Apocalipsis 14:13 - Sinia' Jlamtis 1994

¹³ Jakayi'ne ti ape'yayeyi pa ina'lap tom poliyi, ti iyonk'i 'ate, ti ijliuyijk'i'm: —'Ete'e siu'nie: 'Nakayi, jajnok'i'ni ti kiak jawoyi ti Sinia' jikap'ijliuskiye janeyi napoka ti 'yajlap ni Sinia'. 'Yina siojona Sinia' jikimet ti 'es iyo'ate: —Ijiate, lapakawo ti niwaka jla'am niwa iyoyisi ti je niliaja, 'yina niwaka'ne ti jant'emina ti janinop'itisi ni jikijmaye.

Apocalipsis 14:13 ပူးပေါင်းရင်းမြစ်များ

Mateo 3:17

Sekyi'i ti pesiejat'iyipi pak ina'lap ti tom poliyi ti iyo'ate: —'Nak siu'nie yas ti yiminik, wuj ti ts'ajka'a.

Lucas 16:25

Abraham isiujli ti iyo'ate, “Yas, atajkiamkiu' wunitk'i, ti in'wasa'n wujwat ti 'es kajeyepa ti jwajla'a je sitia'n. Jlampet ni Lázaro wuj ti je 'espe pet ni yiyi. 'Yejne'n siuti 'nak yi'i 'yakama, tijwajyi siukia jiwet'ia ti inilayiti, jlampet ti a'am jlejyi ni alaye.

Lucas 16:9

Jayo'nase 'ate, 'esiji ti jikienayi niwak jikijmatis pet ni ajnat ni je 'es, ja'nakayeyijna'a ti japoye napo asjajnajwasa', 'wanjliyijna'ape ka no'we niwa askijmatis 'ne ajnat'e, 'yina ja 'ajla ask'ioye ts'iji yi'i niwa 'wukiu'ul siuniwa je paj ka netia'n.

Romanos 14:8

Kajeyepa ti siuti kas'wasajne'n nak atajietajape ni Saka'niona ka iyunitie. Siuti kasts'ajle'n kia'iyojliyi, atayeje pet ni Saka'niona ka iyunitie. Jak je iyoyiji siuti si'wasankiye jla'yi ti saj po', 'yaka ti nak atajlaja ni Sinia'.

1 Corintios 15:18

Siuti kiak jiwoyeyi, siupapo 'yalt'ijyimpe ti kia'iyo je 'yakakiuyis pi Sijwajieti, 'yajle'n ti 'yajlene.

1 Corintios 15:20

'Yina ijiate ti Sijwajieti iniu kisie'e ti tajli pi a'no', 'yina jla'am ti iniane k'iye siunapo 'yajle'n ti kia'iyo janok'i kisie'e ts'ijiye.

1 Corintios 15:58

I'lijwas ti yimijna'yase'm, tempi it'imina ti kiak awo'nase, 'esiji ka kiajatajak'i'ni niwa jlomas ti jawoyeyi ká aleyeyi, ja kat'ajayi pet ti jani'netie'yi siunie ti jiniuyeyeje ni Saka'niona. Jlam'ne 'najanayi pi jiwonayi siunie askijmaye ti jiwoyeyi ti asa'am ti Sinia' jilists'ase'm ti je wekie'e, laja po'.

2 Corintios 5:8

Je anikiwita, siu'nie sosik awonaja pit, je ajwela ka je itiajlaja ni siunie ts'isie'n. Jatiajlaja, sek jane'yi ka ijiokieyinie'e pi Saka'niona.

Filipenses 2:17

'Wanjliyijna'ape ka siliana, 'yina siunie i'yoyis 'yiniyijna'a ka ji'wet injwanjliyi ti ja tisiajietaj'ni ape'e ni siunie astankiujnieye ti 'es ti jiwoyeyi Sinia' ji'wajieta'. Wuj ti ts'ajkaj'ni ti kia'iyo, 'yina kiak jawoyeyi pit 'esiji ka anikanitie'ni.

1 Tesalonicenses 4:14

Iyo'ate ti je akakiunieje pa Jesús ti ijiate ti 'ya'al jla'yi ti iniu kisie'e ti tajli pi a'no', Sinia' janeki napoka ti pajk'i ti 'yajle'n ti je 'yakakiu ni Jesús jla'yi ti janojwa'n kisie'e ni jantajli ni a'no'.

