Colosenses 2:2 - Sinia' Jlamtis 1994

² Kiak aniwone 'nakayeyi ti ja wikie'eyeyi napo Sinia' jilis jijweye japoye niwa jlosikis, jla'yi ti janiwomk'i wita'm ti jawoyi ni jlemijnaye, 'nakayi ti jan'yakanis siunie 'wanjli wita'm t'ajankijnieye ti wuj ti laja po', siu'neje ti ja'najane paka iwonisi siunie Sinia' talk'i'ni ti je yin kisie'e, paka pi Sijwajieti.

Colosenses 2:2 ပူးပေါင်းရင်းမြစ်များ

Mateo 11:25

Jakayi ti Jesús iyo'ate ti iyo jlamtikie': —Awunit, Inia' ti a'am ti jika'niona'a'm ni poli jla'yi 'ni ajnat, kajeyepa jijwek k'iye siunapo i'nio' 'yijejne'n niwak siuniwa ti ijiatk'iji'n, siu'neje napo i'nio' je t'on ti t'eyasanajataja'n. Ji'wenkijna'm pet siunapo lajk'iyi pa ka iwo ti je 'yijejne'n.

Mateo 11:27

Yiyik'i ti kia'iyo, sekyi'i iyo'ne 'ate: —Inia' yikialk'i wikie'eyi niwak wask'i'nelaja. Lajk'ipa ka nets'e ka ijiatayiji ka intant'ieje ni Jlas, ijwienjli jla'am ni Jinia' ti 'yijene pi iyone. Jla'yi ti lajk'ipa ka intant'ieje ni Jinia', najataja jla'am ni Jlas ti itiant'ieje, siu'neje napo iyo ni Jlas ka intant'iejeniti.

Mateo 13:11

'Yina isiujlie japo ti iyo'ate: —Ti asa'am, Sinia' i'winki'nase'm ka intant'iejayi siuniwa yiji pet ni jika anechijiayas. Jlampet siunapo 'wenayi, Sinia' je iwijna'm ka 'najane niwaka.

Lucas 1:1

'Loj napo i'nio' ilisantaja'ni siuniwa iyopi ki awoki ti sa'am, ti iyotaja ka insesk'iyi,

Juan 10:30

Siunie Inia' jla'yi ti ya'am kasjwanjli.

Juan 10:38

Siuti ja 'yakajli ka ilisane, 'wanjliyi ká akima'yi ijyilia'm, 'yina ká akakiunieyi ni siuniwa alesane, 'nakayi ti ja'najanayi ti jlam je awo Inia' yi' iwia'm, kia'awo pet ajyi ni Inia'.

Juan 16:15

Wikie'eyi siuniwa yiyi ni Inia', isijmatis 'neje pet. It'imina ti kiak awo'najase ti awo'ate: siojona Sinia' jikimet ti 'es siuniwa janjwe'el ya'am ti jantalk'i, sekjane'yi ka injlasata'anie'ase pet, ka 'najanayi pet paka wonayi.

Juan 17:3

Ijiatjliyi, siojona in'wasankiye ti laj jlaja, naka siunie kantiant'ie'a, ti a'm ti injwanjli ti ijiateje ti Sinia'a'm, siu'neje kantant'iejesi ni siunie jijliu' naka Injwajieti Jesús.

Juan 5:17

Jesús iyone'ne 'ate japoka: —Jlam kia'iyo, siunie Inia' talk'i'ni ti isijme'n, 'yina kiak awo pet akijme'n.

Juan 5:23

ja 'nakayeyi ti ja tiwunitie ka iwoyena'a 'ate ni Jinia' ti intonitieye tena'a. I'nio' ni je iyunit ni Jlas, ja ke injwe'el ka pakataja ka inwunit pi Jinia' ti ijliu'.

Juan 6:69

Pajk'i ti ak'iukie, it'imina ti kastant'ie'a ti a'm ti Sinia' inlesa'n.

