Apocalipsis 16:14 - Sinia' Jlamtis 1994

¹⁴ 'Yina jawak imose'l i'nisatk'i puwa k'iejliyi ti iyo ka inesi'lietk'i napo i'nio'. Sekyi'i ti yamak'i'ni napo i'nio' anechiyasas ti ijiut wita'm ti yi' ape'e 'ni ajnat ti itiejiete wita'm ni Sinia' ti inilajne'n, ti lajk'ipa ka ijnojliji, siuti janeyi janaka jika jloma ti ijiate ti jwesieje.

Apocalipsis 16:14 ပူးပေါင်းရင်းမြစ်များ

Mateo 24:14

Jlampet siunie inka'niye ti 'es ti ijwil ki iyo nak Sinia' jika anechijiayas jantej'w ape'e 'ni ajnat ti ja tijwelaja ape'e, ja 'nakayeyi ti wikie'eyeyi napo i'nio' yi' ape'e 'ni ajnat jampe'ya pet. Jiwekie'ajana'a ka ajnat ino'we.

Mateo 24:24

Sekyi'i ja 'naka'aja siunapo i'nio' ti janjwel ka nakaye injwejlanik jiwo, ti ja ke piniye siuniwa jan'wenki'n, ti jankelitk'i napo i'nio', siu'neje napo i'nio' Sinia' pajk'i ti i'winakit ti isi'mik'i, jawo pa jawo ka inkajli ka ink'emijiet, ni'ne ka jeyena'a.

Marcos 13:22

Kajeyepa ti jana'am siunapo ti janijwe'el ti janapokaye Injwajieti ti Sinia' jijliujwanik, siu'neje napo ti janijwelis ti janapokaye Sinia' jijwejlanawosa', 'yina jan'wenki'n siuniwa ti janesi'lietk'i napo i'nio', ti janwo ka ink'emijiet napo siunapo Sinia' pajk'i ti isi'mik'i, janwo pa jawo ni'ne ka je inkajlits'i.

Lucas 2:1

Puwak siupuwa jlomas ti Augusto, siupa anechiyas Roma jlele, takajlunie ka tetinak'i wikie'eyi papo i'nio'.

Juan 8:44

Imosik jilists'ase'm, siuti jitiajlayi, it'imina ti jiwoyeyi siunie iyo kanwo. Siunie imosik ti 'nelanjie'e ta'a ti tajlap'e ti iyo kalankijietaja, je paj ka ijiatak'i pa kanwo, lapakawo ti ijiateje ti yinjlajap siunie je ijiatk'i jitiowiji. Siuti ijwilata siuniwa sintijieyis, 'yakaja'a ti jla'am, jla'yi ti jla'am ti jinia' niwak sintijieyis.

Romanos 1:8

Janiajnat ti inikanitiejeye awene pa Inia' astepe'e, ka lajak'i ni iyo pa Sijwajieti Jesús, kajeyepa ti ijiok'i'ni ape'e 'ni ajnat ti ti'niejenaja pa tiwonaja siunie iyo ni astankiujnieye ti 'es ti jiwoyeyi.

2 Tesalonicenses 2:9

Siunie jawoyi pit naka i'nio' laj t'otaliye ka 'nesta, ja ke jlasiye ni jijweyeja' pet ni sitiejiejwa ni imosik ti janamik'i, siu'neje niwa jawo ti jankelitk'i napo i'nio' ti jan'wenki'n. 'Yina jlam'ne jlajma jawoyi siunie jawo.

1 Timoteo 4:1

'Yakajk'i ki iyo jana Sinia' jikimet ti 'es, ts'iji jlomas niwa tome jlaja japoye siunapo janleyi ni inamtik, ja 'wenajliyeyi jlam ti janeki ki iyo niwaka siuniwa imose'l, ti jank'emijietk'i napo, jla'yi ti janeki ki iyo siunie t'eyasajnaye niwaka.

Santiago 3:15

Kajeyepa siunie 'najankijnieye ti kia'iyo, je tal Siniayi. Tajle ni i'nio' ni jitienkiujnieye jla'yi ti tajle jla'am ni imosik.

1 Jn 5:19

Kia'iyojliyiji 'niji kasts'ajane pi awonaja ti atajlaja pi Sinia'. Jlam pet siunie ajnat yi kiajwe ni jijweye ni imosik.

Apocalipsis 12:9

Sekyi'i ti totieja kisie'e ni ajliutietiok, siojo ti 'nelanjie'e iyot'ipi injlatiokie'; Imosik, jle' 'neje ni iyo'ate Sitiejiejwa, siunie ti ik'emijiet wikie'eyi napo i'nio' yi' ape'e 'ni ajnat. Tijwanaja'a papo jikawos injlojwajnas poli jlelejimpe ti 'nelanjie'e, ti titietajak'i isia'm ajnat'e.

Apocalipsis 13:3

'Yina jletik ijwienjli jlaja ti ijiate ti jet'i 'esijipe siukia jikiet'i iyopi, je 'yu'we ti 'wanjle'e kajeyepa, 'yina 'napejli jiwek. Jak je iyoyiji napo i'nio' ti i'winayis jnots'inayijits'i'ni, wikie'eyi napo yi' ape'e 'ni ajnat yamayisk'ijin'ni.

Apocalipsis 16:16

Siojo ajnat yi'i ti ijiut wita'm napo anechiyasas siojowa imose'l jle' iyo'ate Armagedón, Hebreo ji'lij.

Apocalipsis 16:7

Sekyi'i ti ape'yayeyi pa ina'lap ti tome jlaja altar ti iyo'ate: —Ijiate ni Ika'niona, Sinia' ti lajk'ipa ka ijnojliji, 'yina siunie sajkinaye iyoyi tijnajyi, siu'neje ti je kak'emisie'n.

Apocalipsis 17:14

'Yina papoka'ne ti janilanisi ni 'wolepo 'woma. Siunie 'wolepo' ji'woma, siu'neje napo je iliyi ni Sinia' jla'yi ti pajk'i ta'a ti isi'mik'i, siu'neje ti tanits'i, kantojmatayisijna'a isia'm papoka. Lapakawo ti siunie 'wolepo 'woma naka ti yi' ape'e papoka inka'nionas, siu'neje papo anechiyasas, kia'iyo jika anechiyasis pet.”

Apocalipsis 20:8

Sekjane'yi ka inekiena'a ti janekk'i'ni napo i'nio' ti yijits'i niwa ajnatis ti jankajmank'iji'n. Jank'emijiet siojona Gog, siu'neje jana Magog. 'Yina jajnotiena'ak'i wita'm ti jantajietk'i wita'm ti janilajne'n, 'yina ja ke piniye napo i'nioye, jawo'ate ni jolo' yi'i ni i'niat lajlik'i.

Apocalipsis 3:10

'Yina siuti jik'iuk'i'm siunie awo ka woyi, siu'neje ti je liyi, nak jant'emina pet ti ja'ye'na'm ka inetiejenie'e siojona jloma siunie ti ja wujwa ti ja a'tiejak'i ape'e 'ni ajnat ti jajnejlit napo i'nio'.

Apocalipsis 6:17

Lapakawo ti yiyi siojona jika jloma pet nak insajkinaye ti wuj, 'yina ka kia'iwonie'e ka poye pa ka into'm ilia'm naka.