Colosenses 3:4 - Sinia' Jlamtis 1994

⁴ Sijwajieti jla'am siojona as'wasankiye ti ijiatk'i, janeyi siojona jloma ti janikajanit, sekjane'yi ka inkajayena'a pet ti jawayejiap ti janejyi siunie jawo ni jijweyeja'.

Colosenses 3:4 ပူးပေါင်းရင်းမြစ်များ

Mateo 13:43

Ts'ijiye jlampa inekiena'a 'nijiye naka, siunapo i'nio' jawoyi siunie I'nio' Jlas iyo kawoyi, napoka napo jawo'ate ni kilie' jla'al, ti janses ts'ijiye yi'i ti iyo anechiyasa'. “¡Siunie ka jik'iot tiojwa'l po', k'iuyi!”

Lucas 17:30

Kiak jawo ti ja 'nakaj ni I'nio' Jlas.

Juan 11:25

Jesús sekyi'i iyone'ne 'ate ti ipi'yaye ti kia'iyo: —Ya'am siunie ti yapilietak'i pijia'm napok 'yajle'n, siu'neje ti ya'am in'wasankiyek'i'm. Siunie je sakakiu, 'wanjliyi ka 'na'al, 'yina ja'wasana.

Juan 14:3

Siuti jayik, jla'yi ti jawiakajlanit siunie jawaye'yi. Jatimeje, ka'nisana'aja ti jayapi'liase, ti jaya'asiye ji'wete ni Inia', ti jawaye ijiap siunie jayi'i.

Juan 14:6

Jesús iyo'ate ti isiujlie: —Yam 'nayijk'i'm, siunie ijiatk'i, jla'yi ti ya'am ti in'wasankiyek'i'm. I'nio' je i'yakane pi Sinia' ka siliejk'i.

Juan 17:24

“Inia', am a'am ti jiwenk'i'm, awojonk'iye pet ka neyis ijiap, ts'ijiye siunie jayi'i, ja'nakayeyi ti jan'wenis pet siunie ijwiye iyo ti jlekialk'i, kajeyepa ti semi'n ta'a jitiajlap'e ti je wakaljli'ijyi 'ni ajnat.

Juan 20:31

Tepa jawo ka je tenaja ti nakaye ti jant'emina ka je akakiuye ja Jesús, ti ijiate ti Sinia' Jlas, Injwajieti ti Sinia' jijliujwanik, 'nakayeyijna'a ti ja'wena' jana as'wasankiye ti t'o'n, siunie ja ke inkakiu.

Hechos 3:15

Jiwoyeyi'iji ka alana siunie in'wasankiye i'nio' iwijna'm. 'Yina Sinia' iniujwa'n kisie'e ti tajla'm pi a'no', sam ti a'wena ti ijiatk'i kiaka.

Romanos 8:18

Awo'ate, siuniwa iyo siuniwa sijliak'aliyis siu'niwa jlomas siunie janwoyi pet siunie ts'oniye ts'ijiye, je ijlien'ni siuka 'yenajap, kajeyepa ti jla'm ijiate ti 'es.

Romanos 8:19

'Yina wikie'eyi siuniwa Sinia' jilisajna' yitit ka neyi siojona jloma Sinia' yijni, pakayi ti jan'wenkina napoka siunapo ti jilis.

1 Corintios 1:7

Jak je iyoyiji ka poye paka inetiane siuniwa wask'i'nelaja isis ti Sinia' tajle ti yijits'i niwa askiojwa'l, ti asa'am ti jinijijwijienk'iye siojona jloma ti ja'nesi pa Saka'niona.

1 Corintios 15:43

Siunie ti titijik k'iye laj lajaye; jlampet ti iniu kisie'e, nak jiwunitieyi po'. Siunie ti titijik k'iye laj jit'iuniye; jlampet ti iniu kisie'e, nak jijweye po' pet.

2 Corintios 4:17

'Naka siunie sijliak'ali iyo, je 'esieta jayi, jak je iyoyiji ta'a ti yam'niji. 'Yina lapakawo ti iwints'e'm siunie siwunitieye pet ti laj jlaja, jla'yi ti 'yaka'm ape'e naka.

Gálatas 2:20

'yina je'ne ka yama ka si'wasa'n, 'wenajliyi ti jla'am pi Sijwajieti ti yi' iwia'am ti si'wasankit. Siunie awo ti si'wasa'n, 'nakayi si'wasa'n kajeyepa ti itienkiujnieye yiyi ni Sinia' jlas, 'yina ti je akakiu ti jla'am ti semi'n, jla'yi ti ininekial itipe'e ka tiliana, ti iyo ka sijwajiet.

Filipenses 3:21

Ti jawo ink'iejyisa' niwa ts'isienis, ti ji'niayi je itio'yi ape'e 'ni ajnat, ka iwoyena'a 'ate iyo ti jla'am ni t'ajwes ti ijiate jla'am ti 'es. Je lajk'i ni jijweye iyo ti jla'am ti i'yena wikie'eyi niwa wask'i'nelaja yi' ape'e 'ni ajnat.

1 Tesalonicenses 4:17

Jlampet ti kas'wasajne'n, papok jawieki siupapo ja tikinieje'ni ti ja toki'niji pijia'm pa jani'wenaja'a jikiowe'e ni jloma pi Saka'niona. Jajiok'i'ni ti jawiekiap pa Saka'niona pi yi'i pi ji'wet.

1 Timoteo 6:14

je paj ka leyi siunie ajloye'a'm ka woyi, ja'nakayeyi ti ja ke inets'e paka ka ine'yaja'ni siojopa jloma ti ja'nesi pa Saka'niona Jesús.

