Colosenses 2:8 - Sinia' Jlamtis 1994

⁸ Joskiyeyi, ká ak'iuyeyi siunapo ti ijwi'il ka 'najajne'n 'lojwinie'e ka inkajmanats'iji'n, kajeyepa siuniwa jitienkiujnieyejes laj lajaye, siu'neje ti jawo jikipijnasa'ase'm. 'Yina siuniwa iyo ti 'yijejne'n, je paka ka intajle pi Sijwajieti, 'wenajliyi jla'am siuniwa jiket'i iyopi papo i'nio' ti 'yotatis, siu'neje ti tajle niwaka injweyejes ti je ti'wena, ti iyo jikimita 'ni ajnat.

Colosenses 2:8 ပူးပေါင်းရင်းမြစ်များ

Mateo 10:17

Joskiyeyijna'a napo Judíojos, asa'am ti jiniamajyin'ni ijyik'i, napoka ti ja inekiajlayi napo jika pa'yijis jlosikis jiwos, ti jank'ajajyi'n yi'i niwa t'ajla'wetis. Siu'neje ti ja ijnoyeyiji napo i'nio' anechiyasas, siu'neje napo anechiyasis wus, siu'neje napo jika kia'lis napo je Judíojos. Jla'yi ti jampe'yaye ti ja sijwela, sekjane'yi ti akatatayi ti ja amtiye'yi.

Mateo 16:6

Jesús kiak iyone'ni japo t'eyasajnas ti ijwijla'm: —'Yejne'n, joskiyeyi ni jika woye ijliasat pijia'm napo Fariséojos siu'neje napo Saducéojos.

Mateo 7:15

“Joskiyeyi siunapo je ijiat ka injwejlanawosa' ti ijwil ka intajlisi pa Sinia'. Ti jla'm initewitanisik'i niwa 'wolepo' ti isis, jlam'ne ki iyo niwaka, niwaka k'iwajlas niwa jwesis.

Hechos 17:18

Siunapo i'nio' 'yijejne'n jle' iyo'ate Epicúreos siu'neje papo Estóicos sek inita'a ti ijioyisi ja Pablo. Tom ts'iji pa iyo'ate, ti iliakiyis: —¿Tempi'ne pi ijwil'ni siunie amtijieta? Iyo'ate papo ijia: —Ijwilt'e ape'e napo i'nio' siupa dios 'wenayi. Ji'lij kia'iyonisi, kajeyepa ti Pablo ti iyoyetaja jlamtikie', ijwil pa Jesús, jla'yi ki iyo ni a'no', ti janapits'i pijia'm siunapo 'yajle'n ti yiji.

Hechos 17:32

Ti tipe'yakie ti yiyiji ki iyo na i'nio' ti janapi pijia'm, sekyi'i ti iliakiyeyis'ni. Ijia papo iyo'ate: —'Esiji, je ijiat ka je ipi'yakna'aja ka ekialtaja'ana'aja ka netie'e pa jlomaye.

Romanos 16:17

I'lijwas, jwajla'a ni jayo'nase ti jayo'ate, ti 'esiji ka joskiyeyi ti iyotaja ka inkajyina'a siuniwa askiojwa'l ti ijwienjlik'i. 'Yina ti iyotaja ka akamajiam'ni siuniwa taka'neyasane, ti 'wenayiji je iyo'ate siunie ti 'nelanjie'e jipe'yaye ti yi'ase: ká aninajayiji napoka.

1 Corintios 10:12

Jak je iyoyiji siunie ijwil ka t'onieyi, 'esiji ka wujwa ka intoskiye pet, 'lojwinie'e ka inekk'i isia'm pet.

1 Corintios 8:9

'Yina joskiyeyi, 'yena siunie jiwoyeyi. Je 'es ka asama ka at'eminayi napo as'lejwas ti k'iejli jijweye t'ontiek'i ti iyoyi ki Sinia' jlamtis, ti janwoyi ni jike'.

2 Corintios 10:5

wikie'eyi 'neje siuniwa ti initoniti ni i'nio', siunie it'imina ti je itiant'ieje ni Sinia'. 'Yina jlampet siunie jitienkiujnieye ni i'nio', nak awoki pet Sijwajieti jikipinikie' ja 'nakayi ti janwoyi siunie iyo ka woyi.

Gálatas 1:14

'Yina ti je kaspini' siojopo ijniujliejwaspe ti ijiate ti akinieje siukia iyo pit napoka Judíojos, 'yina jwamjla'a ya'am ti 'an pijia'm ti ajyi japo ya'yispe, kajeyepa ti ya'm ijiate ya'am ti je sikiwaliyi'i kiwa jikeyis kiapo 'yaka kijilas mases.

Gálatas 4:3

Siuti pajk'i sa'am kiak awoki, iyo napok kia'lis ti ajwel'ni, awak kiajwe siunie jijweye iyo pit niwa je 'yaka pini' yiji ni jloma ti iyo jikipijnasats'e'm.

Gálatas 4:9

'Nakayi siuti intant'iejayi ni Sinia' - ka iyot'i jla'mate ti Sinia' itiant'ie'ase - ¿'wenat'e ka apilieyi niwak siuniwa injweyejes ti je 'yaka, ti po' ape'e 'ni ajnat, ti laj jijweyeja' jla'yi ti laj lajaye? ¿Yot'iyi'ni ti jlekiajlayeyi'i ti jleye kiajwe niwaka?

Gálatas 5:15

Joskiyeyi naka, siuti kiak jawoyeyi ti janinokieja, janitejwa'yi.