Hechos 4:32

'Yina wikie'eyi papo i'nio' Sinia' jilis ti je pini' ijniul wita'm, jitienkiujnieye ijwienjli. Lajk'ipa kawo'ate, “Siu'niwa a'we'en isijmatis ya'am.” Tepa jawo ka kiak je iwo ti ijniul wita'm papo i'nio', inik'isajasi siupuwa jikijmatis ti i'winis.

Romanos 15:13

'Esiji ka Sinia' siunie ti iyo sinijijwiyeja' ka imponit'i aswa'am siunie asnikanitieyi, siu'neje ni askamankiye, lapakawo ti naka jla'am siunie astankiujnieye ti 'es, ja 'nakayeyi ti siojona Sinia' jikimet ti 'es ti jijweye po', ja'nets'akanit ni asnejejwijiyeja'.

Romanos 16:25

¡Jajnotk'i'ni ti ja tiwunitie ni Sinia', etijnape pa Sijwajieti Jesús ti kia'iyo! 'Yina Sinia' jijweye po' kanoye'ase'm pet, ka wo asjweyeja', iyo siuniwa amtiyi siunie ti ijwi'il pa Sijwajieti Jesús. Nak siunie ti je tak'emisie'n siunie Sinia' ti je paj ka netia'n, je 'yakajanit'i ape'e talk'i'ni ti kia'iyo. 'Yina 'nakayi jiwekie'aja ti yin kisie'e pakayi ti jijliujwajnas jla'am ti yi'ik'i niwa jip'esijna'. 'Yina siunapo i'nio' itiant'ieje, kajeyepa ti Sinia' iyotajank'iye ka tijwelaja wikie'eyi niwa ajnatis, 'nakayi ti ja ke inkakiu jla'yi ti jank'iuye niwa jlamtis. ¡'Esiji ka jiwunitieyi tena'a ni Sinia' ti ijwienjli jla'am ti 'yije'en!

Romanos 2:4

¿Ent'a ijiate ti je wo lajaye ni siunie Sinia' jikap'ijliuskiye iyo ti je jlase', ti imp'elisi'n, ti wuj ti inilayiti ti its'iuta'ajap? ¿Ni'ne ka je 'najane paka wone ti jla'am ti tajle ni siunie jikap'ijliuskiye ti yinta'm, ka 'nakayeyi ka awo ajosik ink'ieye?

1 Corintios 14:31

Ijiatjliyi, wikie'eyi ti asa'am, ti po' siojona Sinia' jikimet iwi'nase'm, ka ajwelayeyi pijia'm siunie 'es ka woyeyi. Janjwanjlipe pa ka jankasit, paj ka inojwaye'yipe ti ja amtiye, 'nakayi ti jani'neyasanisi pet siupi ijwi'il, jla'yi ti janikelis ti iyoyisi ni 'es.

1 Corintios 2:12

Jlampet ti sa'am, Sinia' siojona iwints'e'm jikimet, je nak ka intajle ni ajnat, lapakawo ti iyo ka kastant'ieje siunie jikap'ijliuskiye ti wuj ti 'es, jak je iyoyiji ti a'wena niwa wask'i'nelaja.

Gálatas 3:28

'Yina je a'yena ka Judío pa, ni'ne ka nakaye ni je Judío. Je a'yena ka inkipinikie' pa, ni'ne ka jeye, siu'neje ka ayinieja' pa, ni'ne ka asejniaye japa. Kajeyepa siuti jini'nopijietayi ni Sijwajieti sekyi'i ti ijiatayi ti injwanjliyeyik'i.

Efesios 1:7

Jla'am pi Sijwajieti ti initojmat sitipe'e 'yina ti iyo kajwieye it'imina ti tisa'ni ki ji'woyis, sekyi'i ti initiajnata kiwa sakeyis. ¡Ijiate ti je jlase' ni jikap'ijliuskiye ni Sinia'!

Efesios 3:16

A'yasane siunie asjweyeja' ka intajleje siuniwa i'wi'in ti je jlase', ka ne'n aswa'm, lapakawo siojona Sinia' jikimet ti 'es janoye'ase'm.

