Apocalipsis 18:24 - Sinia' Jlamtis 1994

²⁴ Siunapo Sinia' jijwejlanawos, siu'neje napo Sinia' jika kia'lis ji'woyis yiji janak isi', wikie'eyi 'neje siunapo ti kia'iyo yi' ape'e 'ni ajnat ti tilianaja'n.

Apocalipsis 18:24 ပူးပေါင်းရင်းမြစ်များ

Mateo 23:27

“¡Aswet'ia japoye, asa'am Fariséojos siu'neje ti asa'am ti jiwosts'ase'm pet nak Moisés jika'neyasajnaye! ¡Ijnoski'lanajyi'n wata'a! Jiwoye 'ate niwa t'o'l napo i'nio mases ti isis jiwek kisie'e ti jikie' t'elinak'i ti lemi. Jlam'ne ki iyo ni jitiowaja'm ineli 'nejie'e niwa tipoyiji, jla'yi ki iyo ni jisiuti.

Mateo 23:35

'Yina naka'ne siunie Sinia' jantajlat'ase'm ti jansa'ase'm wikie'eyi siukiapo i'nio' ti isis ti tilianajan'ni, tajlap'e pa Abel t'ipi, siupi i'nio' ti 'es t'ipi, paj ti yiyet'iyipi pa Zacarías, Berequías jlas, siupi jilianat'ipi ti jlenayi ts'e yi'i japa altar, jik'ioyi japak Sinia' ji'wuk siupa ti tilisana.

Hechos 7:52

¿Tepa yi'i papo injwejlanawos t'ipi aska kijilas je iyo wet'iaye? Lajk'iyi pa ka nayisi'i kiapo injwejlanawos ti ilianisi'n, siupapo inianta k'iye siupa ijiate ti 'es. Jlajmiliet ti 'nesa, jlekiajlaye, sekyi'i ti jilianaye.

1 Tesalonicenses 2:15

Napok Judíojos ti takajlunt'iyijpe pi Saka'niona Jesús ka tiliana, iyot'iyipi jla'am papo kijilas t'ipi ti iliajnen'ni papo injwejlanawos, je 'wena papo ka kassot'ni napoka. Siuti kia'iyo, 'yina wuj ti ijwisi'n pi Sinia', jla'yi ti je ijwienjli paka inta'yi ilia'm, wikie'eyi ti teje'yi ilia'm.

Apocalipsis 11:7

Jantemisiji ti jawoyis jika'niyejayi papo tijliuki, sekjane'yi ka inoyena'a kisie'e siunie pinitiok ti jantalk'i siunie kiawe ti je ti'wena k'ioyi, ti jant'ekiye napoka, sekjane'yi ka ilanajanna'a 'yina ti ja ke intayisi.

Apocalipsis 16:6

Napo i'nio' isia'ni kia ji'woyis kiapo ales pet, siu'neje kiapo ajwejlanawos, 'yina 'nakayi ji'yayijni ni in'woyis napoka. ¡'Esiji lapakawo ti jla'am je wo siunie jiwone!”

Apocalipsis 17:6

Sekyi'i ti jiwekie'aja ti atejnisie jlajak i'nioki ti jitiej je 'esi, ti ijiume pa ji'woyis siukiapo Sinia' jilis t'ipi, siu'neje kiapo ti tenaja ape'e ni Jesús ti iyoyi jlamtikie' ti tilianaja'n. Ka iyojliyi pa ti a'wenayi.

Apocalipsis 19:2

Tijnajyi siunie ti i'ye'en ni i'nio' pi iyoyi, siu'neje ti je tak'emisie'n jiwek, 'yina isie'e siojona asejnia ti ijia jwa'yis jiwoki ti ijiuski'la'n, ti siunie ajnat init'ojliniti ni jloski'la iyo; iyoyi pet lajaye siukiapo Sinia' jilis mases ti iliajne'n.”