Apocalipsis 22:15 - Sinia' Jlamtis 1994

¹⁵ Jlampet siunapo ti ijiate ti je isisi ti iyoyi ni siunie je 'es, ja 'wanjliyek'i kisie'e, siu'neje napo ti iniwojwa'n aye'wulisie', siu'neje napo ijia jwa'yis jiwos, siunapo kalankijietas, siu'neje napo ti jitiej iyoma siuniwa iyo jika diosisa', wikie'eyi 'neje siunapo ti yimi'n ti ik'emijietk'i napo ijia.

Apocalipsis 22:15 ပူးပေါင်းရင်းမြစ်များ

Mateo 7:6

Ká awejna'm niwa alenas siunie ti t'otata k'iye pa Sinia', 'lojwinie'e ka inta'yi ajelia'm sekyi'i ka inokieja'nina'a sekyi'i jank'isate'n ni 'asie'n. Ká atatayiji niwa ijnisies jitio' siunie k'iejliyi ti 'es, 'lojwinie'e ka int'ask'i'ni.

Mateo 8:12

Jlampet siunapo i'nio' ti Sinia' iniajnat ti iyotaja ka ine'ne ni jika anechijiayas, napok intatayijinie'e ni ajnatiok ti yi' kisie'e, siunie jane'yi niwa lajlasa ti jawujwa ti ja a'tieja.

Juan 8:46

“¿Tepa jane'yi pa ti asa'am, ka inkajanit itipe'e ti po' pa awoyi 'yake'? Siuti ijiatk'i siunie ajwe'el, ¿yot'iyi'ni ti sakakiuye?

Hechos 8:11

Ijiate itioyi'i ti kia'iyo, ti aye'wu 'yakajmank'iji'n papo i'nio', jak je iyoyiji ka je ink'iuyisieje pa aye'wu.

Filipenses 3:2

Asosik enitiejyits'i'ni k'iye siunapo i'nio' iyo'ate niwa alenas, ti wuj ti je 'es siunie iyoyisi, kajeyepa ti ijialaskine napo ijia ka t'isie'n inewa'ak'i.

Colosenses 3:6

'Yina niwaka ti itione napo i'nio' ti je iyoyi niwa inamtis ni Sinia' jiwak,

1 Timoteo 1:10

siu'neje napo 'yu'ni, siu'neje napo iyoyi ni je 'es ti ayijniesk'i wita'm, siu'neje napo i'nio' ti isi'mik'i napo ijia ti iyo jikipijnasa', siuti iwin'ni wikiniet'aj ikajlayiji. Kia'iyojliyi siunapo sintijyis, siu'neje napo ti ijwil ti ijiate siupi iyo ti ijwil kan'wenis, jlam'ne je ijiatk'i; napoka napo ijiate ti 'yakaja'a pet ti teje'yi ilia'm naka ni siunie 'es inka'neyasajnaye ni tajle pi Sinia'.

Apocalipsis 18:23

Ka kia'iwo'nina'a ka 'nakaje japa katesa' ka ti'wenaja'ni kanla'na ti a'm; siu'neje ti tijwa'yiyetak'iji'n napo i'nio' ti kijlamiyija'm ti iyo jiliakijnieyeja' ti to'ma; kiak ja ke iwo'ni ka tipe'yaki'ni. 'Wanjliyi kiak iyoyetaja pit napoka inak jiwos yi' ape'e 'ni ajnat ti jwajla'a iyoyetajats'i'ni pet, 'yina je wojliyi ti jiliaki 'yina ti jika'm ape'e, kajeyepa ti aye'wukia'm.”

Apocalipsis 21:27

Siunie ti t'ojli ja ke ijnojwa'm, ni'ne ka nakaye ti ti'niachiki, ni'ne ka nakaye siunie ik'emisijnaye. Ja napokataja jla'am siunapo ti jleyis yi'i siunie imp'esinik ti 'wolepo 'woma jip'esinik, jleyis yi'i napo ji'wasankiye ti t'o'n po'.

Apocalipsis 21:8

Jlampet siunapo ti t'otale je t'ojni'n, siu'neje napo kakiujnietas, siunapo ti ijiat ti 'yakama ape'e niwa jikeyis ti je isis; siunapo i'nio' kalankijietas siu'neje napo ijia jwa'yis jiwos, siu'neje napo ti iniwojwa'n aye'wulisie', siu'neje napo ti jitiej iyoma niwa k'iejliyi ti iyoyi jika diosisa'; siunapo ti sintijyis, 'yina wikie'eyi napoka ti jajnoyi siunie jwat ti isa ape'e ti iyo'ate ni tewuk iliyi ti yat'e azufre. Naka jana 'najlati ti tomik'i siojona inia'an.