Colosenses 3:1 - Sinia' Jlamtis 1994

¹ Ijiatjliyi, siuti asa'am ti pajk'i ti jiniuyets'i kisie'e, ti injwanayeyi'i pi Sijwajieti ti jitiajlajyi pi a'no', woyeyipe astankiujnieyejayi siuniwa wask'i'nelaja ti isis ts'iji ti yi' poliyi, yi'i pa Sijwajieti, ti yiji'n jijweyeje pi Sinia'.

Colosenses 3:1 ပူးပေါင်းရင်းမြစ်များ

Mateo 22:44

“Saka'niona iyone 'ate ni Ika'niona, Wejen 'ne to'm ijwiyeje, jlampa jayinana'a akiajwe napo akojwas.”

Mateo 26:64

Jesús isiujlie ti iyo'ate: —Siunie jiwone. Jajwi'lase'm 'neje siu'nie, ti je ijiat ka je a'wena' ni I'nio' Jlas ti janejyi'n 'nijiye jijweyeje ni Sinia' ti lajk'ipa ka ijnojliji, siu'neje ti jana'am ti janejyi jana poli.

Mateo 6:20

Jla'm ijiate jla'am ka ajwos niwaka akijmatis ts'iji poliyi, ti lajk'i puwa jiwosa' ka intojw, jla'm ijiate ti je netia'n ka paja, jla'yi ti lajk'i papoka kajlajnatasa' ka 'noyi'ni ka inkajlane.

Mateo 6:33

'Yina nak janajnata ti ja ijiatayi ti ja atankiunie'ni ti astaj ja enayi 'ate ni Sinia' jika anechijiayas, siu'neje na iyo ka woyeyi. Je jwel ka je a'wena' pet niwaka ajwe'el.

Marcos 12:36

Siupa David, siojopa Sinia' jikimet initataja'm ti yamtijie'n ti iyoye 'ate: “Saka'niona iyone 'ate ni Ika'niona, Wejen 'niji ijwiyeje, 'yina je ijiate ka je yinna'a akiajwe napo atajiejwas ti ja 'ask'i'ni.”

Marcos 14:62

Jesús iyo'ate ti isiujlieyi: —Ji'yu, ya'am. 'Yina siunie I'nio' Jlas je ijiat ka já a'wena' ti janejyi'n 'niji jijweyeje ni Sinia' ti lajk'ipa ka ijnojliji, siu'neje ti ja'nes ti janejyi jana poli.

Marcos 16:19

Itime siupa iyo ti tamti, Saka'niona Jesús tikiniejayi 'niji poliyi, sekyi'i yiji'n 'niji jijweyeje pa Sinia'.

Lucas 12:33

Wena'ni siuniwa ji'wena askijmatis. Siojona ja lajaye ka wenajiamk'ina'a pet siunapo i'nio' p'ijliusis. Enajyits'i niwa aselijyis siuniwa ji'niayi itio'yi, akijmatis ti ja ke paja ka netia'n ts'ijiye poliyi.

Lucas 20:42

Jlam'ne paka jla'am David ti iyo'ate ti yiji niwa sálmojos: “Saka'niona iyone 'ate ni 'Yaka'niona, Weje'n 'nijiye ijwiyeje,

Lucas 22:69

'Nakap'ane ni I'nio' Jlas ti janejyi'n jijweye ni Sinia' ti lajk'ipa paka ijnojliji.

Hechos 2:34

David je jla'am ka nek ka napi poliyi, jla'am ti ijwi'il ti iyo'ate: “Saka'niona iyone'ate pi 'Yaka'niona: Wejen'ne ijwiyeje,

Hechos 7:55

'Yina Esteban Sinia' jikimet ti 'es tipoyiji pet, i'yenat'ipi poliyi, sekyi'i i'wine pa jloniye iyo ti 'es, i'wine pa Jesús ti takasiti'n jijweyeje pa Sinia'.

Romanos 8:34

¿Tempa jankajli 'neje ka iwo'ate, “Po' ni jitis napoka”? ¡Lajk'ipa! Sijwajieti Jesús jla'am ti initiajnat ki sitis iyoyi pakayeyi ti 'ya'al, siu'neje ti iniu kisie'e ti tajli pa a'no', 'nakayi ti yi 'niji yi'i pa Sinia' ti tom 'niji jijweyeje, jlama pet ti kasts'ajlane'ni pa Sinia'.