Efesios 3:3

Sinia' 'yakajanitie siunie ti je iyo ka nen kisie'e, ti iyo ka woyi, sekyi'i ijwilk'i'm kats'ajane pet paka iyone, iyo siukia yiji ja jikiecha ip'isinik, ti jwamjla'a ti amtitieje.

Efesios 6:22

It'imina ti nak ajlojwi ka iwo jika'niyeja'ase, ka jwe'el siunie awo pit, jla'yi ka noye'ase'm.

Filipenses 2:1

Jakajliete, siuti Sijwajieti pak it'imina ki iyo ni yits'e ti sijweye po'; siuti anikimaja ni semijnaye, siu'neje ti japaka jla'am japa Sinia' jikimet ti 'es ti kasts'opijietk'i wita'm; siuti kasisk'i wita'm, jla'yi ti askap'ijliuskiye poye,

Filipenses 3:8

Nak t'an pijiame siunie ti sitiant'ieje pi 'Yaka'niona Jesús ti Sijwajieti, it'imina ti je pa awoye lajaye wikie'eyi niwak wask'i'nelaja, jla'yi ti jla'am ti it'imina ti aleyi. Lapakawo ti ajalas pet ka itiej naka ti e'nijiap pi Sijwajieti, it'imina ti 'nakayi awonayi 'ate ni jlolimak,

Colosenses 1:26

'Yina naka ni siunie ti Sinia' talk'i'ni ti ijwiki'n ti ijwikia'm napo i'nio', 'nakayi 'yakajanitia'm napo jilis.

Colosenses 1:27

Lapakawo ti Sinia' iyotajank'iye ka 'najanisi siunie ti jla'am ti jitienkiujnieye siunie ti ijwikia'm, naka ni siunie ti ijiate ti 'es, 'nakayi siunapo i'nio' ti je Judíojos ja 'esieyi. 'Yina siunie ti ijwik ti yin kisie'e 'nakayi, naka ni siunie jayo'ate, Sijwajieti yi' aska kiowe'e, 'yina siunie Sinia' jiwunitieye ti 'es ti anejejwiyejenk'iye jane'ne asap.

Colosenses 1:9

Ta'a ti awoki naka ti ajieye'ase'ni, je aleki ti 'ajlanaja'ni ti ajwelaja ni Sinia', 'nakayi ti jan'we'nase'm wikie'eyi siuniwa asosik iyo ka 'najane, siu'neje niwa iyo ka intant'ieje, sekjane'yi ka intant'iejayijijna'a siunie Sinia' iyo.

Colosenses 2:19

'Yina je isiene wita'm siunie jletik napo Sinia' jilis, ti jla'am ti 'yakojniejne'n, siu'neje ti 'yupijietk'i wita'm, 'nakayi ti ja kiajatajak'i'ni ti janjlas'ni pijia'm, iyo jla'am pi Sinia' iyo kawoyi.

Colosenses 3:14

Jla'm ijiatayi jla'am siunie ti 'yaka'm ape'e niwaka, ti jawoyeyi as'wuye siunie inka'namankiye. Kajeyepa ti naka ti ijiate ti ilie'nitk'i wita'm niwaka.

Colosenses 4:3

Kasts'ajlanayi pa Sinia' 'nakayi ti ja 'najlinit k'iye siunie inka'niye ti akiji'n, ti ijwi'il pa Sijwajieti. 'Yina siunie jika'niye naka siunie ti ijwik ti pajk'i, 'nakayi 'yakajanitie, naka ni siunie awoyi jika'niyejayi napo i'nio', 'yina naka ti it'imink'i ti ajyi jla'a insat jiwe.

Colosenses 4:8

Tempi it'imina ti nak ajlojwi ti janjwe'lase siu'nie awoyi, siu'neje ka inke'lase'm.

