaye i'nioye ka in'wenki'na'm naka, ijwienjli jla'am ni Inia' ti yi' poliyi ti i'winki'na'm.

Mateo 20:33

Iyoyis'ne 'ate ti isiujlisie: —'Yaka'niona, awoktajank'iye ka i'winaja'n.

Mateo 6:13

Ke kassena'ate ka wiekia'm niwa inkajejlasayejes, 'wenajliyi ka kasjwajiete.

Lucas 12:12

Je ijiate ka je 'najanayi siunie as'lej janojwata'yi, kajeyepa ti janak Sinia' jikimet ti 'es ti janoye'ase'm ti ja i'neyasana.”

Lucas 2:14

“¡Ijnonitieye tena'a pa Sinia' yi' poliyi, 'yakamaja napo i'nio' yi' ape'e 'ni ajnat, siunapo ti jla'am pa Sinia' ti ijniejiet'e ni jikap'ijliuskiye ti yi'ne!”

Lucas 21:15

'yina ja yama ya'am ti jawi'nase'm ni siunie as'lej jawonayi, siu'neje na 'najankijnieye, 'nakayeyijna'a siunapo astajiejwas ja ke into'ma aselia'm, 'wenajliyijna'a ti ja injwel ka inkiuj'liase'm, 'yina ja ke injlana'ni.

Juan 14:26

Lapajawo ti japoye janak Sinia' jikimet ti 'es, ti asp'ot, ti Inia' janjlo'wase ti ja setijnape. Janoye'ase'm ka astaj wujwak'i wikie'eyi siuniwa awo'nase, siu'neje ti janaka ti ja'neyasana.

Juan 16:3

Niwak siuniwa janwo napo i'nio', lajk'ipa ka intajle ti naka, ti je itiant'iejts'e ti sa'am, ya'am jla'yi ni Inia'.

Juan 17:3

Ijiatjliyi, siojona in'wasankiye ti laj jlaja, naka siunie kantiant'ie'a, ti a'm ti injwanjli ti ijiateje ti Sinia'a'm, siu'neje kantant'iejesi ni siunie jijliu' naka Injwajieti Jesús.

Juan 20:17

Jesús iyo'ne 'ate: —Akio' lank'i'm, mawat je ajojliyi'ijyi ni Inia'. Maj kiu' wekie'e ka ajwele japo i'lijwas, jwejla'm ti jajioyi kiu' ni Inia', siunie Asna' pet.

Hechos 6:10

'Yina je tomits'i ilia'm pa Esteban, lapakawo ti Sinia' wuj ti iniuyeje, jikimet iwijna'm, it'imina siupa iyo ti tamti, ji'lij 'yijene.

Hechos 7:2

Esteban isiujlie ti iyo'ate: —I'lijwas, k'iuyek'i'm, jla'yi ti asa'am ti kijilasts'ase'm. Sinia', ti ijnonisik, ini'wenkinat'ijiampe pa sitis Abraham ti yi'i japa ajnat jle' iyo'ate Mesopotamia, ti je yamjli'ijyi ka ne'yi japa Harán, ka iwo 'weta'.

Romanos 1:28

Siuti kia'iyo ti je iyoyisink'iye ka intant'iejesi ni Sinia', 'yina sekyi'i ti ijiutieyi ni siunie jitienkiujnieye ti ti'niachiki 'nakayi ti jawoyisi siunie ti je ti'wena ka tiwoki ti ijiate ti je 'yu'we.

Romanos 15:6

Sek jane'yi ti asa'lap janjwanjli ti jawunitie pa Jinia' pa Saka'niona Jesús ti Sijwajieti.

1 Corintios 12:8

Sinia' jikimet janaka ti iwijna'm ni i'nio' ka 'naja'n ji'liji; jla'yi ti janaka 'neje ti tajle siunie ti po' ni itiant'ieje siunie yiyi pi jikiecha.

1 Corintios 14:6

I'lijwas, siuti kiak jayo ti jayamtiyi pet niwaka inamtis ti je tipe'yak ti jantajle jana Sinia' jikimet, siuti jajio'wase, 'yina jlajmiwek ti jayoyi, jlam'ne ja ke sipe'yaye. ¿Tepat'e jawo ka 'najanayi siunie atajleje ni Sinia' ti si'wenkina, siu'neje ti itiant'iejk'i siunie ijiate ti 'es, siu'neje ni ka ijwi'lase pet siunie inka'niye ti tajle ni Sinia', siu'neje ka 'yiyasanayi niwa jlamtis jla'am?

1 Corintios 2:10

'Niwaka'ne siuniwa ti Sinia' iyo ka kastant'ieje, 'yina ijiatjliyi kastant'ieje'ne. Lapakawo ti po' siojona jikimet janaka'ne ti i'ye'en niwaka, wikie'eyi niwa wask'i'nelaja, 'wanjliyi ka kia'iwo ka poye siunie yiyi ni Sinia' ka ijiatayi ka instayiji.

1 Corintios 2:8

Niwaka ni siuniwa ajwel'ni napo i'nio' ti iyo anechiyasisa' je itiant'ieje. 'Yina siut'itie ka intant'ieje, ka kiak iwoyetaja ka je ink'iejwatits'i japa cruz pi Sijwajieti, ti jla'am ti tajle nak injweye.

2 Corintios 12:1

Ijiat ti lajtak'iyipa ka inkajliji ni i'nio' ti iniwunit. 'Yina ejlowek lapakawoyi ti janiwuniti ni siuniwa Saka'niona i'winkink'i'm, siu'neje niwa ti ya'am ti yini itieyija'm.

Efesios 1:3

Jayunitie ni Jinia' na Sijwajieti Jesús ti Saka'niona. Siuti ani'nopijietayi wita'm ni Sijwajieti, naka'ne ti Sinia' wuj ti kasp'elisijne'n, 'yina iwints'e'm wikie'eyi siuniwa isis tal poliyi.

Efesios 3:5

Ti pajk'i Sinia' je iyo ka ti'niejenaja. Siu'nie iyo 'nakayi 'yakajanitieja'm napo jijliujwajnas, siu'neje napo jijwejlanawos napo isis, 'yina ti po' jana jikimet ti iniuyeje.

Efesios 4:13

Paj ka ijwanjliyena'a siu'nie awoki, kajeyepa ti po' ni siunie sitienkiujnieye ti 'es, jla'yi ti ja ijiatayiji pet ka kastant'ieje ni Sinia' jlas, jla'yi ti jakaskijliyiji'n ni inamtik ti jayoki, sekyi'i ka kasjnojlieyijinie'e pa Sijwajieti ni jlosik iyo ti 'es.

Filipenses 3:15

Ja kaswikie'eyi sa'am ti kaspaja ti awoki ni sitienkiujnieye ti 'es, 'esiji ka sitienkiujnieye kiak iyonaja. Ja jlama pet ti astankiujnieyeja' 'wena awonayi, kiak ja wo'ojyi, Sinia' jankajanit'iase'meje siunie ajwe'el.

2 Timoteo 2:25

Ja ke initonit ni i'nio', ti iyoyeta jlosikie' siunapo teje'yi ilia'm. Janejejwijyi'n pet k'iye ka Sinia' inoyeje ka wo 'niayija napoka kawoyis jlosikis ink'iejyisa', jla'yi ka intant'ieje ni siunie ti ijiatk'i,

Tito 1:1

Ampey isiecha Tito, ya'am Pablok'i'm ti ip'isinik atate'a. Ya'am ti ijiate ti Sinia' jikawok'i'm, jla'yi ti Sijwajieti Jesús jijliujwanik'i'm. Sijwajieti Jesús sijliuyi napoka ti Sinia' pajk'i ti it'iajats'i, ka iyo yamtikie' k'iye napoka, 'nakayi ka intankiunisi pi Sinia', jla'yi ka intant'ieje siu'nie akinieje ti ijiatk'i.

Santiago 2:1

I'lijwas, asam ti jitienkiunieyi pa Saka'niona Jesús ti Sijwajieti ti jiwunitieyi po', 'esiji ká a'yenijits'i siunapo ti ja emina', ja wikie'eyeyi napo i'nio' ti ja emina'.

2 Pedro 1:3

Pa Sinia', ka lajak'i ki iyo ni jijweye, 'yina iwints'e'm wikie'eyi siunie iyo ni asetiana, jana si'wasankiye ti t'o'n ti kasjwesiejenk'iye, siu'neje ni siunie aniwonaja ti awunitie ti jla'am. Jlampa kastant'iejayiji pet, siunie tants'e a'wena ki iyo ni jijweye, siu'neje ni iyo ti taka'manisie'n ti ijwiejiete'n japo i'nio' ti je isis, Sijwajieti Jesús Sinia' jijweye yiyi.

2 Pedro 3:18

Ja 'wenajliyi ti asa'am ja ijiatayi ti ja intant'iejayi ni Saka'niona Jesús ti Sijwajieti, siunie jikap'ijliuskiye janoye'ase'm 'nakayi ti jakinieyi siunie 'es ti jawoyeyi. ¡'Esiji ka jlam kiajatajak'i siunie ti tena'a ti ijnonitieyi jajnok'i'ni! Amén.

Apocalipsis 7:12

ti iyoyists'i 'ate: “¡Amén! ¡Jayunitie 'ni Sinia', jayok lajaye ti jla'am ti 'yije'en, jayunitie ni jijweye iyo, jla'yi ti je ijlie'en paka k'iejliyeyi ti 'yijene pi iyone! ¡Jayunitie ti ijiat ti kasp'elisijne'n, 'yina jajnok'i'ni ti kiak ja tiwonaja! ¡Amén!”