2 Timoteo 1:1

Ampey ja isiecha Timoteo, ya'am Pablok'i'm ti Sijwajieti Jesús jijliujwanikk'i'm, 'yina ti awoyi siunie Sinia' jlam ti ijliuyijk'i'm ka iyo. Jla'yi ti yikialk'i ka ijwijla'm ti ji'wasankiye po' napoka ti ini'nopijiete pi Sijwajieti Jesús, ya'am ti ika jwukis siu'niwa. A'am ti awo yasa'a'm ti wuj ti emi'n, Timoteo, 'esiji ka Sinia', jla'yi pi Sijwajieti Jesús ti Saka'niona ka we'na'm ni 'es, jla'yi ka imp'elisimpe, siu'neje ka akama.

2 Timoteo 4:8

'Nakayi ti tiwakajlanitie ta'a its'ioye siojona akajli, siojona ti Saka'niona, ti jla'am ti tijna'yi siunie ti jan'ye'en napo i'nio', ti ijiate jla'am ti 'es, ti ja'yakajli ti anilesaniji, ts'iji ka netiejenie'e siojona jloma yi' jlaja. Ja ke yamkataja ti janwenk'i'm, kia'iyo janwejna'm wikie'eyi siunapo ti yimi'n, jla'yi ti je iliyi ti inijijwijyink'iye.

Tito 2:13

Naka'ne ni siunie iyotaja ka iyoki ka inijijwiyejenk'iye janak jloma ti 'es ka napitiemet pi Sijwajieti Jesús, Sinia' ti wuj.

Hebreos 9:28

Sijwajieti kiak iyoyi, ijwienjliyiji wek ti ininekial ti ijioyi ni jiliaye iyo ti 'ya'al ape'e niwa jikeyis napo ti itijlia. 'Yina janekiajle'eje ti ja'nes, 'yina ja ke niwakaye'ne niwaka inkeyis ka na'm ape'e, 'wenajliyijna'a jla'am ti janame siunapo inijijwijyi'n k'iye ti jla'am ti janjwajiete'n.

1 Pedro 1:13

Nak it'imina ti awo'ate, niwakajlanitie. Ká aninenayi 'ate ka i'nalayi'ik'i, 'yena pi siunie jiwo ka woyeyi. Ke ekiajlayi isia'm siunie jiniwonayi ti jinijijwiyejyi'n k'iye siunie ka iwenta'ase'm ni jikap'ijliuskiye, siojona jloma ti janikajanit pi Sijwajieti Jesús.

1 Pedro 5:4

Jak je iyoyiji siuti ja'nes naka sontas jiwo ti jlameje, janwena'asemna'a siojona as'wajieta ti wuj ti 'es, ti ja ke paja ka netia'n.

1 Jn 2:28

Ilis, siukia awo'ojyi ti ajwe'lase'm ti awo'ate: ke ekiyejiap pi Sijwajieti Jesús, 'nakayeyijna'a siuti janapimet ja ke anikiwitanie'e, ja lajana'a ts'ajwejliye ilia'm jitieyi'i.

1 Jn 3:2

I'lijwas ti yimijna', 'nakayi ijiate Sinia' jilists'e'm, ejlo'o jiwekie'e ti je kastant'iejliyi'iji siupi jats'oniyeja' ka pajata. Lapakawo ti kasts'ajane siuti jankaj pi Sijwajieti Jesús, jayok'iate ti jla'am, ja'wina siupi ja k'iejliyeyi.

1 Jn 5:12

I'nio' ni Sinia' jlas janejiap, kiak janwo siojona ji'wasankiye janejiap. Jlampet ni i'nio' ni Sinia' jlas je yijap, kiak iyojliyi siojona ji'wasankiye je yijap.

Judas 1:24

¡Jayunitie pa Sinia' ti ijwienjli, Sijwajieti, jla'am ti 'yijene pi iyone kan'ye'nase'm, 'nakayi ti siunie ti je 'es ja ke inkajlajyi pet, siu'neje ti ja laja ast'ojliye, 'yina 'wenajliyijna'a pet ti jampo'ase siunie asnikanitieyi jitieyi'i ni jijweye iyo! ¡'Esiji ka siunie iyo ti 'es, siu'neje ni jiwunitieye, siu'neje ni jijweye, siu'neje ni jika anechijiayas, ja ke intajlap ti jla'am, ja titiajlataje pa Saka'niona Jesús ti Sijwajieti, siunie ti 'nelanjie'e t'ipi, siu'neje ti 'nakayi, 'yina jajnok'i'ni! Amén.

Apocalipsis 2:7

“¡Siunie jik'iot tiojwa'l po', k'iuyi siunie iyo janak Sinia' jikimet ti 'es ti ijwijla'm napok Sinia' jilis! Jlampet siunie jant'an pijia'm nak jawinajamna'a pet siunie jantojw jla' janaka a'la' ti i'wasankiye tajle yiji ni Sinia' jiwasok ti 'es.”

Apocalipsis 22:1

Siojo injlojwanik poli jlele i'winkink'i'm ja tewuk ti tajle siunie i'niat ti i'wasankiye, 'esi 'yiniye na intaj jla'al tijwayiji'ni, tajla'm siojo Sinia' siu'neje ja 'wolepo 'woma ji'wet ti 'es ti yijijyi'n.

Apocalipsis 22:14

Sinia' jikap'ijliuskiye yiyi siunapo ti itime ti iliji'n niwa ji'wuye, 'nakayi ja ke tenaja'm ka intojw siuniwa jla' janak a'la' ti in'wasankiye, ja 'esiena'a k'iye ka 'noyi siuniwa jika 'wuk kiwitawa jana isi'.