Apocalipsis 7:4 - Sinia' Jlamtis 1994

⁴ Ape'yayeyi siojo nojwa'm siupapo 'yakajats'i, ciento cuarenta y cuatro mil (144.000) ti wikie'eyi ti tiwoma wita'm siunapo tajla'm siunapo Israel jika kia'lis ti 'lo'weje'n.

Apocalipsis 7:4 ပူးပေါင်းရင်းမြစ်များ

Mateo 19:28

Jesús isiujlie japo ti iyo'ate: —Ijiatk'i siu'nie jayo'nase, ka inetiejenie'e siojona jloma ti Sinia' janekiajle'e ti jawo ink'iejyisa' wikie'eyi niwa wask'i'nelaja, siojona jloma ti ni I'nio' Jlas jane'yiji'n siojona ji'wet ti 'es ti jawo anechiyasa', asa'am kiak jawoyeyi'iji pet. Jawaye'yiji'n niwak in'wetis itijwa'm sikioye times tom'niji ti jawoye anechiyasisa' pet, asa'am ti je liyejyin'ni ijyik'i. Japakayeyi ti siunapo i'nio' ti je pini', siunapo tajla'm napo itijwa'm sikioye times tom'niji Israel jilis, ti jane' askiajwe ti jawoye pet anechiyasisa'.

Lucas 14:22

Yam'ne siupa inkawo, 'yina paj ti 'nesat'ipi, ijwilayi pa jika anechiyas ti iyo'ate, “Ateme, 'ni 'yaka anechiyas, siunie jijliuk'i'm ka iyoyi, 'yina mawata'a je ijlien'ni jana 'wuk.”

Lucas 22:30

Kiak jawo'ojyi ja kijwanak'i ts'iji ti jayo anechiyasa', ka aye'yijinna'a siuniwa in'wetis ti jawoye anechiyasisa', jane'ya kiajwe siunapo tajla'm napo itijwa'm niwa sikioye times tom'niji Israel jilis.”

Hechos 26:7

'Yina wikie'eyi siunapo atajlaja pet siunapo itijwa'm sikioye times tom'niji Israel jilis yamjliyi'iji ti inijijwijyink'iye naka, niwa jlomas ajnajas kia'iyojliyi ti ijiunitis ni Sinia'. 'Na 'yaka anechiyas Agripa, 'yina kiak awo'ni pet, it'imina siunie iyonk'iji napo Judíojos.

Romanos 9:27

Siupa injwejlanik jiwo Isaías kiak iyo iyot'ipi 'ate ti ijwi'l papo Israel jika kia'lis ti iyo'ate: “'Wanjliyi ka je piniye, ka wo'ate siunie jolo' yiji ni tewuk, 'yina ja 'nak nojwaja'm jiwekie'eja napo janjwa'.

Santiago 1:1

Asampey, i'lijwas ti jlekiejyi'n ape'e 'ni ajnat, ti jiwoye 'ate siunapo i'nio' t'ipi ti je pini' Israel jika kia'lis ti tajla siupapo itijwa'm niwa sikioye times tom'niji jitise'l t'ipi. Ya'am Santiagok'i'm, ti Sinia' siu'neje pi Saka'niona Jesús ti Sijwajieti jikawok'i'm; yam ti ip'isinik siu'nie atajiet'ase.

Apocalipsis 14:1

Itiej atate 'neje 'niji, sekyi'i a'wena ja 'wolepo 'woma ti takasiti'n ape'e jlaja tikijnaki Sión, ijwienjli takasiti'iji'n japo ciento cuarenta y cuatro mil i'nio' ti tip'esina jawa jitiokiots'i'l jle' ja 'wolepo' ji'woma, siu'neje ni jle' ni Jinia'.

Apocalipsis 14:3

Jlajmiliet siojopo i'nio' ciento cuarenta y cuatro mil yilisisk'i siukia jika'le ti ink'ie' ts'e yi'i siujlieja ji'wet 'ni anechiyas, yi'i 'neje siojowa pini' Sinia' jilisajna' jitiete 'lo'weje'n, siu'neje japo i'nio' siojopo jwajla'a iyots'i'ni. 'Yina lajk'ipa ka inets'e ka 'najank'i ka inene siukia inka'le ink'ie' 'wenajliyi jlamis siojopo ciento cuarenta y cuatro mil i'nio' ti Sinia' pajk'i ti ijwiejiete'n ti tajla'm napo siunapo i'nio' yi' ape'e 'ni ajnat.

Apocalipsis 7:5

'Yina doce mil siunapo i'nio' tajla'm pet siunapo Judá jika kia'lis ti 'yakajats'i, doce mil siunapo tajla'm pet siunapo Rubén jika kia'lis, doce mil siunapo tajla'm pet siunapo Gad jika kia'lis,

Apocalipsis 9:16

'Yina kiak amit isia'm siojo nojwa'm japo tokis siojopo yik'i a'lentasts'ape'e doscientos millones ja nojwa'm.