1 Tesalonicenses 4:16

Japoye siupa ja ina'lapa' ti ja tipe'yak ti ja jwesiejayijk'iji'ni. Japakaye pi injlojwajnas poli jlele jika anechiyas ti jantamti, siu'neje japa Sinia' ji'woso' ti wakiak'iu'. Sek jane'yi ka inamana'a ajnat'e pa Saka'niona ti jantal poliyi. 'Yina papoka siupapo pajt'ik'ipe ti 'yajle'n, ti je 'yakakiu pi Jesús, papok jana'an ti janok'i kisie'e.

1 Tesalonicenses 5:10

Jla'am ti iniwen sitipe'e, jak je iyoyiji sam pet ti kas'wasajne'n, ni'ne ka pajak'i ka iliki 'ni ajnat, ka'nesta ijiate jawiekiap jajnok'i'ni niwa jlomas.

1 Timoteo 5:24

Po' napo i'nio' iyoyi ni je 'es, 'yina 'yaka ta'a ape'e niwa jikeyis, jlam'ne je ti'yenajli'ijyi. Po'neje siunapo je 'yaka ape'e siunie iyoyi, tejeye pet siunie jloma ti ja ti'yena ts'iji.

1 Timoteo 5:25

Iyoye'ate siuniwa iyo ni i'nio' ti isis, lajk'ipa ka imp'one pet. Jlampet siuniwa je 'yaka ape'e je ijiat ka je 'nakaja ape'e pet ts'iji, ja lajak'i paka imp'one pet.

Apocalipsis 1:11

ti iyonk'i 'ate: —'Ete'e siuniwa ji'we'en, 'yina e'ne pa imp'esinikie. Sek jane'yi ka jloyeyinie'e siunapo Sinia' jilis yiyits'i siuniwa ji'wetis ijwienjli sikio' itij'we times tom'niji yiji janaka ajnat Asia: Sinia' jilis yiji jana Éfeso, siunapo yiji jana Esmirna, siu'neje jana Pérgamo, siojona Tiatira, siojona Sardis, siu'neje jana Filadelfia, janaka 'neje jla'am siojona Laodicea.

Apocalipsis 10:4

Jak je iyoyi siuti ape'yayeyi, awoyetaja ka 'yite'e kiwa jlamtis iyo. 'Yina je 'esiji ti ape'yayi'iji pi ina'lap tom poliyi ti ijliuk'i'ni, ti iyonk'i 'ate: —Je'e, ke 'ete'ena'a. Siojo iyo siojowa jipe'ya ti tajla'm niwa ijwienjli sikio' itij'we times tom'niji isiumtijniyis. Ká ajwel'nina'a. 'Otat.

Apocalipsis 11:15

Sekyi'i siojo injlojwanik poli jlele ti tomayi jlaja, jlampa ijwienjliye 'ni sikio' itij'we times tom'niji japo yam'niji, ti ti'wosojyi'n, 'yina pesiejayi papo tom'niji poliyi, jla'lap ijiok'i'ni ti iyoyits'i 'ate: “¡Siunie ajnat wikie'eyi siuniwa isie pet ape'e 'nakayi yi kiajwe pet ni jijweye ni Saka'niona, siu'neje ni Injwajieti ti jijliujwanik. 'Yina napoka ti anechiyasas jajnok'i'ni ti kiak jawo!”

Apocalipsis 11:19

Jak je iyoyiji yajmi wek 'niji kiaka, sekyi'i ti 'ajlaja'm ja ji'wuk kiwet jlaja Sinia' ji'wuk yi' poliyi, sekyi'i ikajayi jlaja a'la' t'aj siujlieja ti 'yakajanitk'i siupa iyot'iyipi pa Sinia' ji'lij, ti yi' kiajwe jlajak Sinia' ji'wuk. Sekyi'i ti poye siojowa tak'ajyits'i siu'neje puwa ina'lapis ti pesieje, siu'neje ti yek'isia'm, siu'neje ti ajnat ti'wesi, siu'neje ti je jlase' jawa alatiu'.

