Colosenses 3:5 - Sinia' Jlamtis 1994

⁵ Lanajyi'n wikie'eyi niwak askeyis ti je isis ti taj'le ni ajnat. Je 'es ka ne'yi paka inwoyi siunie 'nojieye, siu'neje ni t'ojli, siu'neje niwa asoski'la, siu'neje niwa je isis ti inteliajayi ti jiwoyeyi. Ká awoye'yi 'ate siunapo ijliak'alijyi'n k'iye siupa iyo ka'we'en, ti 'yiniye ka iwo jika diosa' niwaka ti jiwoyeyi asjlak'aliye.

Colosenses 3:5 ပူးပေါင်းရင်းမြစ်များ

Romanos 8:13

Siuti mawat je liyeyiji niwak askeyis, jijwelt'e ka in'wasanajyi'n; jlampet ti janak Sinia' jikimet jakienayi ka tejwa'yi 'yina ja i'wasanajyi'n pet.

Gálatas 5:24

Siunapo Sijwajieti Jesús jikawos pet, napoka ti pajk'i ti its'iejwatis pijia'm niwaka siuniwa jikeyis ji'yusis, siu'neje niwa iyoyisi ti itiliajasi ti wuj ti je isis.

Romanos 6:13

Ke ekiajlayi niwa 'asjwes ni siunie inke' ka 'nakayeyi ka inkiene ni siunie je 'es ka woyeyi. 'Yina jla'm ijiate jla'am siunie jawoyeyi ti janinekiajlayi ni Sinia' ti asa'am siunapo ti pajk'i ti iyo masesie' jitieyi'i ni siunie inke', 'nakayi siuti jlekiajlayi'ijyi ti in'wasanajyi'n. Ekiajlayi ni Sinia' niwa 'assienis, 'nakayi ti jantajieta pet siupa 'es ti jankijmajne'n.

1 Pedro 2:11

I'lijwas, asa'am ti yimijna'yase'm, wuj ti anip'elisi'niase, ti je t'ikiyejli'yi kiu' ape'e siu'nie ajnat ti je ijiat ka as'weta. Ka je awoye 'weta niwak siuniwa je isis ti jlomas ti inteliajayi ka woyeyi ti teje'yi ilia'm ni siuniwa asosikis.

1 Corintios 6:18

'Yiltana'ni k'iye naka ti wuj ti je 'es, ijnoski'la ti yiji ni i'nio' ti ijiajwa'yis jiwo. Ka ne'yi pa siuniwa inkeyis ijia kanwoyi ni i'nio', nak je 'yakajyi'n ni t'isie'n siunie iyoyi. Jla'm ijiatayi jla'am siunie iyoyi naka inke', ti 'yuyi'ni napo ijiajwa'yis, ti teje'yi ilia'm ni t'isie'n ni i'nio' kajeyepa ti je ilisaniji.

Efesios 4:19

'Yaka jlamis ti ininekiajle siuniwa jikeyis ti wuj ti je isis, jlam yinjliyisi ape'e ti iyoyisi niwa ti itij'weje'n niwaka ti ijiateje ti 'yakajyi'n ni jlosik ni i'nio', nakaye ti lajk'ipa ka t'ajwejliye ni i'nio' ti iyoyi niwaka.

2 Corintios 12:21

Siu'neje ni sikiwita kayiktana'a ka ijio'wase siupi Inia' ka iwo'ate, “'Yejne'n siunie iyoyisi, ijiat ti je 'es wata'a.” 'Yina siuti kiak jawo sek jane'yi ti ja wujwa ti ja ts'ajwel'ni ti ja ts'ajwe'lase, siu'neje ti itiet t'e' jatiojnate'n k'iye napoka siunapo je t'ekiyi naka ni jloski'la ti iyoyi. Kajeyepa ti je iyoyiyi ka inleyisi naka'ni ti ti'niachiki, jla'yi ti je iliyi ti iyoyi naka ti 'yuyijk'i'ni napo ijia jwa'yis, siu'neje niwa jikeyis ti iyoyi.

