Apocalipsis 18:14 - Sinia' Jlamtis 1994

¹⁴ 'Yina siunapo inak jiwos ka kiak iwonayisinie'e 'ate janaka isi': “¡Siuniwa k'iejliyik'i akas ti ijiat ti akas'nipe, lajk'i puwa ka ine'ya! ¡Jinitiajnat ti jinitiajnat siukiwa iyopi kiwa akijmatis ti isis, siu'neje ti jiwoyipi ti in'wasanjli kiu'ujwe ti ijiate ti i'nes, ja ke pajna'a ka ekiajle'e ka api pijia'm!”

Apocalipsis 18:14 ပူးပေါင်းရင်းမြစ်များ

Mateo 11:8

¿Jiwoyet'itiemi ka 'wena siunie i'nio' ni ji'wuye niwa je niliaja ti isis, ent'a naka? Je int'ayeyiji'n, siunapo i'nio' ji'wuye kia'iyo ti isis napoka napo yijits'i niwa 'wuki'l, ji'wuki'l napo i'nio' anechiyasis wus.

Lucas 12:20

“'Yina Sinia' ijliuyi'ni ti iyo'ate, “¡'Ne'lia'm! Siu'nie ajnaj ja'na'al, siuniwa wask'i'nelaja jlents'e, ¿tempa ja jikimita'?””

Lucas 16:25

Abraham isiujli ti iyo'ate, “Yas, atajkiamkiu' wunitk'i, ti in'wasa'n wujwat ti 'es kajeyepa ti jwajla'a je sitia'n. Jlampet ni Lázaro wuj ti je 'espe pet ni yiyi. 'Yejne'n siuti 'nak yi'i 'yakama, tijwajyi siukia jiwet'ia ti inilayiti, jlampet ti a'am jlejyi ni alaye.

1 Corintios 10:6

Kiakjini iyopi pakayi lapakawo ti 'esiji ti po' sik'ioye kiaka, ja'nakayeyijna'a ti ja ke ijyiwitak'i siunie iniwont'iyisijipi ti itiliajasi siunie je 'es, siupi iniwont'iyisijipi ti iyoyi ni je 'es.

Santiago 4:2

Jlalasajyink'iye ka'wena' siunie inteliajayi, 'yina je ji'yakana'. Jikalankiyejyi'n, 'wena iyo ka woyejliyi pa ka'wena' pet niwa isis ti yiyi ni askiecha niwa i'wi'in. 'Yina siuti je siakana paka kia'iwo ka 'wena, sekyi'i ti nak tajlayiji'ijyi ti jitieyets'i wita'm. Je paj ka'wena' siunie jiwoyejyink'iye ka'wena', kajeyepa ti je t'iejlayi ni Sinia'.

Apocalipsis 18:13

siu'neje niwa wask'i'nelaja ti jini inkajk'i, siuniwa canela, siuniwa incienso, siunie mirra, siunie ti tini'nelinaja'ni jini inkajk'i; siu'neje ni at'es, siunie impe', siu'neje ni niwakiwamak siunie 'es, siu'neje ni ipiatatiok t'ejes 'wanjle'e; siu'neje niwa inlajwas ti inkijmaye wos, siu'neje niwa 'wolepo', siuniwa a'lentas siu'neje niwa kaletajas, siu'neje napo inkipijnas ti iwinis'ni jlam'ne i'niolata.

Apocalipsis 18:15

Jlampet siunapo ti jwajla'a i'wine jakiak isi' siusie ja k'iejliyeyiji ni jankasitisijyi'n, lapakawo ti ja ke injweyisi siunie jiwet'ia jawo ti ja tisiejek'i, janapajanna'a ti jitiej janenisi 'ate,