Colosenses 1:3 - Sinia' Jlamtis 1994

³ Jak je iyoyiji ti awokietaja ni ts'ajlaye astepe'e, 'yina sinikanitieyi awenayi'ijyi pi Sinia', pi Jinia' pi Saka'niona Jesús ti Sijwajieti.

Colosenses 1:3 ပူးပေါင်းရင်းမြစ်များ

Romanos 15:6

Sek jane'yi ti asa'lap janjwanjli ti jawunitie pa Jinia' pa Saka'niona Jesús ti Sijwajieti.

1 Corintios 1:4

Je paj ka iliyi ti inikanitieyi awene pi Sinia' astepe'e, siu'neje ni iyo ti wuj ti imp'elisina', ka lajak'i jla'am pi Sijwajieti Jesús.

2 Corintios 1:3

Awunit pa Jinia' pa Saka'niona Jesús ti Sijwajieti, Sinia' ti wuj ti kasp'elisijne'n, jla'yi ti kasnejienk'i'ni pijia'm ti kia'iyo ti poyeta ni sijliak'ali.

Efesios 1:15

Jak je iyoyi siuti ajieye'ase ti jikinieyi ti ijiate ti jitienkiujnieyi ni Saka'niona Jesús, jla'yi ti asemijnaye jlena'yi wikie'eyi napoka Sinia' jika kia'lis,

Efesios 6:18

Je paj ka leyeyi ti jawoyeyi ni asts'ajlaye. Nip'elisine ni Sinia', jlomas niwa ajnajas ti janip'elisinayi, 'yina 'yaka po' janaka Sinia' jikimet ti 'es ti janoye'ase'm. Ni'netiejyi'n, ka ekiajlayisia'm siunie jiwoyeyi, ti jit'iejlana'ni wikie'eyi siunapo Sinia' jilis pet.

Filipenses 4:6

Ká awoye asjlak'aliye paka k'iejliyeyi ti potie, 'wenajliyi ka awoye astankiujnieyeja'. Jwelayi pi Sinia' pi nitia ti jisitiana', 'yina jajwanayi'ipe ni asnikanitieyi ti jawenayi.

Colosenses 1:13

Sinia' jla'am ti kasjwajiete siunie jijweye nak ajnatiok, sekyi'i ti kasjlasatayi pi jlas ti jleminik ni jika anechijiayas.

Colosenses 1:9

Ta'a ti awoki naka ti ajieye'ase'ni, je aleki ti 'ajlanaja'ni ti ajwelaja ni Sinia', 'nakayi ti jan'we'nase'm wikie'eyi siuniwa asosik iyo ka 'najane, siu'neje niwa iyo ka intant'ieje, sekjane'yi ka intant'iejayijijna'a siunie Sinia' iyo.

1 Tesalonicenses 1:2

Ti awokieta ts'ajlayeja', sitiej awunitie'ase'ijyi, sekyi'i ti sinikanitiejeye awenajayi'iji pi Sinia' astepe'e.

2 Timoteo 1:3

Ti awo 'yejlayeja', jloma ajnaj, itiej wuj'wa'ni, sekyi'i ti awoye'eje inikanitiejayi pi Sinia' ti 'Yaka'niona. Ka kia'awo ka poye paka k'iejliyeyi ka iyo 'yajwejliye, ti ijiate ti anoyeje, iyot'iyipi papo 'yaka kijilas mases.