Colosenses 2:5 - Sinia' Jlamtis 1994

⁵ 'Yina 'wanjliyi ti je ayeta'asap ti ya'am ti i'niok'i'm, lapakawo ti isiowe yi'asap. Ts'ajkaj'ni ti ajie'yase ti jiwoyeyi siunie jota tiwoki ti 'es, siu'neje ti 'yaka ti jitienkiujnieye pi Sijwajieti ti je kakiuye.

Colosenses 2:5 ပူးပေါင်းရင်းမြစ်များ

Hechos 2:42

Ilisanisiji siupa jika'neyasajnaye siojopo injlojwajnas, inik'isajasi siupuwa jikijmatis, yamjliyi ti iyoyis t'ajlayeja', jla'yi ti inikijwanis ti ti'yekiujni'n.

Hechos 20:21

Je sikip'e ti ajwejla'm napo Judíojos siu'neje napo je Judíojos, ti awone 'ate, “Woye asosikis ink'iejyisa', tankiunieyi pa Sinia' jlas Jesús.”

1 Corintios 11:34

Siuti inel'lia'n, 'yekiunta'a a'wete, ja'nakayeyi ti Saka'niona ja ke intajlat'ase'm siuti jawoyeyi siunie jiwonayiji'ni ti wuj ti je 'es, ti jinitotieyetak'i wita'm. Siuniwa ijia 'neje niwak jatiejieta pet ts'iji ka nak ijiotaja.

1 Corintios 14:40

'Yina 'najata ajloye'ase'm ka 'otatats'i siunie jiwoyeyi.

1 Corintios 15:58

I'lijwas ti yimijna'yase'm, tempi it'imina ti kiak awo'nase, 'esiji ka kiajatajak'i'ni niwa jlomas ti jawoyeyi ká aleyeyi, ja kat'ajayi pet ti jani'netie'yi siunie ti jiniuyeyeje ni Saka'niona. Jlam'ne 'najanayi pi jiwonayi siunie askijmaye ti jiwoyeyi ti asa'am ti Sinia' jilists'ase'm ti je wekie'e, laja po'.

1 Corintios 16:13

I'lijwas, asosik enatiejyits'i'ni, ke ink'asayik'i pijia'm ki iyo ni siunie astankiujnieye. Jwajla'a paka woyeyi, ká asa isia'm.

Colosenses 2:1

'Yina awotajank'iye ka 'najanayi paka wonayi ti ijiat ti anila'n astepe'e, siu'neje japo yiji jana Laodicea, wikie'eyi 'neje siojopo ti je itiant'iejesjlik'iji.

1 Tesalonicenses 2:17

I'lijwas, jakatajak'ipe ti ani'wena, 'yina itioyi'i kiwa jlomas ti je a'wena, je aleyi ti atankiu'niase'ni, ejlo'owek ti je ani'wenajata. Je aleyi ti anijnalas ti awotaja'ni kayik ka ijio'wase ka'wina kiu'ujwe.

1 Tesalonicenses 3:8

Kat'ajayi ti ijwilats'e'm ti wuj ti jini'netieyi pa Sinia', sekyi'i ti wuj ti kasts'akase'n.

Hebreos 3:14

'Esiji ka ani'netie pijia'm siunie iyo ni astankiujnieye ti 'es, jatiajlataja ki iyo ti 'nelanjie'e paj ka iwiekieyina'a 'niji jlaja, japakayeyi ti jawiekiap pa Sijwajieti.

Hebreos 6:19

Siu'nie sinijijwiye, 'naka ti 'yit pijia'm niwa sosikis, 'yina je tikiwitajayi. Iyoye 'ate siojona kasejkana ti po' siojona tejeye pet ti yajapajne'n 'yina janaka ti 'yit pijia'm ti titietajatajaja'm ni i'niat. Siunie sinijijwiye enaja naka ni Jesús, jla'am ti tojmap ts'iji ji'wechaja siupa tip'onajaja'm siojopa 'najla 'wet yi' poliyi. Jla'am ti iyo si'niayija' 'nakayi, kajeyepa jla'am ti pa'yijis jika anechiyas wuj ti ja ke paja kant'eki, iyot'iyipi pak Melquisedec t'ipi.

1 Pedro 5:9

Jotie', ni'neti pijia'm ki iyo ni astankiujnieye ti 'es, jlam'ne 'najanayi pi jiwonayi ti je asamkata siunie iyo ni asjlak'ali. Wikie'eyi napo as'lejwas yi' ape'e ni ajnat ti kia'iyo inilayiti siunie iyo ni asjlak'ali.