Efesios 2:2

kajeyepa ti jiniuyek'i siunie iyo pet ni je 'es. Jikinieyi ni jikijmaye iyo ni ajnat, jiwoyeyi siunie 'yijie'nase'm ka woyeyi ni iyo ni i'nio' imosik, ti jla'am ti iniwojwa'n anechiyasa', siu'nie 'neje ti yiji na jloma, 'yina naka ti iniajne'n k'iye siunapo i'nio' je iyo kank'iuye niwa Sinia' jlamtis.

Efesios 4:20

Je niwak siuti ka atajlayiji pi Sijwajieti ti jini'neyasanayi.

Efesios 5:6

Ká ak'iuye siunapo ti iyotaja ka ink'emijieta siunapo jlamtis inkasi, tejnisieyi ti je ijiatk'i siunie ijwil ka woyi. Niwaka siuniwa ajwel'ni, niwak itione ni Sinia' jiwak siunapo i'nio' ti je its'iuye niwa Sinia' jlamtis.

Filipenses 3:2

Asosik enitiejyits'i'ni k'iye siunapo i'nio' iyo'ate niwa alenas, ti wuj ti je 'es siunie iyoyisi, kajeyepa ti ijialaskine napo ijia ka t'isie'n inewa'ak'i.

Colosenses 2:18

Ká ak'iuyeyeje siuti injwela ti ijwi'il astes po', napoka siunapo ti ijwi'il ka inijlasatisk'i isia'm, napoka siunapo ti ijiunitis napo injlojwajnas poli jlele, ti ijwi'il ka poye siuniwa ti'wenkinajam'ni, napoka siunapo ti initonitisi siuniwa ti jitienkiujnieyejes jlamis.

Colosenses 2:20

Aslaye iniuyi wita'm pi Sijwajieti ti 'ya'al, kajeyepa ti jiwoye masesie' jitieyi'i niwaka siuniwa injweyejes ti je 'yaka. 'Yina ¿yot'iyi'ni jiat'eje ti 'yiniye ka mawat je atajlajyi ni iyo pit ni ajnat, 'yina ti jik'iuyeyi siuniwa inamtis ti iyo'ate,

Colosenses 2:22

Niwak siuniwa inamtis ti ji'niayi je itio'yi paka injwe'el, jlaj po' kajeyepa ti i'nio' jika'neyasajnaye jiwek.

Colosenses 2:23

'Yaka ijiatayiji ka inses, kajeyepa ti i'nio' 'yijijie'ne ka tonitie pa Sinia', sekjane'yi ti janijlasat isia'm, siu'neje ti ja iliaki 'niwa 'najwes. 'Yina je 'yakajle'n niwaka siuniwa itiliaja ni i'nio'.

1 Timoteo 6:20

Timoteo, 'esiji ka lesaniji ni siunie Sinia' 'yaka ti je isiwita'a'm ti jawoyi. Ká ak'iuk'i'ni niwaka inamtis jiniliaja ti taj'l ape'e 'ni ajnat. 'Najane ti lajk'ipa ka 'esie ka intajleje, ni'ne ka niwakaye siuniwa wuj ti je isis iyone'ni 'ate napo i'nio' “'najankijnieye”.

2 Timoteo 3:13

Napoka siunapo ti je isis, siu'neje napo wuj ti iliaki napo ijia, jlam yamjliyi pet ti iyoyi siunie jiwet'ia ti wuj ti je 'es ni tijnats'i. Ijiate janlaki napo ijia, jlam'ne kiak jawoyi siunie jawoyi ti initonisi ni jiwet'ia.

Hebreos 13:9

Nit'onitiek'iye siuniwa inka'neyasajnayejes ka ne'yi pa siunie 'wenayiji ka pakaye ka intonajyi'n. Nak sitiliataja pet ka je akinieyi siuniwa jikeyis iyone napo i'nio' ape'e ni siuniwa inkas, 'yina siuniwa asosikis jawoyi jijweyeja' pet naka siunie Sinia' jikap'ijliuskiye iyo, kajeyepa ti siunapo i'nio' yame pet niwa ajwel'ni, je iniuyeje.

Hebreos 3:12

I'lijwas, joskiyeyi ma ja ke poyena'a pa ka ileyi pa Sinia' siuti kiak jawoyeyi, askiojwa'l 'wena jawonayi ilia'm, siu'neje ti ja ke ak'iuye naka Sinia' ti je paj ka inetia'n.

1 Pedro 1:18

'Najanayi pi jiwonayi ti Sinia' pajk'i ti injwajietayi siojokia as'wasankiye iyo ti jitiajlayiji puwa jikeyis t'ipi papo aska kijilas mases. 'Najanayi ti je japak lajaye siuniwa wask'i'nelaja je t'on'n janak injwajieti, ka janakaye wikinie maja ti 'najli, ni'ne ka janakaye wikiniet'aj.

2 Pedro 3:17

Jak je iyo, napo i'lijwas ti yimijna'yase'm, asa'am ti 'najanayi ta'a niwaka, nilesanayiji 'nakayijna'a siunapo i'nio' je isis ja ke ink'emijieta, jla'yi ti ja ke akiniek'isia'm ti iniuyets'i ni Saka'niona 'niayi.

2 Juan 1:8

Joskiyeyi, ja'nakayeyijna'a ka je inkajyina, ja ke injlankinayeyijna'a siunie jakajlayi ti jantajle ni Saka'niona Jesús.