1 Tesalonicenses 1:5

Siuti anamaye'asejepi niwa Sinia' jlamtis ti isis, je 'nakata, siu'neje ki iyo ni jijweye jana Sinia' jikimet ti 'es, 'yaka ti ijiatk'i jla'am. Mejla'ala ka je 'najanayi siunie ti iyo ti si'wena ti a'yasap, kajeyepa ti ajalasa pet ask'ioye pa ka 'nisisieyi.

1 Tesalonicenses 5:14

Kia'iyo, i'lijwas, siunapo 'netaj ka inkimk'iji'n, jloye ka woyi ni jikijmaye. Siunapo t'ask'i isia'm ti isimtak'iji'n, noyeje. Siunapo laj jit'iuniye siupi ja k'iejliyeyi ti janeyi, 'esiji ka inilayiti.

1 Timoteo 3:16

'Yaka ti je jlase' ki iyo ni siunie je akakiunieje. Sinia' 'yakajanitts'e'm sa'am ni siunie ti 'es, ti iyo'ate: Sijwajieti ti inikajanitie, iniwojwa'n i'nioye, jlampet ti Sinia' iniujwata kisie'e, ti tajli ki a'no', 'yakaja ape'e pet ti Saka'niona, injlojwajnas poli jlele i'wi'in, sekyi'i ti tijwelajayi pet ape'e wikie'eyi napo i'nio' ti yi' ape'e 'ni ajnat. Ijiate je takakiunisi, siuti tikiniejayi 'niji poliyi, 'yina sekyi'i ti isima ilia'm, siunie 'es ti tiwunitie.

Hebreos 10:22

Jak je iyoyiji jajioki pi Sinia', ja'nialkitak'i na sosik, siu'neje na sitienkiujnieye ti 'es jalisanaja'n. Siunie iyo ti je akakiuk jajwienkitak'i, 'yina ke k'iejliyeyi paka iyoki sitienkiujnieyejak'i wita'm ka jiniliakie pa, lapakawo ti pajk'i siuniwa ts'ajwes ti tilijiki'n, ti tilijiki siunie i'niat ti 'es.

Hebreos 6:11

'Yina awotajan pet k'iye ka injwanjliyek'i'ni, ká aleyeyi ka niwa'asitiejyi'n siunie jiwoyeyi ti janikajanitieyi paj ka awayeyinie'e ni jlaj yi'i, 'nakayi ti ja wakajla siunie iyo ni asnejejwiye.

2 Pedro 1:10

Ijiatjliyi 'napo i'lijwas, ti asa'am ti Sinia' ta'nase jla'yi ti isi'mase, 'esiji ka katatayi niwaka, lesanayiji. Siuti kiak jawoyeyi, je pajna'a ka leyeyi ti janoyik'i ni Sinia' ji'niayi.

2 Pedro 1:3

Pa Sinia', ka lajak'i ki iyo ni jijweye, 'yina iwints'e'm wikie'eyi siunie iyo ni asetiana, jana si'wasankiye ti t'o'n ti kasjwesiejenk'iye, siu'neje ni siunie aniwonaja ti awunitie ti jla'am. Jlampa kastant'iejayiji pet, siunie tants'e a'wena ki iyo ni jijweye, siu'neje ni iyo ti taka'manisie'n ti ijwiejiete'n japo i'nio' ti je isis, Sijwajieti Jesús Sinia' jijweye yiyi.

2 Pedro 3:18

Ja 'wenajliyi ti asa'am ja ijiatayi ti ja intant'iejayi ni Saka'niona Jesús ti Sijwajieti, siunie jikap'ijliuskiye janoye'ase'm 'nakayi ti jakinieyi siunie 'es ti jawoyeyi. ¡'Esiji ka jlam kiajatajak'i siunie ti tena'a ti ijnonitieyi jajnok'i'ni! Amén.

1 Jn 3:19

Nak jant'emina ti ja kasts'ajane pi jayonaja ti atajlaje nak ijiatk'i, siuti jayoki, ja ke inikiwitajana'a jitieyi'i pi Sinia'.

1 Jn 5:7

Najape siuniwa 'yakajanit: