Colosenses 1:9 - Sinia' Jlamtis 1994

⁹ Ta'a ti awoki naka ti ajieye'ase'ni, je aleki ti 'ajlanaja'ni ti ajwelaja ni Sinia', 'nakayi ti jan'we'nase'm wikie'eyi siuniwa asosik iyo ka 'najane, siu'neje niwa iyo ka intant'ieje, sekjane'yi ka intant'iejayijijna'a siunie Sinia' iyo.

Colosenses 1:9 ပူးပေါင်းရင်းမြစ်များ

Juan 7:17

Siuti ja poye siunie janwo ni Inia' yi poliyi iyotaja ka inwo, sek jantaj'le ni i'nio' ti ja 'najane pa janwone, siuti ja ijiatayi ti jantalk'i, ni'ne ka intal Siniayi.

Hechos 12:5

Ijiatjliyi Pedro yi' insat jiweje, tokis i'yena ka je i'no'o, 'yina jlam t'aljlijyi'n papo Sinia' jilis, ti 'yejlanis ja jikiecha.

Romanos 12:2

Ke inteliaja siuniwa wask'i'nelaja a'wena siu'nie jloma, 'wanjliyi ka wo'ate pa, “jla'm ijiate siu'nie ti 'es.” 'Yina wo ink'ieye ni astankiujnieye 'nakayi ti ja'wena' jawo siunie jiwoyeyi, sek jane'yi ka intant'iejayijijna'a siunie Sinia' iyo kawo. Ka iyot'iate, ka intant'iejayiji siunie 'es Sinia' itiliaja, jla'yi ti tijnajyi.

1 Corintios 1:5

Siuti jini'nopijietayiji ni Sijwajieti, 'yina sektaj'le ti Sinia' wuj ti imp'elisina' ti iwi'nase'm ni 'es ti yijits'i niwa askiojwa'l. It'imina ki jiwoyeyi ti 'najanajyi'n, jak je iyoyiji'ni ti jiwoyeyeta asamtikieyi niwa Sinia' jlamtis, 'yina je int'ayeyiji'n.

Efesios 1:8

'Yina naka'ne ni siunie ti isiayi sitipe'e iwints'e'm ka kasts'ajajne'n, jla'yi ka kastant'ieje niwa wask'i'nelaja.

Efesios 5:10

Jalasa ka woyeyi siunie Saka'niona yimi'n ka woyeyi.

Efesios 5:17

Ká awoyeyi siunie ti laj lajaye, jalasa ka ijiatayi ka intant'iejayiji siunie Sinia' iyo ka woyi.

Efesios 6:6

Ká ajwankita siunie ti ijnonitieyi ti jik'iuyeyi, 'yina jwane'e siunie jiniwonayi ti Sijwajieti jikawosts'ase'm, ti jiwoyeyi siunie Sinia' iyo.

Filipenses 1:4

awoye'eje 'yejlayeja' astepe'e, jla'yi ti wuj ti ts'ajkaj'ni.

Colosenses 1:6

Naka ni siunie Sinia' jika'niye ti yi'ase. 'Nakayi ti'wena ti jlam yamjlijyi'n pet, ti iyo jlaye jayo, wikie'eyi ape'e 'ni ajnat, iyoye pet 'ate jiwoyeyi 'nakayi, tajlape ti k'iejli 'najanayi pi jiwonayi pi Sinia' ti takap'ijliuski, siu'neje ti ijiate ti imp'elisina'.

Colosenses 3:16

'Esiji ka siuniwa Sijwajieti jlamtis inejyits'i niwa asosikis, 'yina ja wujwa ka noye'ase'm. Siunie 'najanayi ninekiajlayi ti jani'neyasanayi, 'wenkinayi napo as'lejwas siunie tijnajyi. Siuti ja akelisienajyi'n, jonitie ni Sinia'; siuti ja inkasajyi'n 'esiji ka atajlatajia'm ni asosik; kiak jawojliyi siuti jawoye asts'ajlayeja'. Enayits'i siuniwa sálmojos, siu'neje niwa ijia inka'laja ti tajle siojona Sinia' jikimet.

Colosenses 4:12

Askiecha Epafras, Sijwajieti jikawo pet, itijwi'lase. 'Yina jla'am ti ini'net'i astepe'e ti 'najlanayi'ni pa Sinia', ka je aleyeyi ka k'iuyeyi siunie Sinia' iyo ka woyi.

Colosenses 4:5

'Ye'en, siu'neje ka anilesanayiji jitieyi'i napo i'nio' ti kakiujnietas. Ká akajyina japaka jlomaye.

1 Tesalonicenses 1:3

Siuti ijiate ti jikimayi ni astankiujnieye ti 'es, je pini' siuniwa askijmayejes ti isis niwa jitiajlayija'm. 'Yina siuti jikimayi ni asemijnaye, wuj ti jinilankinieyi ni askijmaye. Siuti ijiate ti jikajanitie ni jinijijwiyejyink'iye pi Saka'niona Jesús ti Sijwajieti, ijiate nak it'imina ti jini'netieyi, ejlowek ti wuj ti jinilayitieyi pi k'iejli ti aswet'iayeta. Ti a jitieyi'i pa Sinia', je paj ka sikiwaliyi'i niwak siuniwa isis ti jiwoyeyi.

1 Tesalonicenses 5:17

Je paj ka aleyeyi ti jiwoye asts'ajlayeja'.

2 Tesalonicenses 1:11

'Yina nak it'imina ti je paj ka iliki ti awoki'ni ts'ajlaye astepe'e ti ajwelaja pa Sinia', ka Sinia' i'notata' kajeyepa jlam jla'm ti ta'nase. 'Esiji ka jijweye inejni wikie'eyi siunie 'es ti jawoyeyi, siu'neje ni askijmaye ti 'es ti jitiajlayiji ni astankiujnieye ti 'es.

Filemón 1:4

Isiecha Filemón, ti awoyeta 'yejlayeja' sekyi'i ti atankiunie'eje ak'ioye, sekyi'i ti awo'ate “ijiatayijia'm” pi Sinia',

Filemón 1:6

Siuti ts'ajanayi pet pi awone ti nak jleki siunie awoki, ti sitienkiujnieye poyi pa Sinia', 'yina ijiatayiji pet ti akatate ti 'ajlan'ni, ti awo pet ka intant'ieje siuniwa isis wask'i'nelaja yits'e ti tajleje pit pa Saka'niona Jesús.

Hebreos 10:36

Siuti jinilayitieyi siuniwa ijio'wase'ni, 'yina wuj ti jisitiana siunie ast'oni 'nakayi ti jawoyeyi siunie Sinia' iyo kawo, siu'neje ti jataja' siunie ijwi'lase'm.

Santiago 1:5

Jane'yi pa ti asa'm ti jawo ka 'naja'n pet, 'esiji ka 'ajle pa Sinia'. Siunie jasetia'n Sinia' janwe'na'm. 'Yina Sinia' je yijna'm wikie'eyi napo i'nio' ti t'ajla pa k'iejliyi jla'am iyonayi pit, 'yina ti Sinia' jwajla'a je isitia'n.

Santiago 3:17

Jlampet siunapo ti ijiate ti tal Siniayi siunie iyo ti 'yije'en, napokaye pet ti kia'iyo ti siunie inia'an ti yiyi ti 'najleje'n ni jlosik; je ti'wena ka iwoyi jijliak'aliye puwa wask'i'nelaja, 'wenajliyi ti 'yakama; siupi ijia iyo kawoyi its'iuye. Takap'ijliuskijyi'n; je ti'wena paka jikeye ka je 'esie iyom wita'm papo 'namaja, jla'yi ti je yinjlajap naka nik'emijieye; isis napo i'nio'.

1 Pedro 2:15

'Yina nak Sinia' iyotajank'iye kawoyeyi ni 'es, ja 'nakayeyi siunapo i'nio' ti lajk'iyi pakawo, ti je 'yijejne'n, ja ke 'najanayisijpe siuniwa ji'lija jiniliaja ni janojwatits'i ka injwelis kanta'yi aselia'm.

1 Pedro 4:2

'nakaye'eje pet siunie iyoyi ni Sinia' iyone, je pa jlama ka iwoyi siuniwa itiliaja pet ka woyi 'ne ajnat'e.

1 Jn 2:17

Siunie ajnat ki iyo yamjliyi'iji ti jano'we, siuniwa tajla'm kiak janwo. 'Yina jlampet siunie i'nio' iyo niwa Sinia' iyo kanwo, nak ja ijnok'i'ni ti ja'wasana.

1 Jn 5:20

Siunie ti 'nes t'ipi pi Sinia' jlas, ti kastant'iejeniti pi Sinia' ti ijiate jla'am ti Sinia' kiak iyojliyi. Kasjwanjliyik'i siunie ti ijiate, ajwe'el ni jlas Sijwajieti Jesús. Jla'am ijiate jla'am ti Sinia', siu'neje ti in'wasankiye ti t'o'n.