Apocalipsis 21:8

Jlampet siunapo ti t'otale je t'ojni'n, siu'neje napo kakiujnietas, siunapo ti ijiat ti 'yakama ape'e niwa jikeyis ti je isis; siunapo i'nio' kalankijietas siu'neje napo ijia jwa'yis jiwos, siu'neje napo ti iniwojwa'n aye'wulisie', siu'neje napo ti jitiej iyoma niwa k'iejliyi ti iyoyi jika diosisa'; siunapo ti sintijyis, 'yina wikie'eyi napoka ti jajnoyi siunie jwat ti isa ape'e ti iyo'ate ni tewuk iliyi ti yat'e azufre. Naka jana 'najlati ti tomik'i siojona inia'an.

Romanos 7:23

'yina ani'we'en ti po' siunie ti yiji 'ni 'isie'n ti yelk'a'ni k'iye 'ni itienkiujnieye iyoyi; nakayeta jla'am ni siunie inke' ti si'yaka'n ti silie'nit.

Mateo 15:19

Kajeyepa siunie tajlame siunie i'nio' jlosik, naka ni jitienkiujnieye ti je 'es, jikalankijieye, siunie ti 'yuyeta'ni, siunie ti 'yakamajataja ape'e ti ijiuski'la'n, jikajlajnaye, jika sintijieyis siu'neje ni ji'yikisajnaye.

Apocalipsis 22:15

Jlampet siunapo ti ijiate ti je isisi ti iyoyi ni siunie je 'es, ja 'wanjliyek'i kisie'e, siu'neje napo ti iniwojwa'n aye'wulisie', siu'neje napo ijia jwa'yis jiwos, siunapo kalankijietas, siu'neje napo ti jitiej iyoma siuniwa iyo jika diosisa', wikie'eyi 'neje siunapo ti yimi'n ti ik'emijietk'i napo ijia.

Santiago 4:1

¿Tepa taj'le siunie aswak ti je paj ka leyeyi ti jitieyets'i wita'm? Lajk'ipa ka intajle ti niwaka jla'am siuniwa astankiujnieyejes ti je isis, ti jlalasajyink'iye ka woyeyi. Niwaka'ne ni siuniwa ti yi' astowiji ti jinilanayiji'n.

1 Corintios 6:13

Siunie jikiecha iyo'ate, “Siunie sak ijiojwa'm pet jla'a sits'i', jlampet jana sits'i' tejeye pet siunie sak.” Nak je takakiunieje ti kia'iyo, 'yina jane'yi jana jloma ti Sinia' janetiajnat niwaka. 'Yina 'wenayiji pet siunie, ti siunie i'nio' ni iyo ti je ilisaniji ti tijwa'yi; kajeyepa ti je naka ka Sinia' kia'iwone ka intaye siunie ts'isie'n, 'yina tejeye pet siunie Sinia' iyo ka tiwoki ti 'es.

Romanos 6:6

Kasts'ajane pa awonaja ti siojokia si'wasankiye ti inia'an ti paj jiliaye iniuyi pet wita'm pi Sijwajieti ti tik'iejwata'a japa cruz, 'nakayi pet siuniwa ti kasteliaja ka iyoki ti talts'e ja lajana'a jijweyeja' pet, sek jane'yi ka siunie inke' ja ke iwoyeyijna'a jikipijnasats'e'm.

Hebreos 13:4

Apejlanit'i astepe'e ti awo'ate ká awoye aslakikie siunie injwa'ajieyi; ká akajyine siojona ask'iemjla siunie aske' ti jit'iuye'ni. 'Yina Sinia' jan'ye'en siunapo kiak iniwone ni jitis, siu'neje napo iliyik'i napo jijwa'yis.

Hebreos 12:16

Je 'es ka poye paka iwoyi siunie ti 'yu'ni ti je inilesanijiyi, siu'neje ka poye paka inlaki siunie t'otata, iyojinipi pa Esaú ti 'yuti pa ji'yini penik siupa tijna'yi ti jla'am ti isijli.

1 Tesalonicenses 4:3

Siunie Sinia' iyotajank'iye, naka ti iyotaja ka anilesanayiji, ka wujwa ka insisie. Je 'es ka poye paka iwoyi ni siunie ti wuj ti je 'es, naka ti 'yu'ni ni i'nio'.