Romanos 8:6

Jlampet ti 'o'we' siuniwa ti ya'am emink'i ka iyoyi, niwak soyiji jana 'najlati. Jlampet ti janiwakaye siuniwa ti tajle janak Sinia' jikimet ti jayoyi itienkiujnieyeja', nak iyo i'wiesankiyeja', jla'yi ti iyo ikamankiyeja'.

2 Corintios 4:18

'Yina ti je a'yena siuniwa wask'i'nelaja 'yaka, a'yena siuniwa je 'yaka. Kajeyepa siuniwa wask'i'nelaja 'yaka ji'niayi je itio'yi, jlampet siuniwa je 'yaka niwak ijiate pet ti t'o'n.

Efesios 4:10

Siunie ajwe'el ti na'm ajnat'e, naka ti jlam jla'am ni siunie ti ijioyi na poli siunie toj pijiame, 'yina niwaka'ne siuniwa jilisajna' ti 'yakajanit ti jijweye pajlat ape'e 'ni ajnat.

Efesios 5:22

Asejnia siunapo asjwa'yis po', k'iuyeyi napo asjwa'yis, wonayi 'ate ti jik'iuyeyi ni Saka'niona.

Colosenses 2:20

Aslaye iniuyi wita'm pi Sijwajieti ti 'ya'al, kajeyepa ti jiwoye masesie' jitieyi'i niwaka siuniwa injweyejes ti je 'yaka. 'Yina ¿yot'iyi'ni jiat'eje ti 'yiniye ka mawat je atajlajyi ni iyo pit ni ajnat, 'yina ti jik'iuyeyi siuniwa inamtis ti iyo'ate,

Colosenses 3:2

Askiojwa'l jojwatayi niwak wask'i'nelaja ti yi' poliyi, 'yina askiojwa'l ká ajojwatayi niwa wask'i'nelaja ji'wet 'ni ajnat.

Hebreos 1:13

Je ti'wena pa Sinia' ka kiak iwone ka ne'yi paka jijliujwanikie' poli jlele ka wone 'ate: “Wejen 'nijiye ijwiyeje, jayi'n akiajwe napo atajiejwas.”

Hebreos 1:3

Jla'am ti jla'al ti 'esi' pak Sinia', jla'yi ti nak jipe'el pa Sinia' siupa k'iejliyi. 'Yina jlam'neje ti 'yitk'i pijia'm wikie'eyi niwa wask'i'nelaja, ti isiene niwak jlamtis ti jijweye po'. Ti itimayi siukia iyo kia jikijmaye ti initiajnat sik'ioye kiwa soski'layis, sekyi'i yiyeje'n 'niji poliyi jijweyeje yi'i pa Sinia' ti iyo anechiyasa' ti wuj.

Hebreos 10:12

Jlam'ne pet pa Sijwajieti Jesús ijwienjliyik'i jiwek ti kiak iyo ti jlam jla'am ti iniwe'n ape'e niwa inkeyis, sekatajaje ti jajnok'i'ni. Jak je iyoyiji siuti wakal, 'yina yiyeje'n 'nijiye jijweyeje pa Sinia'.

Hebreos 12:2

'Esiji ka sitiej 'yitie'e ni Jesús, 'yina ti jla'am ti atajlajaja siunie ti je akakiunie, 'yina ti jla'am 'neje ti ijniujliet wita'm janaka. Jesús wuj ti inilayiti siupa jiwet'ia ti tena'a japa cruz, je nesi'lieyi ka inojwat jiwa'm siupa jikalakijnieye papo i'nio', lapakawo ti je int'ayiji'n siunie jawo ti janek'iyi ni jiwet'ia iyo jank'iuyeja'ana'a pet siunie jinikanitieyeja'. 'Nakayi yiji'n 'niji jijweye pa Sinia' siupa ji'wet ti anechiyas.

Hebreos 8:1

Siunie ti ijiate ti laja po', siu'nie ajwela'ni naka ni siunie ti awo 'neje 'ate: Ti po' siunie saka pa'yijis jika anechiyas wuj ni siunie i'nio' ajwel'ni. Jla'am ti yiji'n ts'iji jijweyeje yi'i pi Sinia' ti lajk'ipa ka ijnojliji poliyi.

1 Pedro 3:22

ti ijio poliyi, ti yiji'n 'nijiye jlepi pa Sinia' ti tome jijweyeje. Ti injlojwajnas poli jlele jika anechiyas, siu'neje puwa injweyejes ti yiji ni poli, siu'neje puwa inwunitieyejes wikie'eyi ti yi' kiajwe.