Colosenses 4:8 - Sinia' Jlamtis 1994

⁸ Tempi it'imina ti nak ajlojwi ti janjwe'lase siu'nie awoyi, siu'neje ka inke'lase'm.

Colosenses 4:8 ပူးပေါင်းရင်းမြစ်များ

1 Corintios 4:17

It'imina ti ajlo'wase ni Timoteo, ni awoyi yasa, ti kasjwanjliyik'i pa Saka'niona, ti jlam ti je sikiwita ti iyo siunie tijliukieje. Jla'am ti jitiej jajnotk'i ask'ioye siunie aniwone siunie ti akk'i ni Sijwajieti ji'niayi, iyo'ate siunie ti 'eyasajne'n napo Sinia' jilis yijits'i niwa ajnatis ijia.

2 Corintios 1:4

Jla'am ti inijienk'i pijia'm niwa sosikis ti potie pi siwet'ia iyo. 'Yina ka kiak iyokieyipi pet, ja 'yakajlaja ti janiukieje napo si'lijwas ti janijienak'i pijia'm niwa jlosikis, ti kia'iyo jijliak'ali po'. Jayikiajlaja siunie iyonts'e ti iniuyits'e'm.

2 Corintios 12:18

Tito jak 'ejie'nepe ka ijno'wase ti jla'yi ja jikiecha sikiecha. ¿Ent'a Tito jak jla'm ijiate ti inlakiye t'eyi? ¿Ent'a kaskakiuk ti sa'am siu'nie sitienkiujnieye siu'neje na sikijmaye ti ijwienjlik'i?

2 Corintios 2:7

Jlam'ne 'nakayi, 'esiji ka inkiwaliyeyi'i siupi jitis iyo, ja 'wenajliyi ti janoyeje, 'lojwinie'e ka ijiatayiji paka iwoyi ka inka'm ape'e siupi iyoyi, ti tajleje siupi jijliak'ali ti je jlase'.

Efesios 6:22

It'imina ti nak ajlojwi ka iwo jika'niyeja'ase, ka jwe'el siunie awo pit, jla'yi ka noye'ase'm.

Filipenses 2:28

Tempi it'imina ti etit ka inek ka ijno'wase, sekjane'yi ka inkasajyinna'a, ka kia'iyoyenie'e pet ti ya'am ka jeyena'a wat siu'nie ijliak'ali ti yik'i.

Colosenses 2:2

Kiak aniwone 'nakayeyi ti ja wikie'eyeyi napo Sinia' jilis jijweye japoye niwa jlosikis, jla'yi ti janiwomk'i wita'm ti jawoyi ni jlemijnaye, 'nakayi ti jan'yakanis siunie 'wanjli wita'm t'ajankijnieye ti wuj ti laja po', siu'neje ti ja'najane paka iwonisi siunie Sinia' talk'i'ni ti je yin kisie'e, paka pi Sijwajieti.

1 Tesalonicenses 2:11

Jla'yi ti 'najanayi ti wuj ti iniuye'ase'm pet siukiwa samtis iyo ti akela'ase'm, yi'i japo ti asa'am, awoye 'ate ni i'nio' ti po' napo jilis. Je aleyi ti 'ejie'nase'm ka woyeyi siunie 'es iyo napo Sinia' jilis, kajeyepa ti naka ti Sinia' tajnap'ase ni jika anechijiayas jla'yi ni jiwunitieye iyo, ka awayejyi pit.

1 Tesalonicenses 3:5

Tempi it'iminape ti ajlo'wase 'ni sikiecha Timoteo, naka ti awojonk'iye ka ts'ajane pa kayone ka je aleyets'i ni iyo ni astankiujnieye ti 'es. Kajeyepa ti kiojieti 'ni itienkiujnieye iyo ti itiej ene'ni 'ate ka kiak iwo ka siunie inkajejlasayewo in'yakana ka kia'iwo ti jaleyeyi ni siunie astankiujnieye ti 'es, kajeyepa ti ja ijnejlita. 'Yina siuti kiak jawoyeyi jlam jiwek ti ajo'wase'ni laj lajaye ki siukia isijmaye ti awoyi aska kiowe'e.

1 Tesalonicenses 4:18

It'imina ti awo'nase 'ate: nikelayi siuniwa Saka'niona jlamtis.

1 Tesalonicenses 5:11

Tempi it'imina ti kiak jayo'nase, ti jayo'ate jwajla'a paka woyeyi: nikelayi ki iyo niwak inamtis, ni'yena, 'esiji siunie jiniwonayi, ká aleyeyi.

1 Tesalonicenses 5:14

Kia'iyo, i'lijwas, siunapo 'netaj ka inkimk'iji'n, jloye ka woyi ni jikijmaye. Siunapo t'ask'i isia'm ti isimtak'iji'n, noyeje. Siunapo laj jit'iuniye siupi ja k'iejliyeyi ti janeyi, 'esiji ka inilayiti.

2 Tesalonicenses 2:17

ka wujwa ka wo jweyeja' ni asosik, 'nakayeyipe ka 'esie siunie asamtik ti jiwoye, siu'neje pi k'iejliyi pi askijmaye ti potie.