Apocalipsis 16:17

Sekyi'i ti yiye pit siojo injlojwanik poli jlele tome jlaja ti jlampa ijwienjli sikio' itijwa'a times 'neje niwa tom'niji, isiaye pet isia'm siojo yiji jlajak inat jiwe, 'yina ts'e yi'i siujlieja Sinia' ji'wuk yi' poliyi siupa ina'lap ti pesieje tajla'm siujlieja in'wet siujlieja anechiyas ji'wet, ti iyo'ate ti pesieje: —¡Wakal!

Apocalipsis 19:9

Sekyi'i injlojwanik poli jlele iyonk'i 'ate: —'Ete'ena'a siu'nie: Sinia' wuj ti jikap'ijliuskiye yi'ne siunapo ti jla'am ti i'yasits'i ka ijnoyi siunie jiliakijnieye ni 'wolepo 'woma, ti iyo'ate siunie i'nio' ti tijwa'yi. Sekyi'i injlojwanik poli jlele yine ape'e, ti iyo'ate: —'Niwak jla'm ijiate ti Sinia' jlamtis.

Apocalipsis 2:1

'Yina iyone'ne 'ate: —'Ete'e siu'nie, sek jane'yi ka jloyeyinie'e siunie jijliujwanik pet siunapo Sinia' jilis yiji jana isi' Éfeso: “Jlamtis siojo ijwienjli sikio' itij'we times tom'niji jawa katese'l siuniwa yi' poliyi itiujmat 'niji jijweye ti isi'me, siu'neje ti yikiajlin'ni jikiowek'i siojowa ijwienjli sikio' itij'we times tom'niji katese'l ji'wetis ti wikinie maja ti 'najli.

Apocalipsis 2:7

“¡Siunie jik'iot tiojwa'l po', k'iuyi siunie iyo janak Sinia' jikimet ti 'es ti ijwijla'm napok Sinia' jilis! Jlampet siunie jant'an pijia'm nak jawinajamna'a pet siunie jantojw jla' janaka a'la' ti i'wasankiye tajle yiji ni Sinia' jiwasok ti 'es.”

Apocalipsis 20:6

¡Sinia' jikap'ijliuskiye ti 'es yi'ne siunapo ti inian'ni ti yikiajle'e ti 'wasajne'n, 'yina ti napoka ti Sinia' jika kia'lis! 'Yina siojona 'najlati ti jantome pijia'm ja ke injlan'ni pet. 'Wenajliyijna'a ti janapokaye Sinia' naka 'neje ni Sijwajieti Jesús ti jawoyi jika pa'yijisa', ijwienjli janeyisi'iji'n ni Sijwajieti ti jawoyis anechiyasisa' ti jajnolk'i niwa mil najkapis.

Apocalipsis 21:5

Sekyi'i siojo yijijyi'n jlajak in'wet ti 'es iyo'ne 'ate: —'Ye'en, awojwa'n ink'iejyisa' wikie'eyi niwa wask'i'nelaja. 'Yina iyonk'i 'neje 'ate: —'Ete'e 'niwaka, 'yina jla'm ijiate wek jla'am ka je inkakiuni napo i'nio', kajeyepa ti je tak'emisie'n.

Apocalipsis 22:17

Siojona Sinia' jikimet ti 'es, siu'neje napo Sinia' jilis ti ti'yenajap japa i'nioki ti janeyi siunie 'wolepo 'woma, iyoyits'i 'ate: —¡Jomet! Siunie jampe'ya, ka kiak iwoyenie'e pet 'ate: —¡Jomet! Siunie ti janki'im, ka inamayinie'e siunie i'niat ti i'wasankiye, sekjane'yi ka i'yayejenie'e, 'yina ja ke tiwok lajaye.

Apocalipsis 6:11

Sekyi'i ti tijwankitajamk'i'ni jawa ji'wuye ti lemi ti t'ojienak'iji'n. Sekyi'i tiwonajayi 'ate: —'Esiji ka k'iuyejiap, ka ijnojlia'm ni janojwaja'm siunapo as'lejwas yiji ni jikijmaye ni Sijwajieti ti ja tiwonaja 'ate iyo ni siunie tiwona'ase ti inlanajajyin'nijpe.