Colosenses 4:3 - Sinia' Jlamtis 1994

³ Kasts'ajlanayi pa Sinia' 'nakayi ti ja 'najlinit k'iye siunie inka'niye ti akiji'n, ti ijwi'il pa Sijwajieti. 'Yina siunie jika'niye naka siunie ti ijwik ti pajk'i, 'nakayi 'yakajanitie, naka ni siunie awoyi jika'niyejayi napo i'nio', 'yina naka ti it'imink'i ti ajyi jla'a insat jiwe.

Colosenses 4:3 ပူးပေါင်းရင်းမြစ်များ

Mateo 13:11

'Yina isiujlie japo ti iyo'ate: —Ti asa'am, Sinia' i'winki'nase'm ka intant'iejayi siuniwa yiji pet ni jika anechijiayas. Jlampet siunapo 'wenayi, Sinia' je iwijna'm ka 'najane niwaka.

Hechos 14:27

Ti 'nesat'i'nijpe, tanat'iyipi papo i'nio' Sinia' jilis ti initotisk'i wita'm ti ijwijla'm wikie'eyi siupuwa Sinia' iyone, jla'yi ti iyo 'niayija papo i'nio' je Judíojos, ka kia'iwo ka intankiunisi pet pa Sinia'.

Romanos 16:25

¡Jajnotk'i'ni ti ja tiwunitie ni Sinia', etijnape pa Sijwajieti Jesús ti kia'iyo! 'Yina Sinia' jijweye po' kanoye'ase'm pet, ka wo asjweyeja', iyo siuniwa amtiyi siunie ti ijwi'il pa Sijwajieti Jesús. Nak siunie ti je tak'emisie'n siunie Sinia' ti je paj ka netia'n, je 'yakajanit'i ape'e talk'i'ni ti kia'iyo. 'Yina 'nakayi jiwekie'aja ti yin kisie'e pakayi ti jijliujwajnas jla'am ti yi'ik'i niwa jip'esijna'. 'Yina siunapo i'nio' itiant'ieje, kajeyepa ti Sinia' iyotajank'iye ka tijwelaja wikie'eyi niwa ajnatis, 'nakayi ti ja ke inkakiu jla'yi ti jank'iuye niwa jlamtis. ¡'Esiji ka jiwunitieyi tena'a ni Sinia' ti ijwienjli jla'am ti 'yije'en!

1 Corintios 16:9

kajeyepa ti ijiatk'i siu'nie awoyi ti Saka'niona 'yajlinit its'ioye ti ja 'yakajli siu'nie isijmaye ti jayo, jla'yi ti ja 'esieyi napo i'nio', ejlowek ti poyeta napo i'nio' ti teje'yi ijyilia'm.

1 Corintios 4:1

'Esiji ka kaswone Sijwajieti jikawosa'. Sinia' ijniejiet'e pet ka jikawosa', ka 'neyasane napo i'nio' siuniwa wask'i'nelaja iyo kawoyi, ti je 'yaka'm ape'e siunie iyo.

2 Corintios 2:12

Ti ajoyeyi siujlieja isi' jle' iyo'ate Troas, ti jayo yamtikie' ti jajwil kiwa Sinia' jlamtis ti ijwil pa Sijwajieti, jlajmiliet ti ayeyi, sek a'yi ti poye ni awo ti sats'ilka ka isijme'n, ka iyo yamtikie'.

Efesios 3:1

Jak je iyoyiji ti sa'am ti Judíojosts'e'm, siu'neje ti asam pet ti je Judíojosts'ase'm, ti Sijwajieti Jesús kasts'opijietk'i wita'm. Siupet ti ya'am Pablok'i'm je paj ka iliyi ti 'ajlana'ni, ti a'ne yi'i jla'a insat jiwe, 'yiniye ka jlama pa Sijwajieti ka siwojwa'n jikipinikiek'i'm, ti ts'otie a'laja'm astepe'e.

Efesios 3:3

Sinia' 'yakajanitie siunie ti je iyo ka nen kisie'e, ti iyo ka woyi, sekyi'i ijwilk'i'm kats'ajane pet paka iyone, iyo siukia yiji ja jikiecha ip'isinik, ti jwamjla'a ti amtitieje.