1 Corintios 5:1

Ajie'yase ti po' siupa jiwoyeyi ti wuj ti je 'es. Tijwela'ni ti po' siupa ti ijioyijin'ni japa jinia' jik'iemjla. ¡'Yejne'n ijiate, poyeta siunapo ti lajk'iyi paka iwo ti je iyoyi ni inamtik, 'yina je iyo jiwek naka ti wuj ti je 'es, 'wenajliyi ti je yinisi 'ate siupa ti kiak iniwontaja!

Romanos 7:5

Kajeyepa ti siuti je alekk'iyi siunie iyoyi naka inke', 'yiniye ka i'nojwatk'ijin'ni niwaka, niwaka siuniwa sakeyis ti kasteliaja. Sekyi'i ti siu'niwa ts'isienis kia'iyoye'ijyi pet ti wa'asitieyeyi'ni ka woyi ni siunie je 'es, jlam'ne kassoyiji jana ts'ajlati.

Romanos 1:29

Ijiate ti tipoyijits'i siuniwa je isis ti iyoyisi, jla'yi ti inisayisi ni siunie ti ijiate ti je 'esk'i, ti je tijnajyi, siu'neje ti ijiulsinaja'm pi jikiecha pi k'iejliyi pi i'wi'in, siu'neje ti ijiate ti netia'n siunie ti jlosik ti 'es. Siunie ti t'eliye ni jikiecha, siunapo kalankijietas, siunie ti je ilisa'n napo ijia, siunie yimi'n ti iliaki napo ijia, siunapo ti ijiateje ti inisayi ni jloski'la ti iyoyi, siunapo ti yiyijits'i'ni napo ijia ti iliaki.

Romanos 1:26

'Yina it'imina ti Sinia' ijiuti naka siunie ti itiliajasi wuj ti je 'es ti ijiate ti taka'ajwejlasa'n. Siunapo asejnia 'najlik'i wita'm, ti 'yakama ape'eyi siunie iniwonisi ti 'es pi iyoyisi ti jlosik ijyiwiteje.

1 Tesalonicenses 4:5

Je 'es ka woyeyi ni siunie ti asa'am ti inteliajayi ka woyeyi, ti je injweyeyijits'i'ni ka woyeyi ni siunie je 'es, iyo napo i'nio' ti ijiateje ti 'wanjli witame ti je itiant'iejesi pi Sinia'.

1 Corintios 6:11

Ti pajk'i, siuniwa ajwel'ni je awo'ate je woyeyipi, siuti asa'am po' siunapo yit'ijyipi. 'Yina 'nakayi insisie kajeyepa ti Sinia' pajk'i ti inlejajyi'n, jla'yi ti initiajnat ask'ioye ki astes iyo, ka lajak'i pet ni jle' iyo ni Saka'niona Jesús ti Sijwajieti, siu'neje japa Sinia' jikimet.

Colosenses 2:11

Siu'neje ti jini'nopijieteje ni Sijwajieti, Sinia' ijiut ts'iji siuniwa ti asa'am ti taj'lase ti inteliajayi, siu'neje niwa askeyis ti je isisi. 'Yina kiaka siukia iyoyi, 'yaka'm ape'e siunie i'nio' jilisanik iyont'iyipi papo Judíojos jilis ti ayijnies, 'yina 'yaka ti t'isie'n jiwa ja siupa tejwak'i, sekyi'i titietajayi, jak je iyoyiji pet ti jiliyeyi kiwa askeyis, 'yina naka'ne pet ti 'esi niwa asosikis.

1 Timoteo 6:10

Kajeyepa siunie jijwetis wikie'eyi niwaka je isis, naka ti inemijnaye tena'a jana wikiniet'aj, jla'yi siunapo ti jitienkiujnieye ipijlanitia'm, ti iyojonk'iye ka jlomas intejwe ka je inetiane janak wikiniet'aj, napoka napo yiyi ts'iji initiajnat ni jitienkiujnieye ti 'es, 'yaka ijlie'en, sekyi'i wuj ti inilayiti ti iyo ni jijliak'ali ti iyo ti yiji ni jlosik.

Hebreos 13:5

Askiowe ká ajowatayi siojona wikiniet'aj, 'etsaka siunie yi'ase; ká ajalasa'yi ape'e ka wujwa paka 'wena 'yina kamaja. Jlam'ne Sinia' iyo'ate, “Ja ke paja ka sikiwali'yase'm ni'ne ka ili'ase.”