Efesios 3:4

Jak je iyoyiji siuti ja'yena 'ni ip'isinik, ijiate ja 'nakayeyijna'a pet ja 'najanayi paka wonayi ti yam ti ts'ajane pa awone siunie ink'ie' Sinia' iyo kawoyi, pakayi ti Sijwajieti iyoyeyi pet siukia iyo.

Efesios 3:9

Ti iyo ka 'winkijna'm pet wikie'eyi napo i'nio' siunie iyot'iyipi ka woyi, ti je 'yakajanit ta'a, ti 'nelanjie'e jla'am ti ilisanayi wikie'eyi niwa wask'i'nelaja, 'yina 'naka'ne ti 'yakaj siu'niwa jlomas.

Efesios 4:1

Tempi it'imina ti ya'am, ti Saka'niona jla'am ti it'imink'i ti a'ne yi'i jla'a insat jiwe, ti kiak awo'nase ti anip'elisi'niase, asa'am ti ta'nase pi Saka'niona: woyeyi siunie 'es iniwone siunapo ti ijiate ti iyo niwa inamtis ti isis.

Filipenses 1:19

Kajeyepa ti nak jant'emina ti jajwie'e, ka ijiatayijia'm ti je liyeyi ti ts'ajlana'ni, jla'yi ki iyo jana Sijwajieti jikimet ti 'es janaka 'neje ti iniuyijk'i'm.

Filipenses 1:7

Je ka jiniliakie siunie sitienkiujnieye ni awonaja, awojlitieje ti wuj ti ts'ama'ase. Ent'a naka ti ajyi jla'a insat jiwe, ni'ne ka nakaye ti ani'net'i ape'e ni inka'niye ti 'es, ti ajwele pijia'm ti ijiatk'i jla'am, 'yina awo'ate ti kiak jiwoyeyi pit siunie iyonk'i ni Sinia' ti sip'elisi'n, naka jla'am ti it'imina ni jikijmaye ti awoyi ti iwink'i'm ti ijniejietk'i'm pet.

Colosenses 1:26

'Yina naka ni siunie ti Sinia' talk'i'ni ti ijwiki'n ti ijwikia'm napo i'nio', 'nakayi 'yakajanitia'm napo jilis.

Colosenses 4:18

Ya'am Pablok'i'm, atome pijia'm ti kia'awo ti 'eti' ti atejwi'lase. Nak ataj wunitieyijpe siuti ya'am ti a' insat jiweje. 'Esiji ka Sinia' jikap'ijliuskiye ine'yasap.

1 Tesalonicenses 5:25

I'lijwas, kia'iyo jwanets'empe ka kasts'ajlane pi Sinia'.

2 Timoteo 1:16

'Esiji ka Sinia' imp'elisimpe siojopo Onesíforo ji'wet jlele, jlam ti 'yuk'i 'neye ti yi'ni ijiap, ti ajyi jlaja insat jiwe, ka kia'awo ka 'najwel itipe'e ti ts'otie a'laja'm.

2 Timoteo 2:9

'yina nak it'imina ti anilayiti siu'nie iwit'ia iyoyi ti silie'nitieje 'niwa wikijnies 'yiniyi ni i'nio' kalankijieta. Jlampet niwa Sinia' jlamtis je iyo'ate awoyi ka t'aka poye.

2 Timoteo 4:2

'Esiji ka woyi siunie ajloye'a'm, 'esiji ka woyi amtikie' niwa Sinia' jlamtis. Siuti po' jana jloma ti a'wet poyi wata'a, siuti ja laja a'wetayi ejlo'o wek. 'Yina ja inwakal jiwekie'e. Lesaniji siunie jlamtiyi k'iye napo i'nio', 'nakayi ti jan'wenis pet ti ijiate siunie jiwoyi. Wo jlosikie', jalaskine, ke ineyate'e siuti jit'iyasajne'n.

Filemón 1:22

Po'neje ni jikiecha jajwi'la'm ta'a, ti 'esiji ka wakajlanit ta'a pa jajio'weje'n ka yikta. 'Yina awotajank'iye ka je pajayi, lapawo ti Sinia' jawo i'niayija', tepa jawo ka kiak je iwo ti je liyeyi ti ts'ajlana'ni.